നാണയ ശേഖരം ഒരു ഹോബിയായി സ്വീകരിച്ചിരിക്കുന്നവരെക്കുറിച്ച് ധാരാളം കേട്ടിട്ടുണ്ട്. പല രാജ്യത്ത് നിന്നുമുള്ള നാണയങ്ങള്‍ വലിയ വിലകൊടുത്തു പോലും തങ്ങളുടെ ശേഖരത്തിലേക്ക് ചേര്‍ക്കുന്നവരുണ്ട്.
അക്കാന്‍ ടാനു എന്ന ജപ്പാന്‍കാരനും ഇത്തരത്തിലുള്ള ഒരു ഹോബിയുണ്ട്. എന്നാല്‍ നാണയങ്ങള്‍ വെറുതെ ശേഖരിച്ച് വയ്ക്കുക മാത്രമല്ല ഇയാള്‍ ചെയ്യുന്നത്. പകരം കൈയിലുള്ള നാണയങ്ങള്‍ ഉപയോഗിച്ച് അക്ഷരാര്‍ത്ഥത്തില്‍ ശില്‍പ്പങ്ങള്‍ തീര്‍ക്കും. ടാനുവിന്റെ നാണയ കരവിരുതുകള്‍ കണ്ടാല്‍ അത്ഭുതം തോന്നും. ആരുടെയും മനം കീഴടക്കും ടാനുവിന്റെ കരവേലകള്‍.
നാണയങ്ങള്‍ കുത്തനെ ബാലന്‍സ് ചെയ്ത് നിര്‍ത്തുക, ഒരു നാണയത്തിന് മുകളില്‍ നിരവധി നാണയങ്ങള്‍ അടുക്കി വ്യത്യസ്ത രൂപങ്ങള്‍ തീര്‍ക്കുക എന്നിവയൊക്കെയാണ് ടാനുവിന്റെ വിനോദങ്ങള്‍.
തന്റെ പ്രകടനങ്ങള്‍ അടങ്ങുന്ന വീഡിയോ ട്വിറ്ററില്‍ പോസ്റ്റ് ചെയ്തതോടെ വലിയ സെലിബ്രിറ്റിയായി മാറിയിരിക്കുകയാണ് ടാനു. ടാനു ട്വീറ്റ് ചെയ്യുന്ന ഓരോ ചിത്രവും ഇന്റര്‍നെറ്റിലൂടെ പറപറക്കുകയാണ്. അസാധ്യ പ്രകടനം എന്നാണ് എല്ലാവരും ടാനുവിന്റെ ഈ പ്രകടനത്തെ വാഴ്ത്തുന്നത്. ഏതായാലും നാണയങ്ങള്‍ ഉപയോഗിച്ചുള്ള ടാനുവിന്റെ അഭ്യാസം ഒന്ന് കാണേണ്ടത് തന്നെയാണ്.
