ക​ണ്ണൂ​രി​ലെ​ത്തി​യ ചെ​ഗു​വേ​ര​യു​ടെ മ​ക​ളെ കാ​ണാ​ൻ ബി​ജെ​പി നേ​താ​വെ​ത്തി; സി.​കെ.​പി​യു​ടെ ചെ​ഗു​വേ​ര സ്നേ​ഹം ഇ​ന്ന​ലെ തു​ട​ങ്ങി​യ​ത​ല്ല…

ക​ണ്ണൂ​ർ: ലാ​റ്റി​ൻ അ​മേ​രി​ക്ക​ൻ വി​പ്ല​വ നാ​യ​ക​ൻ ചെ​ഗു​വേ​ര​യു​ടെ മ​ക​ളെ കാ​ണാ​ൻ ബി​ജെ​പി നേ​താ​വെ​ത്തി. ഇ​ന്ന​ലെ രാ​വി​ലെ 9.30 ഓ​ടെ​യാ​ണ് ബി​ജെ​പി ദേ​ശീ​യ സ​മി​തി​യം​ഗം സി.​കെ. പ​ദ്മ​നാ​ഭ​ൻ ക​ണ്ണൂ​ർ ഗ​സ്റ്റ് ഹൗ​സി​ലെ​ത്തി ചെ​ഗു​വേ​ര​യു​ടെ മ​ക​ൾ അ​ലൈ​ഡ ഗു​വേ​ര​യു​മാ​യി കൂ​ടി​ക്കാ​ഴ്ച ന​ട​ത്തി​യ​ത്.

സി​പി​എം പോ​ളി​റ്റ്ബ്യൂ​റോ അം​ഗം എം.​എ. ബേ​ബി, സം​സ്ഥാ​ന യു​വ​ജ​ന ക​മ്മീ​ഷ​ൻ ചെ​യ​ർ​പേ​ഴ്സ​ൺ ചി​ന്താ ജെ​റോം എ​ന്നി​വ​ർ ചേ​ർ​ന്ന് സി.​കെ.​പ​ദ്മ​നാ​ഭ​നെ സ്വീ​ക​രി​ച്ചു. തു​ട​ർ​ന്ന് എം.​എ. ബേ​ബി അ​ലൈ​ഡ ഗു​വേ​ര​യ്ക്ക് സി.​കെ. പ​ദ്മ​നാ​ഭ​നെ പ​രി​ച​യ​പ്പെ​ടു​ത്തി​ക്കൊ​ടു​ത്തു. ഇ​ന്ത്യ ഭ​രി​ക്കു​ന്ന പാ​ർ​ട്ടി​യു​ടെ മു​ൻ സം​സ്ഥാ​ന പ്ര​സി​ഡ​ന്‍റും ഇ​പ്പോ​ൾ ദേ​ശീ​യ സ​മി​തി​യം​ഗ​വു​മാ​ണ് സി.​കെ.​പി എ​ന്നു പ​റ​ഞ്ഞ​പ്പോ​ൾ അ​ലൈ​ഡ ഗു​വേ​ര എ​ഴു​ന്നേ​റ്റ് നി​ന്ന് ഹ​സ്ത​ദാ​നം ചെ​യ്തു.

തു​ട​ർ​ന്ന് ചെ​റി​യ ഉ​പ​ഹാ​രം സ്വീ​ക​രി​ക്ക​ണ​മെ​ന്ന് സി.​കെ.​പി അ​ഭ്യ​ർ​ഥി​ച്ചു. കൂ​ടെ​യു​ണ്ടാ​യി​രു​ന്ന ബി​ജെ​പി ജി​ല്ലാ​ക​മ്മി​റ്റി​യം​ഗം സു​ധീ​ർ ബാ​ബു​വി​ന്‍റെ കൈ​യി​ൽ നി​ന്നും ഉ​പ​ഹാ​രം വാ​ങ്ങി ന​ൽ​കു​ക​യാ​യി​രു​ന്നു. അ​ർ​ജു​ന​ന് ഗീ​തോ​പ​ദേ​ശം ന​ൽ​കു​ന്ന മാ​തൃ​ക​യി​ലു​ള്ള പി​ച്ച​ള​യി​ൽ തീ​ർ​ത്ത ശി​ല്പ​മാ​ണ് ഉ​പ​ഹാ​ര​മാ​യി ന​ൽ​കി​യ​ത്. ഇ​ത് ഭാ​ര​ത സം​സ്കാ​ര​ത്തി​ന്‍റെ പ്ര​തീ​ക​മാ​ണെ​ന്നും സി.​കെ.​പി പ​റ​ഞ്ഞു.

ഉ​പ​ഹാ​ര​ത്തി​ൽ നോ​ക്കി​യ​പ്പോ​ൾ എം.​എ. ബേ​ബി​യും വി​ശ​ദീ​ക​രി​ച്ചു. ഈ ​ഉ​പ​ഹാ​രം അ​മൂ​ല്യ​മാ​ണെ​ന്നും അ​ത് പ്ര​ത്യേ​ക​മാ​യി പാ​യ്ക്ക് ചെ​യ്ത് നാ​ട്ടി​ലേ​ക്കു കൊ​ണ്ടു​പോ​കാ​ൻ ത​യാ​റാ​ക്ക​ണ​മെ​ന്നും കൂ​ടെ​യു​ണ്ടാ​യി​രു​ന്ന ചി​ന്താ ജെ​റോ​മി​നോ​ട് അ​വ​ർ നി​ർ​ദേ​ശി​ച്ചു. താ​ൻ എ​ന്നും ആ​ദ​ര​വോ​ടെ ക​ണ്ട വി​പ്ല​വ​നാ​യ​ക​ൻ ചെ​ഗു​വേ​ര​യു​ടെ മ​ക​ളെ സ​ന്ദ​ർ​ശി​ക്കാ​നും സം​സാ​രി​ക്കാ​നും ക​ഴി​ഞ്ഞ​ത് ഭാ​ഗ്യ​മാ​യി ക​ണ്ടാ​ണ് സി.​കെ.​പി ഗ​സ്റ്റ് ഹൗ​സ് വി​ട്ട​ത്.

സി.​കെ.​പി​യു​ടെ ചെ​ഗു​വേ​ര സ്നേ​ഹം ഇ​ന്ന​ലെ തു​ട​ങ്ങി​യ​ത​ല്ല

ചെ​ഗു​വേ​ര​യോ​ടു​ള്ള ആ​രാ​ധ​ന സി.​കെ.​പി ഇ​തി​നു മു​ന്പും പ​ര​സ്യ​മാ​യി പ്ര​ക​ടി​പ്പി​ച്ചി​രു​ന്നു. ക​ഴി​ഞ്ഞ​വ​ർ​ഷം ബി​ജെ​പി സം​സ്ഥാ​ന സെ​ക്ര​ട്ട​റി എ.​എ​ൻ. രാ​ധാ​കൃ​ഷ്ണ​ൻ ന​യി​ച്ച ബി​ജെ​പി വാ​ഹ​ന ജാ​ഥ​യി​ൽ എ.​എ​ൻ. രാ​ധാ​കൃ​ഷ്ണ​ൻ ചെ​ഗു​വേ​ര​യെ രൂ​ക്ഷ​മാ​യി ക​ട​ന്നാ​ക്ര​മി​ച്ചി​രു​ന്നു.

ചെ​ഗു​വേ​ര​യു​ടെ ഫോ​ട്ടോ​ക​ളും ബോ​ർ​ഡു​ക​ളും എ​ടു​ത്തു​മാ​റ്റ​ണ​മെ​ന്നും അ​ത് ഡി​വൈ​എ​ഫ്ഐ​ക്കാ​രും എ​സ്എ​ഫ്ഐ​ക്കാ​രും എ​ടു​ത്തു​മാ​റ്റു​ന്ന കാ​ലം വി​ദൂ​ര​മ​ല്ലെ​ന്നു​മാ​യി​രു​ന്നു ജാ​ഥ​യി​ൽ ഉ​ട​നീ​ളം എ.​എ​ൻ. രാ​ധാ​കൃ​ഷ്ണ​ൻ പ്ര​സം​ഗി​ച്ച​ത്.

ഇ​ത് സി.​കെ.​പി​യെ പ്ര​കോ​പ്പി​ച്ചു. സി​പി​എ​മ്മി​ന്‍റെ ചാ​ന​ലി​നു ത​ന്നെ അ​ഭി​മു​ഖം ന​ൽ​കി എ.​എ​ൻ. രാ​ധാ​കൃ​ഷ്ണ​ന്‍റെ വാ​ദ​ങ്ങ​ളെ അ​ദ്ദേ​ഹം ന​ഖ​ശി​ഖാ​ന്തം എ​തി​ർ​ത്തു. ലോ​ക വി​പ്ല​വ​നാ​യ​ക​ൻ ചെ​ഗു​വേ​ര​യെ​ക്കു​റി​ച്ച് മ​ന​സി​ലാ​ക്കാ​ത്ത​വ​രാ​ണ് ഇ​ത്ത​ര​ത്തി​ൽ പ്ര​സം​ഗി​ക്കു​ന്ന​തെ​ന്നും അ​ദ്ദേ​ഹ​ത്തി​ന്‍റെ ജീ​വ​ച​രി​ത്രം വാ​യി​ച്ച​വ​ർ​ക്ക് ചെ​ഗു​വേ​ര ആ​രാ​ണെ​ന്ന് മ​ന​സി​ലാ​കു​മെ​ന്നും കൈ​ര​ളി ചാ​ന​ലി​ന് ന​ൽ​കി​യ അ​ഭി​മു​ഖത്തിൽ സി.​കെ.​പി പറഞ്ഞിരുന്നു.

ഇത് കേ​ര​ള​ത്തി​ൽ വ​ലി​യ ച​ർ​ച്ച​യാ​യി. മാ​ധ്യ​മ​ങ്ങ​ൾ അ​ത് ഏ​റ്റെ​ടു​ത്തു. സി.​കെ.​പി​യു​ടെ ചെഗുവേര സ്നേ​ഹ​ത്തി​ൽ പ്ര​കോ​പി​ത​രാ​യ പാ​ർ​ട്ടി പ്ര​വ​ർ​ത്ത​ക​ർ ഫോ​ണി​ൽ വി​ളി​ച്ച് അ​ദ്ദേ​ഹ​ത്തെ തെ​റി​വി​ളി​ച്ചു.

ചി​ല​ർ പി​ന്തു​ണ​യും ന​ൽ​കി. എ​ന്നാ​ൽ പാ​ർ​ട്ടി നേ​തൃ​ത്വം ഇ​ക്കാ​ര്യ​ത്തി​ൽ മൗ​നം പാ​ലി​ച്ചു. ഈ ​വി​വാ​ദ​ക്കാ​റ്റി​ൽ ജാ​ഥ​യു​ടെ വി​ഷ​യം ത​ന്നെ മാ​റി​പ്പോ​യി. ജാ​ഥ അ​വ​സാ​നി​ച്ച​ശേ​ഷം ന​ട​ന്ന ബി​ജെ​പി സം​സ്ഥാ​ന നേ​തൃ​യോ​ഗ​ത്തി​ൽ സി.​കെ. പ​ദ്മ​നാ​ഭ​നെ​തി​രേ വി​മ​ർ​ശ​നം ഉ​യ​ർ​ന്നി​രു​ന്നു. എ​ന്നാ​ൽ അ​തി​ന് വ്യ​ക്ത​മാ​യ മ​റു​പ​ടി ന​ൽ​കി​യ​തോ​ടെ കൂ​ടു​ത​ൽ വി​വാ​ങ്ങ​ളി​ലേ​ക്കു പോ​കാ​തെ യോ​ഗം മ​റ്റ് അ​ജ​ണ്ട​ക​ളി​ലേ​ക്ക് ക​ട​ക്കു​ക​യാ​യി​രു​ന്നു.