നിലത്ത് വീണത് ഉമ്മന്‍ ചാണ്ടിയുടെയും തിരുവഞ്ചൂരിന്റെയും തലകള്‍..! ഫ്‌ളക്‌സില്‍നിന്ന് ‘തലകള്‍’വെട്ടിയ സംഭവം അന്വേഷിച്ച കോണ്‍ഗ്രസുകാര്‍ ഒടുവില്‍ നാണംകെട്ടു, വെട്ടിയത് സ്വന്തം അണികള്‍ തന്നെ, കോട്ടയത്ത് നടന്നത്

കോ​ട്ട​യം: കാ​ഞ്ഞി​ര​പ്പ​ള്ളി​യി​ലെ വി​വി​ധ സ്ഥ​ല​ങ്ങ​ളി​ൽ സ്ഥാ​പി​ച്ചി​രു​ന്ന ഫ്ള​ക്സ് ബോ​ർ​ഡി​ൽനി​ന്ന് സ്വ​ന്തം പാ​ർ​ട്ടി​യി​ലെ നേ​താ​ക്ക​ളു​ടെ ചി​ത്ര​ങ്ങ​ൾ വെ​ട്ടി​മാ​റ്റി​യ കോ​ണ്‍​ഗ്ര​സ് നേ​താ​ക്ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നു ഡി​സി​സി പ്ര​സി​ഡ​ന്‍റ് ജോ​ഷി ഫി​ലി​പ്പ്. ഫ്ള​ക്സ് ബോ​ർ​ഡി​ൽനി​ന്ന് ചി​ല നേ​താ​ക്ക​ളു​ടെ ചി​ത്ര​ങ്ങ​ൾ വെ​ട്ടി​മാ​റ്റി​യ സം​ഭ​വ​ത്തി​ൽ പാ​ർ​ട്ടി ത​ല​ത്തി​ൽ പ​രാ​തി​ക​ളൊ​ന്നും ല​ഭി​ച്ചി​ട്ടി​ല്ല.

മ​റി​ച്ചു പ​ത്ര​വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ലാ​ണു ഡി​സി​സി നേ​തൃ​ത്വം സം​ഭ​വ​ത്തി​ൽ ഉ​ൾ​പ്പെ​ട്ടി​ട്ടു​ള്ള നേ​താ​ക്ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കു​ന്ന​ത്. സം​ഭ​വ​ത്തെ​ക്കു​റി​ച്ചു വി​ശ​ദ​മാ​യ അ​ന്വേ​ഷ​ണം ന​ട​ത്തി റി​പ്പോ​ർ​ട്ട് സ​മ​ർ​പ്പി​ക്കു​ന്ന​തി​നു മു​തി​ർ​ന്ന കോ​ണ്‍​ഗ്ര​സ് നേ​താ​വി​നെ ഡി​സി​സി നേ​തൃ​ത്വം ചു​മ​ത​പ്പെ​ടു​ത്തി. ഇ​ന്നു ത​ന്നെ ഇ​ദേ​ഹ​ത്തി​ന്‍റെ നേ​തൃ​ത്വ​ത്തി​ൽ അ​ന്വേ​ഷ​ണം ആ​രം​ഭി​ക്കും. സം​ഭ​വ​ത്തി​ൽ ഉ​ൾ​പ്പെ​ട്ടി​ട്ടു​ള്ള കോ​ണ്‍​ഗ്ര​സ് നേ​താ​ക്ക​ൾ കു​റ്റ​ക്കാ​രാ​ണെ​ന്നു ക​ണ്ടെ​ത്തി​യാ​ൽ ഇ​വ​ർ​ക്കെ​തി​രെ ക​ടു​ത്ത ന​ട​പ​ടി സ്വീ​ക​രി​ച്ചേ​ക്കു​മെ​ന്നും സൂ​ച​ന​യു​ണ്ട്.

ജ​വ​ഹ​ർ ബാ​ല​ജ​ന​വേ​ദി കോ​ട്ട​യം ജി​ല്ലാ ക​മ്മി​റ്റി അ​ഞ്ചി​ന് പൊ​ൻ​കു​ന്ന​ത്ത് ന​ട​ത്തി​യ ഓ​ണാ​ഘോ​ഷ പ​രി​പാ​ടി​യാ​യ പൂ​വി​ളി​യു​ടെ ഭാ​ഗ​മാ​യി കാ​ഞ്ഞി​ര​പ്പ​ള്ളി​യുടെ വി​വി​ധ ഭാ​ഗ​ങ്ങ​ളി​ൽ സ്ഥാ​പി​ച്ചി​രു​ന്ന ഫ്ള​ക്സു​ക​ളി​ലെ സം​സ്ഥാ​ന, ജി​ല്ലാ നേ​താ​ക്ക​ളു​ടെ ചി​ത്ര​ങ്ങ​ളാ​ണ് ന​ശി​പ്പി​ച്ച​ത്. കോ​ണ്‍​ഗ്ര​സ് പ്ര​വ​ർ​ത്ത​ക​ർ ത​ന്നെ ഇ​ത്ത​ര​ത്തി​ൽ ഫ​ള​ക്സ് ബോ​ർ​ഡി​ൽനി​ന്ന് നേ​താ​ക്ക​ളു​ടെ ചി​ത്ര​ങ്ങ​ൾ വെ​ട്ടി​മാ​റ്റു​ന്ന സി​സി​ടി​വി ദൃ​ശ്യ​ങ്ങ​ളാ​ണ് പു​റ​ത്താ​യി​രി​ക്കു​ന്ന​ത്്.

കോ​ണ്‍​ഗ്ര​സ്-​യൂ​ത്ത് കോ​ണ്‍​ഗ്ര​സ് പ്രാ​ദേ​ശി​ക നേ​താ​ക്ക​ൾ രാ​ത്രി​യി​ൽ ബൈ​ക്കി​ലെ​ത്തി വെ​ട്ടി​മാ​റ്റു​ന്ന ദൃ​ശ്യ​ങ്ങ​ളാ​ണ് കാ​മ​റ​യി​ൽ പ​തി​ഞ്ഞി​രി​ക്കു​ന്ന​ത്. ബ​സ്‌‌സ്റ്റാ​ൻ​ഡി​ൽ പോ​ലീ​സ് സ്ഥാ​പി​ച്ചി​രു​ന്ന സി​സി​ടി​വി​യി​ൽ നി​ന്നു​ള്ള ദൃ​ശ്യ​ങ്ങ​ളാ​ണ് ല​ഭി​ച്ചി​രി​ക്കു​ന്ന​ത്.മി​നി സി​വി​ൽ സ്റ്റേ​ഷ​ൻ, പു​ത്ത​ന​ങ്ങാ​ടി, കു​രി​ശു​ങ്ക​ൽ ജം​ഗ്ഷ​ൻ എ​ന്നി​വി​ട​ങ്ങ​ളി​ൽ സ്ഥാ​പി​ച്ചി​രു​ന്ന ഫ്ള​ക്സ് ബോ​ർ​ഡു​ക​ളും ന​ശി​പ്പി​ച്ചു. കോ​ണ്‍​ഗ്ര​സി​ലെ എ ​ഗ്രൂ​പ്പി​നു​ള്ളി​ലെ പോ​രാ​ണ് ചി​ത്ര​ങ്ങ​ൾ വെ​ട്ടി​മാ​റ്റു​ന്ന​തി​ന് കാ​ര​ണ​മെ​ന്ന് കോ​ണ്‍​ഗ്ര​സി​ലെ നേ​താ​ക്ക​ൾ ത​ന്നെ ആ​രോ​പ​ണം ഉ​ന്ന​യി​ച്ചി​രു​ന്നു.

യൂ​ത്ത് കോ​ണ്‍​ഗ്ര​സ് പ​ത്ത​നം​തി​ട്ട പാ​ർ​ല​മെ​ൻ​റ് സെ​ക്ര​ട്ട​റി ര​ഞ്ജു തോ​മ​സ്, ഡി​സി​സി ജ​ന​റ​ൽ സെ​ക്ര​ട്ട​റി ഷി​ൻ​സ് പീ​റ്റ​ർ എ​ന്നി​വ​രു​ടെ ചി​ത്ര​ങ്ങ​ളാ​ണ് ഫ്ല​ക്സു​ക​ളി​ൽ നി​ന്നു നീ​ക്കം ചെ​യ്തി​രി​ക്കു​ന്ന​ത്. ചി​ല ബോ​ർ​ഡു​ക​ളി​ൽ നി​ന്ന് ഉ​ദ്ഘാ​ട​ക​നാ​യ മു​ൻ മു​ഖ്യ​മ​ന്ത്രി ഉ​മ്മ​ൻ​ചാ​ണ്ടി, കെ​പി​സി​സി പ്ര​സി​ഡ​ൻ​റ് എം.​എം. ഹ​സ​ൻ, തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ, കെ.​സി.​ജോ​സ​ഫ്, ആന്‍റോ ആ​ൻ​റ​ണി എം​പി, പി.​എ. സ​ലീം, തു​ട​ങ്ങി​യ നേ​താ​ക്ക​ളു​ടെ ചി​ത്ര​ങ്ങ​ളും വെ​ട്ടി​മാ​റ്റി​യി​ട്ടു​ണ്ട്.

ഇ​തി​നെ​തി​രെ യൂ​ത്ത് കോ​ണ്‍​ഗ്ര​സ് മ​ണ്ഡ​ലം വൈ​സ് പ്ര​സി​ഡ​ന്‍റ് സി​ബു ദേ​വ​സ്യാ പോ​ലീ​സി​ൽ പ​രാ​തി ന​ൽ​കി. ഇ​തി​നെ​തു​ട​ർ​ന്നു കാ​ഞ്ഞി​ര​പ്പ​ള്ളി ന​ഗ​ര​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ സ്ഥാ​പി​ച്ചി​രി​ക്കു​ന്ന സി​സി​ടി​വി കാ​മ​റ​ക​ളി​ലെ ദൃ​ശ്യ​ങ്ങ​ൾ പോ​ലീ​സ് ശേ​ഖ​രി​ച്ച​തോ​ടെ​യാ​ണു സം​ഭ​വം പു​റ​ത്താ​കു​ന്ന​ത്. കോ​ണ്‍​ഗ്ര​സ് ബ്ലോ​ക്ക് ഭാ​ര​വാ​ഹി​യെ​യും യൂ​ത്ത് കോ​ണ്‍​ഗ്ര​സ് ബ്ലോ​ക്ക് ഭാ​ര​വാ​ഹി​യെ​യും വാ​ർ​ഡ് പ്ര​സി​ഡന്‍റി​നെ​യു​മാ​ണ് ദൃ​ശ്യ​ങ്ങ​ളി​ൽ നി​ന്നു തി​രി​ച്ച​റി​ഞ്ഞി​രി​ക്കു​ന്ന​തെ​ന്ന് പോ​ലീ​സ് പ​റ​ഞ്ഞു.

അ​തേ​സ​മ​യം ജ​വ​ഹ​ർ ബാ​ല​ജ​ന​വേ​ദി കോ​ണ്‍​ഗ്ര​സി​ന്‍റെ പോ​ഷ​ക സം​ഘ​ട​ന​യ​ല്ലെ​ന്നാ​ണു ഡി​സി​സി നേ​തൃ​ത്വം പ​റ​യു​ന്ന​ത്. 18 വ​യ​സി​ൽ താ​ഴെ​യു​ള്ള കു​ട്ടി​ക​ളാ​ണു ബാ​ല​ജ​ന​വേ​ദി​യി​ൽ അം​ഗ​ങ്ങ​ളാ​യി​ട്ടു​ള്ള​ത്. ഫ്ള​ക്സ് ബോ​ർ​ഡി​ലെ ചി​ത്ര​ങ്ങ​ളി​ൽ ഉ​ൾ​പ്പെ​ട്ടി​ട്ടു​ള്ള ഒ​രു നേ​താ​വി​നോ​ടു​ള്ള വൈ​രാ​ഗ്യ​മാ​ണു സം​ഭ​വ​ത്തി​നു പി​ന്നി​ലെ​ന്നും ഡി​സി​സി നേ​തൃ​ത്വ​ത്തി​നു സൂ​ച​ന ല​ഭി​ച്ചി​ട്ടു​ണ്ട്.