നെടുമ്പാശേരി: കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്തുവാൻ ശ്രമിച്ച അഞ്ച് ലക്ഷം രൂപ വിലവരുന്ന വിദേശ നിർമിതമായ മാൽബ്രോ സിഗററ്റുകൾ പിടികൂടി. കോലാലംപൂരിൽനിന്നും ഇന്ന് പുലർച്ചെ കൊച്ചി അന്താരാഷ്ട്ര വിമാനതാവളത്തിൽ എത്തിയ എയർ ഏഷ്യ വിമാനത്തിലെ രണ്ട് യാത്രക്കാരിൽനിന്നാണ് 200 കാർട്ടൻ വിദേശ നിർമിത സിഗററ്റുകൾ എയർ കസ്റ്റംസ് ഇന്‍റലിജൻസ് വിഭാഗം പിടികൂടിയത്.
യാത്രക്കാരിൽ ഒരാൾ കണ്ണൂർ സ്വദേശിയും മറ്റൊരാൾ കാസർഗോഡ് സ്വദേശിയും ആണ്.കേരളത്തിൽ വില്പന നടത്തുന്നതിനാണ് ഈ സിഗരറ്റുകൾ എത്തിച്ചതെന്നാണ് വിവരം. ലഗേജിൽ ഒളിപ്പിച്ചാണ് സിഗരറ്റ് കടത്താൻ ശ്രമിച്ചത്. പിടിയിലായവരെ കസ്റ്റംസ് ഉദ്യോഗസ്ഥർ ചോദ്യം ചെയ്തു വരികയാണ് വിശദമായി ചോദ്യം ചെയ്ത് വരികയാണ്.
