സ്ഥാ​നാ​ർ​ഥി​ക​ളു​ടെ മാ​ന​ദ​ണ്ഡം വി​ജ​യ​സാ​ധ്യ​ത​യാ​ണ്;  പാ​ർ​ട്ടി പ​റ​ഞ്ഞാ​ൽ   വീണ്ടും മ​ത്സ​രി​ക്കുമെന്ന് സി.എൻ ജയദേവൻ

തൃ​ശൂ​ർ: പാ​ർ​ട്ടി പ​റ​ഞ്ഞാ​ൽ വീ​ണ്ടും മ​ത്സ​രി​ക്കു​മെ​ന്ന് സി.​എ​ൻ.​ ജ​യ​ദേ​വ​ൻ എം​പി. സ്ഥാ​നാ​ർ​ഥി​ക​ളു​ടെ മാ​ന​ദ​ണ്ഡം വി​ജ​യ​സാ​ധ്യ​ത​യാ​ണ്. സി​പി​ഐ​ക്ക് ന​ൽ​കി​യി​ട്ടു​ള്ള നാ​ലു സീ​റ്റു​ക​ളും വി​ജ​യ​സാ​ധ്യ​ത​യു​ള്ള​താ​ണ്. വ​യ​നാ​ട് ക​ഴി​ഞ്ഞ ത​വ​ണ തോ​ൽ​ക്കാ​നു​ള്ള സീ​റ്റെ​ന്ന നി​ല​യി​ലാ​ണ് പ്ര​വ​ർ​ത്ത​ക​ർ പ്ര​വ​ർ​ത്തി​ച്ച​ത്. ഇ​ത്ത​വ​ണ ആ ​സീ​റ്റ് തി​രി​ച്ചുപി​ടി​ക്കും. തൃ​ശൂ​ർ സി​പി​ഐ​യു​ടെ ഏ​റ്റ​വും വി​ജ​യ​സാ​ധ്യ​ത​യു​ള്ള സീ​റ്റു​ക​ളി​ൽ ഒ​ന്നാ​മ​ത്തേ​താ​ണ്.

നി​യ​മ​സ​ഭ​യി​ലേ​ക്ക ു ര​ണ്ടു ത​വ​ണ മ​ത്സ​രി​ച്ച​വ​ർ​ക്ക് പാ​ർ​ട്ടി അ​വ​സ​രം ന​ൽ​കാ​റി​ല്ല. എ​ന്നാ​ൽ ലോ​ക്സ​ഭ​യി​ലേ​ക്കു മ​ത്സ​രി​ക്കു​ന്ന മാ​ന​ദ​ണ്ഡം സം​ബ​ന്ധി​ച്ച് ഇ​തു​വ​രെ തീ​രു​മാ​ന​മെ​ടു​ത്തി​ട്ടി​ല്ല. അ​ടു​ത്ത ദി​വ​സം കൂ​ടു​ന്ന യോ​ഗ​ത്തി​ൽ ഇ​തു​സം​ബ​ന്ധി​ച്ചും തീ​രു​മാ​ന​മെ​ടു​ക്കും.

കേ​ര​ള​ത്തി​നു പു​റ​ത്ത് കോ​ണ്‍​ഗ്ര​സു​മാ​യി കൂ​ട്ടു​കൂ​ടു​ന്ന​തി​നോ​ട് സി​പി​ഐ​ക്ക് വി​രോ​ധ​മി​ല്ല. കോ​ണ്‍​ഗ്ര​സ് പാ​ർ​ട്ടി ബൂ​ർ​ഷ്വാ​സി പാ​ർ​ട്ടി​യാ​ണെ​ന്ന​തി​ൽ മാ​റ്റ​മി​ല്ല. എ​ന്നാ​ൽ ബി​ജെ​പി അ​ങ്ങ​നെ​യ​ല്ല. അ​വ​ർ വ​ർ​ഗീ​യ പാ​ർ​ട്ടി​യാ​ണെ​ന്ന​താ​ണ് കൂ​ടു​ത​ൽ അ​പ​ക​ട​ക​രം. ആ​രു​മാ​യും കൂ​ട്ടു​കൂ​ടി ബി​ജെ​പി​യെ പ​രാ​ജ​യ​പ്പെ​ടു​ത്തു​ക​യെ​ന്ന​താ​ണ് ഇ​പ്പോ​ഴ​ത്തെ നി​ല​പാ​ടെ​ന്നും സി.​എ​ൻ.​ ജ​യ​ദേ​വ​ൻ പ​റ​ഞ്ഞു.