തായ്‌ലൻഡിനെതിരേ ഇരട്ട ഗോൾ നേടിയതോടെ രാജ്യാന്തര ഗോൾ നേട്ടത്തിൽ അർജന്‍റീനയുടെ സൂപ്പർ താരം ലയണൽ മെസിയെ ഇന്ത്യയുടെ സുനിൽ ഛേത്രി മറികടന്നു.
ദേശീയ ടീമിനു വേണ്ടി നിലവിൽ കളിക്കുന്ന താരങ്ങളിൽ ഏറ്റവും കൂടുതൽ ഗോൾ താരങ്ങളുടെ പട്ടികയിലാണ് മെസിയെ ഇന്ത്യൻ സൂപ്പർ താരം പിന്തള്ളിയത്. ഛേത്രിക്കു മുന്നിൽ ഇനിയുള്ളത് പോർച്ചുഗലിന്‍റെ ക്രിസ്റ്റ്യാനോ റൊണാൾഡോ മാത്രമാണ്.
105 മത്സരങ്ങളിൽനിന്ന് ഛേത്രിക്ക് 67 ഗോളുകളായി. 128 മത്സരങ്ങളിൽനിന്ന് 65 രാജ്യാന്തര ഗോളാണ് മെസിക്കുള്ളത്. 154 മത്സരങ്ങളിൽനിന്ന് 85 ഗോളുമായാണ് റൊണാൾഡോ ഒന്നാം സ്ഥാനത്തുള്ളത്.
