ഒരു പ്രദേശത്തെ ഇ മാലിന്യങ്ങൾ‌ കൂട്ടിവയ്ക്കൂ, ഒരുലോഡ് സാധനങ്ങളുണ്ടെങ്കിൽ  ക്ലീൻകേരള കമ്പനി ഏറ്റെടുക്കും;  കമ്പനി  ഇ​തു​വ​രെ സം​ഭ​രി​ച്ച​ത് 12 ട​ണ്‍ പ്ലാ​സ്റ്റി​ക് മാ​ലി​ന്യ​ങ്ങൾ

കോ​ട്ട​യം: പ്ര​ള​യാ​ന​ന്ത​രം ജി​ല്ല​യി​ലെ വി​വി​ധ പ്ര​ദേ​ശ​ങ്ങ​ളി​ലെ ഇ​ല​ക്ട്രോ​ണി​ക് മാ​ലി​ന്യ​ങ്ങ​ൾ സം​ഭ​രി​ക്കാ​നൊ​രു​ങ്ങി ക്ലീ​ൻ കേ​ര​ള ക​ന്പ​നി. ഇ​തി​നാ​യി ശു​ചി​ത്വ​മി​ഷ​നു​മാ​യി ചേ​ർ​ന്ന് പ്ര​ത്യേ​ക പ​ദ്ധ​തി ത​യാ​റാ​ക്കിക്ക​ഴി​ഞ്ഞു. ഇ-​മാ​ലി​ന്യ​ങ്ങ​ൾ കു​റ​ഞ്ഞ​ത് ഒ​രു ലോ​ഡ് എ​ങ്കി​ലു​മു​ണ്ടെ​ങ്കി​ൽ ക്ലീ​ൻ കേ​ര​ള ക​ന്പ​നി ഏ​റ്റെ​ടു​ക്കും.

സം​ഭ​രി​ച്ച മാ​ലി​ന്യ​ങ്ങ​ൾ ഹൈ​ദ​രാ​ബാ​ദി​ലു​ള്ള റീ​സൈ​ക്ലീം​ഗ് ക​ന്പ​നി​ക്ക് ന​ൽ​കാ​നാ​ണ് തീ​രു​മാ​നം.ഓ​ഫീ​സു​ക​ൾ​ക്ക് ഇ​തു സം​ബ​ന്ധി​ച്ച സ​ർ​ക്കു​ല​ർ ന​ൽ​കിക്കഴി​ഞ്ഞു. നി​ല​വി​ലെ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ വേ​ഗ​ത്തി​ലാ​ക്കാ​ൻ ജി​ല്ലാ ക​ള​ക്ട​ർ പ്ര​ത്യേ​ക നി​ർ​ദേ​ശം ന​ൽ​കി​യി​ട്ടു​ണ്ട്.

ജി​ല്ല​യി​ലെ പ്ര​ള​യ​ബാ​ധി​ത മേ​ഖ​ല​ക​ളി​ൽ നി​ന്നും ക്ലീ​ൻ കേ​ര​ള ക​ന്പ​നി ഇ​തു​വ​രെ സം​ഭ​രി​ച്ച​ത് 12 ട​ണ്‍ പ്ലാ​സ്റ്റി​ക് മാ​ലി​ന്യ​മാ​ണ്. ദു​രി​താ​ശ്വാ​സ ക്യാ​ന്പു​ക​ൾ പ്ര​വ​ർ​ത്തി​ച്ചി​രു​ന്ന സ്ഥാ​പ​ന​ങ്ങ​ൾ, വെ​ള്ളം ക​യ​റി​യ വീ​ടു​ക​ൾ, ഓ​ഫീ​സു​ക​ൾ, ജ​ല സ്രോ​ത​സ്സു​ക​ൾ തു​ട​ങ്ങി​യ​വ​യാ​ണ് ക്ലീ​ൻ കേ​ര​ള മി​ഷ​ന്‍റെ നേ​തൃ​ത്വ​ത്തി​ൽ ശു​ചീ​ക​രി​ച്ച​ത്.

ഹ​രി​ത കേ​ര​ളം മി​ഷ​ൻ, ശു​ചി​ത്വ​മി​ഷ​ൻ, ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ എ​ന്നീ ഏ​ജ​ൻ​സി​ക​ൾ​ക്കാ​ണ് ശു​ചീ​ക​ര​ണ ചു​മ​ത​ല. വ​കു​പ്പു ഉ​ദ്യോ​ഗ​സ്ഥ​ർ​ക്കൊ​പ്പം വി​വി​ധ ഏ​ജ​ൻ​സി​ക​ളി​ൽ നി​ന്നു​ള്ള 6000 വോ​ള​ന്‍റി​യേ​ഴ്സും പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​ക​ളാ​യി.

ജി​ല്ല​യി​ലെ 15 പ​ഞ്ചാ​യ​ത്തു​ക​ളി​ലാ​ണ് നി​ല​വി​ൽ ശു​ചീ​ക​ര​ണം പൂ​ർ​ത്തി​യാ​യ​ത്. ജൈ​വ – അ​ജൈ​വ – പ്ലാ​സ്റ്റി​ക്ക് മാ​ലി​ന്യ​ങ്ങ​ൾ വേ​ർ​തി​രി​ച്ച് സം​ഭ​രി​ച്ചാ​ണ് സം​സ്ക​രി​ക്കു​ന്ന​ത്. ഇ​ത് ബ്ര​ഹ്മ​പു​ര​ത്തെ റീ​സൈ​ക്ലീം​ഗ് ക​ന്പ​നി​യി​ലേ​ക്കാ​ണ് എ​ത്തി​ക്കു​ന്ന​ത്. ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കു കീ​ഴി​ലെ പ്ലാ​സ്റ്റി​ക്ക് ഷ്രെ​ഡിം​ഗ് യൂ​ണി​റ്റു​ക​ളും ഇ​തി​നാ​യി ഉ​പ​യോ​ഗി​ക്കും.