കോട്ടയം: സിഎംഎസ് കോളജില്‍ നവാഗതരെ സ്വീകരിക്കുന്നതിനെച്ചൊല്ലിയുണ്ടായ സംഘര്‍ഷം ആദ്യം കോളജിലും തുടര്‍ന്ന് ജില്ലാ ആശുപത്രി പരിസരത്തേക്കും നീണ്ടെങ്കിലും ഇന്നു രാവിലെ സമാധാനപരം.
പോലീസിന്‍റെ കനത്ത സുരക്ഷയിലാണ് ഇന്ന് കോളജ് പ്രവര്‍ത്തിക്കുന്നത്. കോളജ് പരിസരത്ത് പോലീസ് ക്യാമ്പ് ചെയ്യുന്നുണ്ട്. ഇന്നലെ വൈകിട്ടാണു സംഘര്‍ഷത്തിനു തുടക്കംകുറിച്ചത്.
കോളജിനു മുന്നില്‍ നവാഗതരെ സ്വീകരിക്കുവാന്‍ എസ്എഫ്‌ഐയും കെഎസ് യുവും പ്രത്യേക ക്രമീരണങ്ങൾ ചെയ്തിരുന്നു.
ഇതിനിടെ കെഎസ് യു പ്രവര്‍ത്തകര്‍ പ്രകോപനം കൂടാതെ ആക്രമിക്കുകയായിരുന്നുവെന്നു എസ്എഫ്ഐ ആരോപിച്ചു. തങ്ങളെയാണു ആക്രമിച്ചതെന്നു കെഎസ് യുവും ആരോപിക്കുന്നു.
പരിക്കേറ്റവരെ ജില്ലാ ആശുപത്രിയില്‍ പ്രവേശിപ്പിച്ചപ്പോള്‍ പുറത്തുനിന്നെത്തിയ എസ്എഫ്ഐ പ്രവര്‍ത്തകര്‍ ആക്രമിച്ചെന്ന് കെഎസ് യു ആരോപിച്ചു.
ജില്ലാ ആശുപത്രിക്കു മുന്പിൽ കഴിഞ്ഞരാത്രി അരങ്ങേറിയ സംഘര്‍ഷത്തിലും കോളജിനു മുന്നിലുണ്ടായ സംഘര്‍ഷത്തിലും 125 പേര്‍ക്കെതിരേ വെസ്റ്റ് പോലീസ് കേസെടുത്തു.
