ഇ​റ​ച്ചി​ക്കോ​ഴി വി​ല കുറയുന്നു; ഫാംവിലയായി കിട്ടുന്നത് വെറും 50രൂപമാത്രം; ഒരുകിലോയുള്ള ഒരു കോഴിക്ക് ചിലവ് 70 രൂപ; നട്ടംതിരിഞ്ഞ് കർഷകർ

കൂ​ത്താ​ട്ടു​കു​ളം: ക​ർ​ഷ​ക​രെ പ്ര​തി​സ​ന്ധി​യി​ലാ​ക്കി ഇ​റ​ച്ചി​ക്കോ​ഴി വി​ല ഇ​ടി​യു​ന്നു. കോ​ഴി തീ​റ്റ​യു​ടെ വി​ല വ​ർ​ധി​ക്കു​ന്പോ​ഴും ഇ​റ​ച്ചി വി​ല കു​റ​യു​ന്ന​ത് നൂ​റു​ക​ണ​ക്കി​നു ക​ർ​ഷ​ക​രെ ന​ട്ടം തി​രി​ക്കു​ക​യാ​ണ്. നി​ല​വി​ൽ ഒ​രു ചാ​ക്ക് തീ​റ്റ​ക്ക് 1700 രൂ​പ വ​രെ​യാ​യി.

ക​ഴി​ഞ്ഞ മൂ​ന്നു മാ​സ​ത്തി​നി​ടെ 300 രൂ​പ​യു​ടെ വ​ർ​ധ​ന​യാ​ണ് ഉ​ണ്ടാ​യി​രി​ക്കു​ന്ന​ത്. ക​ന​ത്ത വ​ര​ൾ​ച്ച മൂ​ലം കോ​ഴി​ത്തീ​റ്റ​ക്ക് ആ​വ​ശ്യ​മാ​യ ചോ​ളം, തി​ന തു​ട​ങ്ങി​യ​വ​യു​ടെ ല​ഭ്യ​ത കു​റ​ഞ്ഞ​തും റി​ല​യ​ൻ​സ്, വാ​ൾ​മാ​ർ​ട്ട് തു​ട​ങ്ങി​യ കു​ത്ത​ക വ്യാ​പാ​ര​ക്കാ​ർ അ​മി​ത വി​ല​യ്‌​ക്ക് ഇ​വ വാ​ങ്ങി​ക്കൂ​ട്ടി​യ​തു​മാ​ണ് തീ​റ്റ​യു​ടെ വി​ല കൂ​ടാ​ൻ കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

കോ​ഴി​ത്തീ​റ്റ​യ്ക്കു ക്ഷാ​മം നേ​രി​ടാ​ൻ സാ​ധ്യ​ത​യു​ള്ള​തി​നാ​ൽ, കു​ത്ത​ക ക​രാ​ർ കൃ​ഷി​ക്കാ​ർ പോ​ലും ഫാ​മു​ക​ളി​ൽ കോ​ഴി​കു​ഞ്ഞ് ഇ​റ​ക്കാ​താ​യി​രി​ക്കു​ക​യാ​ണ്. മാ​ർ​ക്ക​റ്റി​ൽ കോ​ഴി​ക്കു​ഞ്ഞു​ങ്ങ​ളെ മ​ത്സ​രി​ച്ച് വി​ൽ​പ്പ​ന ന​ട​ത്തി​യ​തു​മൂ​ലം 50 രൂ​പ വ​രെ ഉ​യ​ർ​ന്നു​നി​ന്ന കോ​ഴി​ക്കു​ഞ്ഞു​ങ്ങ​ളു​ടെ വി​ല നി​ല​വി​ൽ 11 രൂ​പ​യാ​യി താ​ഴ്ന്നി​രി​ക്കു​ക​യാ​ണ്.

കോ​ഴി​ക്കു​ഞ്ഞി​ന്‍റെ വി​ല കു​റ​ഞ്ഞാ​ലും തീ​റ്റ ല​ഭ്യ​മാ​കാ​ത്ത​ത് ക​ർ​ഷ​ക​ർ​ക്കു പ്ര​തി​സ​ന്ധി​യാ​യി​രി​ക്കു​ക​യാ​ണ്. തീ​റ്റ​യു​ടെ ല​ഭ്യ​ത​ക്കു​റ​വും വെ​ള്ള​ക്ഷാ​മം മൂ​ല​വും ക​ർ​ണാ​ട​ക, ത​മി​ഴ്നാ​ട് എ​ന്നി​വി​ട​ങ്ങ​ളി​ലെ കോ​ഴി​ക​ൾ ഒ​ന്നാ​യി വി​ൽ​പ്പ​ന​യ്‌​ക്കെ​ത്തി​യ​തും വി​ല​യി​ടി​വി​നു കാ​ര​ണ​മാ​യി. 90 രൂ​പ​യോ​ളം ഫാം ​വി​ല ല​ഭി​ച്ചി​രു​ന്ന ഒ​രു കി​ലോ കോ​ഴി​ക്ക് നി​ല​വി​ൽ 52 രൂ​പ​യാ​യി​രി​ക്കു​ക​യാ​ണ്.

എ​ന്നാ​ൽ ഒ​രു കി​ലോ കോ​ഴി​യു​ടെ ഉ​ത്‌​പാ​ദ​ന ചെ​ല​വ് 70 രൂ​പ​യ്ക്കു മു​ക​ളി​ലാ​ണ്. കോ​ഴി വി​ല ഏ​കീ​ക​രി​ക്കു​ന്ന​തി​നാ​യി സ​ർ​ക്കാ​ർ മു​ൻ​കൈ​യെ​ടു​ത്ത് ആ​രം​ഭി​ച്ച പ​ദ്ധ​തി ഇ​തു​വ​രെ പൂ​ർ​ണ​മാ​യും പ്രാ​വ​ർ​ത്തി​ക​മാ​ക്കാ​നാ​യി​ട്ടി​ല്ല. കെ​പ്കോ മു​ൻ​കൈ​യെ​ടു​ത്തെ​ങ്കി​ലും തെ​ക്ക​ൻ കേ​ര​ള​ത്തി​ൽ പോ​ലും ആ​വ​ശ്യ​ത്തി​നു ഇ​റ​ച്ചി ന​ൽ​കു​ന്ന​തി​നു സാ​ധി​ച്ചി​ല്ല. പ​ദ്ധ​തി ഏ​റ്റെ​ടു​ത്ത് ന​ട​പ്പാ​ക്കു​ന്ന​തി​നു ശ്ര​മി​ച്ച ബ്ര​ഹ്മ​ഗി​രി ഡ​വ​ല​പ്പ്‌​മെ​ന്‍റ് സൊ​സൈ​റ്റി സ​ർ​ക്കാ​ർ നി​ശ്ച​യി​ച്ച 85 രൂ​പ​യി​ൽ​നി​ന്നു കൂ​ടു​ത​ൽ വി​ല​യ്ക്കാ​ണ് നി​ല​വി​ൽ വി​ൽ​പ്പ​ന ന​ട​ത്തു​ന്ന​ത്.

കേ​ര​ള​ത്തി​ലെ ഏ​ക ഇ​റ​ച്ചി സം​സ്ക്ക​ര​ണ ശാ​ല​യാ​യ എം​പി​ഐ ക​ർ​ഷ​ക​രി​ൽ​നി​ന്നു കോ​ഴി വാ​ങ്ങാ​തെ വി​ല​കൂ​ട്ടി വ​ൻ​കി​ട ക​ച്ച​വ​ട​ക്കാ​രി​ൽ​നി​ന്നു വാ​ങ്ങു​ന്ന​താ​യും പ​റ​യ​പ്പെ​ടു​ന്നു. ഫാം ​കെ​ട്ടു​ന്ന​തു മു​ത​ൽ നി​ര​വ​ധി പ്ര​ശ്ന​ങ്ങ​ളെ അ​ഭി​മു​ഖീ​ക​രി​ക്കു​ന്ന കോ​ഴി ക​ർ​ഷ​ക​രു​ടെ ആ​വ​ശ്യ​ങ്ങ​ൾ​ക്കു വേ​ണ്ടി ശ​ബ്ദ​മു​യ​ർ​ത്താ​ൻ ഏ​കീ​കൃ​ത​മാ​യ ഒ​രു സം​ഘ​ട​ന​യു​ടെ പേ​രാ​യ്മ​യാ​ണ് പ്ര​ശ്ന​ത്തി​നു കാ​ര​ണം.

കൊ​മേ​ഴ്സ്യ​ൽ വി​ഭാ​ഗ​ത്തി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന കോ​ഴി ക​ർ​ഷ​ക​രെ കൃ​ഷി​യു​ടെ പ​രി​ധി​യി​ലാ​ക്കു​ക, ക്ഷീ​ര ക​ർ​ഷ​ക​ർ​ക്കെ​ന്ന പോ​ലെ കോ​ഴി ക​ർ​ഷ​ക​ർ​ക്കു സ​ബ്സി​ഡി ന​ൽ​കു​ക, കോ​ഴി, ചി​ക്സ് എ​ന്നി​വ​ക്ക് താ​ങ്ങു​വി​ല നി​ശ്ച​യി​ക്കു​ക, കോ​ഴി ക​ർ​ഷ​ക​രു​ടെ ഉ​ന്ന​മ​ന​ത്തി​നാ​യി താ​ലൂ​ക്ക് ത​ല​ത്തി​ലും സം​സ്ഥാ​ന ത​ല​ത്തി​ലും സ​ഹ​ക​ര​ണ സ്ഥാ​പ​നം തു​ട​ങ്ങു​ക, മി​ത​മാ​യ വി​ല​യ്‌​ക്ക് കോ​ഴി​ക്കു​ഞ്ഞ്, തീ​റ്റ എ​ന്നി​വ ല​ഭ്യ​മാ​ക്കു​ക തു​ട​ങ്ങി​യ​വ​യി​ൽ അ​ടി​യ​ന്ത​ര​മാ​യി സ​ർ​ക്കാ​ർ ഇ​ട​പെ​ട്ട് പ്ര​ശ്നം പ​രി​ഹ​രി​ക്ക​ണ​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.