കൊച്ചി: കേരള ബ്ലാസ്റ്റേഴ്സിന്‍റെ സഹ പരിശീലകൻ ഇഷ്ഫാഖ് അഹമ്മദ് ക്ലബ്ബ് വിട്ടു. ഇഷ്ഫാഖുമായുള്ള കരാർ അവസാനിച്ചതായി ക്ലബ്ബ് ചൊവ്വാഴ്ച ഔദ്യോഗികമായി അറിയിച്ചു. കഴിഞ്ഞ നാലു വർഷമായി ബ്ലാസ്റ്റേഴ്സിന്‍റെ സഹപരിശീലകനായിരുന്നു ഇഷ്ഫാഖ്.
മൂന്നു വർഷം ബ്ലാസ്റ്റേഴ്സിനായി കളിച്ച ശേഷമാണ് ഇഷ്ഫാഖ് ടീമിന്‍റെ സഹ പരിശീലകനാകുന്നത്. പുതിയ സഹപരിശീലകനെ ഉടൻ തീരുമാനിക്കുമെന്ന് ക്ലബ്ബ് അറിയിച്ചു.കേരളത്തിൽനിന്നുതന്നെയുള്ള ഒരു താരം ആ സ്ഥാനത്തെത്തുമെന്നാണു സൂചന.
