ഗ്രാസ് (ഓസ്ട്രിയ): രണ്ടാം നിരക്കാരുമായി എത്തിയ ചിലിക്കു മുന്നിൽ ലോകകപ്പ് സന്നാഹ മത്സരത്തിൽ സെർബിയ വീണു. മറുപടിയില്ലാത്ത ഒരു ഗോളിനാണ് ചിലി ജയം നേടിയത്. മത്സരത്തിന്‍റെ 88-ാം മിനിറ്റിൽ ഗില്ലെർമോ മാരിപാനാണ് ചിലിക്കായി ലക്ഷ്യംനേടിയത്.
ലാറ്റിനമേരിക്കൻ ലോകകപ്പ് യോഗ്യതാ റൗണ്ട് കടക്കാൻ കോപ്പ അമേരിക്ക ജേതാക്കളായ ചിലിക്ക് സാധിച്ചിരുന്നില്ല. ലോകകപ്പിൽ ഗ്രൂപ്പ് ഇയിൽ ബ്രസീൽ, സ്വിറ്റ്സർലൻഡ്, കോസ്റ്റാറിക്ക എന്നിവയ്ക്കൊപ്പമാണ് സെർബിയ.
