കോ​ള​ജി​ൽ ക​ത്തി​ക്ക​രി​ഞ്ഞ​നി​ല​യി​ൽ മൃ​ത​ദേ​ഹം;ആ​ത്മ​ഹ​ത്യ​ക്കു​റി​പ്പ് മൊ​ബൈ​ൽ ഫോ​ണി​ൽ ക​ണ്ടെ​ത്തി; ഡി​എ​ൻ​എ പ​രി​ശോ​ധ​ന ന​ട​ത്താ​ൻ പോ​ലീ​സ്

നെ​ടു​മ​ങ്ങാ​ട്: ക​ര​കു​ളം പി.​എ. അ​സീ​സ് എ​ൻ​ജി​നീ​യ​റിം​ഗ് കോ​ള​ജി​ൽ ദു​രൂ​ഹ സാ​ഹ​ച​ര്യ​ത്തി​ൽ ക​ത്തി​ക്ക​രി​ഞ്ഞ നി​ല​യി​ൽ ക​ണ്ടെ​ത്തി​യ മൃ​ത​ദേ​ഹം കോ​ള​ജ് ഉ​ട​മ​യും ചെ​യ​ർ​മാ​നു​മാ​യ ഇ.​മു​ഹ​മ്മ​ദ് താ​ഹ​യു​ടേ​താ​ണെ​ന്ന നി​ഗ​മ​ന​ത്തി​ൽ പോ​ലീ​സ്. എ​ന്നാ​ൽ ഡി​എ​ൻ​എ പ​രി​ശോ​ധ​ന ഫ​ലം വ​ന്നാ​ൽ മാ​ത്ര​മേ ഇ​ക്കാ​ര്യ​ത്തി​ൽ സ്ഥി​രീ​ക​ര​ണം ഉ​ണ്ടാ​വു​ക​യു​ള്ളൂവെന്നും പോലീസ് പറഞ്ഞു.

ഡി​എ​ൻ​എ പ​രി​ശോ​ധ​ന​ഫ​ലം ഒ​രാ​ഴ്ച ക്കു​ള്ളി​ൽ ല​ഭി​ക്കു​മെ​ന്ന് പോ​ലീ​സ് പ​റ​ഞ്ഞു. ഇ​തി​നി​ടെ താ​ഹ​യു​ടെ ഫോ​ൺ പ​രി​ശോ​ധി​ച്ച​പ്പോ​ൾ ഫോ​ണി​ന്‍റെ ഗാ​ല​റി​യി​ൽ നി​ന്നും ത​നി​ക്കു ആ​ത്മ​ഹ​ത്യ അ​ല്ലാ​തെ മ​റ്റൊ​രു വ​ഴി ഇ​ല്ല എ​ന്ന് താ​ഹ മു​ൻ​പ് എ​ഴു​തി​യ കു​റി​പ്പ് ക​ണ്ടെ​ത്തി. ഇ​തും മ​രി​ച്ച​ത് താ​ഹ ആ​കാമെന്ന നി​ഗ​മ​ന​ത്തി​ൽ എ​ത്താ​ൻ പോ​ലീ​സി​ന് കാ​ര​ണ​മാ​യി.

ഇ​ന്ന​ലെ രാ​വി​ലെ കോ​ള​ജി​ലെ പ​ണി​തീ​രാ​ത്ത ഹാ​ളി​നു​ള്ളി​ലാ​ണ് പൂ​ർ​ണ​മാ​യും ക​ത്തി​യ​മ​ർ​ന്ന നി​ല​യി​ൽ മൃ​ത​ദേ​ഹം ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ന് സ​മീ​പം താ​ഹ​യു​ടെ ഫോ​ണും ഷൂ​വും ഹാ​ളി​ന് മു​ൻ​പി​ൽ നി​ന്ന് കാ​റും പോ​ലീ​സ് ക​ണ്ടെ​ത്തി​യി​രു​ന്നു. തു​ട​ർ​ന്ന് നെ​ടു​മ​ങ്ങാ​ട് പോ​ലീ​സും ഫോ​റ​ൻ​സി​ക് വി​ഭാ​ഗ​വും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

കോ​ള​ജു​മാ​യി ബ​ന്ധ​പ്പെ​ട്ട് സാ​മ്പ​ത്തി​ക പ്ര​തി​സ​ന്ധി നേ​രി​ട്ടി​രു​ന്ന​താ​യി പ​റ​യു​ന്നു. വ​ർ​ഷ​ങ്ങ​ൾ​ക്ക് മു​മ്പ് കോ​ള​ജി​ന്‍റെ അ​ഫി​ലി​യേ​ഷ​ൻ റ​ദ്ദാ​ക്കാ​നി​ട​യാ​യി. കു​റ​ച്ചു​കാ​ലം കോ​ള​ജ് അ​ട​ച്ചി​ട്ട​ശേ​ഷം അ​ടു​ത്തി​ടെ​യാ​ണ് കോ​ള​ജ് പ്ര​വ​ർ​ത്ത​നം ആ​രം​ഭി​ച്ച​ത്. പ്ര​തി​സ​ന്ധി​ക​ൾ ത​ര​ണം ചെ​യ്ത് കോ​ള​ജ് പ്ര​വ​ർ​ത്ത​നം തു​ട​ങ്ങി​യെ​ങ്കി​ലും സാ​മ്പ​ത്തി​ക പ്ര​ശ്ന​ങ്ങ​ൾ താ​ഹ​യെ അ​ല​ട്ടി​യി​രു​ന്ന​താ​യി പ​റ​യു​ന്നു.

വ​സ്തു​വ​ക​ക​ൾ ആ​ദാ​യ​നി​കു​തി വ​കു​പ്പ് ക്ര​യ വി​ക്ര​യം ന​ട​ത്താ​ൻ സാ​ധി​ക്കാ​ത്ത ത​ര​ത്തി​ൽ അ​റ്റാ​ച്ച് ചെ​യ്തി​രു​ന്ന​താ​യും പ​റ​യു​ന്നു.​ഇ​ത് കാ​ര​ണം വ​സ്തു​വ​ക​ൾ വി​റ്റ് ക​ടം തീ​ർ​ക്കാ​ൻ സാ​ധി​ക്കാ​ത്ത അ​വ​സ്ഥ​യി​ലാ​ണ് എ​ന്ന് താ​ഹ പ​റ​ഞ്ഞ​താ​യി അ​ദ്ദേ​ഹ​വു​മാ​യി ബ​ന്ധ​മു​ള്ള​വ​ർ പ​റ​യു​ന്നു. കൊ​ല്ലം സ്വ​ദേ​ശി​യാ​യ താ​ഹ തി​രു​വ​ന​ന്ത​പു​ര​ത്താ​ണ് താ​മ​സം.