വി​വാ​ഹം മാ​റ്റി​വ​യ്ക്കാ​ൻ ക​ഴി​യാ​ത്ത സ്ഥി​തി​! ക​തി​ർ​മ​ണ്ഡ​പ​വും കുരവയുമി​ല്ലാ​തെ ആ​ശു​പ​ത്രി​യി​ൽ കോ​വി​ഡ് രോ​ഗി വ​ധു​വി​ന് മം​ഗ​ല്യ​സൂ​ത്ര​മ​ണി​യി​ക്കും

അ​ന്പ​ല​പ്പു​ഴ: ക​തി​ർ​മ​ണ്ഡ​പ​വും ആ​ൾ​ക്കൂ​ട്ട​വും ഇ​ല്ലാ​തെ ആ​ശു​പ​ത്രി​യി​ൽ ഒ​രു​ക്കി​യ വേ​ദി​യി​ൽ കോ​വി​ഡ് രോ​ഗി വ​ധു​വി​ന് മം​ഗ​ല്യ​സൂ​ത്ര​മ​ണി​യി​ക്കും.

നേ​ര​ത്തേ നി​ശ്ച​യി​ച്ചു​റ​പ്പി​ച്ചി​രു​ന്ന വി​വാ​ഹം മു​ഹൂ​ർ​ത്തം തെ​റ്റാ​തെ ആ​രോ​ഗ്യ​പ്ര​വ​ർ​ത്ത​ക​രു​ടെ സാ​ന്നി​ധ്യ​ത്തി​ൽ ഇ​ന്ന് പ​ക​ൽ 12 നാ​ണ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മി​ന്നു​ചാ​ർ​ത്തു​ന്ന​ത്.

വ​ര​ന്‍റെ കോ​വി​ഡ് രോ​ഗി​യാ​യ അ​മ്മ​യും ച​ട​ങ്ങി​നു സാ​ക്ഷി​യാ​കും. വി​ദേ​ശ​ത്ത് ജോ​ലി​യു​ള്ള കൈ​ന​ക​രി സ്വ​ദേ​ശി​യാ​യ യു​വാ​വും തെ​ക്ക​നാ​ര്യാ​ട് സ്വ​ദേ​ശി​നി​യു​മാ​യാ​ണ് വി​വാ​ഹം നി​ശ്ച​യി​ച്ചി​രു​ന്ന​ത്.

വി​വാ​ഹ​ത്തി​ന് അ​വ​ധി​യി​ൽ നാ​ട്ടി​ലെ​ത്തി​യ പ്ര​തി​ശ്രു​ത വ​ര​ന് ക​ഴി​ഞ്ഞദി​വ​സ​മാ​ണ് കോ​വി​ഡ് രോ​ഗ​ബാ​ധ സ്ഥി​രീ​ക​രി​ച്ച​ത്. തു​ട​ർ​ന്ന് വ​ണ്ടാ​ന​ത്ത് ചി​കി​ത്സ​യി​ൽ പ്ര​വേ​ശി​ച്ചു.

എ​ന്നാ​ൽ മു​ൻ​കൂ​ട്ടി നി​ശ്ച​യി​ച്ച വി​വാ​ഹം മാ​റ്റി​വ​യ്ക്കാ​ൻ ക​ഴി​യാ​ത്ത സ്ഥി​തി​യാ​ണെന്ന് വ​ധു​വി​ന്‍റെ വീ​ട്ടു​കാ​ർ അ​റി​യി​ച്ച​തോ​ടെ​യാ​ണ് വി​വാ​ഹ​വേ​ദി ആ​ശു​പ​ത്രി​യാ​ക്കാ​ൻ തീ​രു​മാ​നി​ച്ച​ത്.

ഇ​തി​ന് ക​ള​ക്ട​റു​ടെ അ​നു​മ​തി​പ​ത്രം വാ​ങ്ങി ആ​ശു​പ​ത്രി സൂ​പ്ര​ണ്ടി​ന് വ​ര​ന്‍റെ ബ​ന്ധു​ക്ക​ൾ കൈ​മാ​റി.

വ​ധു ഒ​രു ബ​ന്ധു​വി​നൊ​പ്പം മു​ഹൂ​ർ​ത്ത സ​മ​യം ആ​ശു​പ​ത്രി​യി​ൽ എ​ത്തും. വ​ര​നെ​യും അ​മ്മ​യേ​യും പി​പി​ഇ കി​റ്റ് ധ​രി​ച്ച് ഈ ​സ​മ​യം ട്ര​യാ​ജ് മു​റി​യി​ൽ എ​ത്തി​ക്കും.

മു​ഹൂ​ർ​ത്ത​ത്തി​ൽ വ​ര​ൻ താ​ലി​ചാ​ർ​ത്തു​ന്ന​തോ​ടെ ച​ട​ങ്ങ് പൂ​ർ​ത്തി​യാ​ക്കി വ​ധു​വും ബ​ന്ധു​വും മ​ട​ങ്ങു​ക​യും വേ​ണം. പ​ങ്കെ​ടു​ക്കു​ന്ന മു​ഴു​വ​ൻ പേ​രും പി​പി​ഇ കി​റ്റ് ധ​രി​ച്ചു​വേ​ണം എ​ത്താ​ൻ.