നിർത്തിയിട്ട കാറിൽ ഡ്രൈവറോട് സംസാരിച്ചുകൊണ്ടിരിക്കവെ പോലീസുകാരനെ റോഡിലൂടെ വലിച്ചിഴച്ചു. സെപ്റ്റംബർ 14 ന് വൈകുന്നേരം 6 മണിയോടെ യുഎസിലെ മോണ്ടെല്ലോ സ്ട്രീറ്റിലാണ് സംഭവം. 31 കാരനായ ഡെറക് ലോബോയാണ് പോലീസിനെ വലിച്ചിഴച്ചത്.
സംഭവത്തിന്‍റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. വീഡിയോയിൽ ഡ്രൈവറുടെ വശത്തെ വാതിൽ തുറന്നിരിക്കുന്ന ലോബോയോട് രണ്ട് പോലീസ് ഉദ്യോഗസ്ഥർ സംസാരിക്കുന്നത് കാണിക്കുന്നു.
നിമിഷങ്ങൾക്കുശേഷം ഓഫീസർമാരിൽ ഒരാളെ വാതിലിൽ പറ്റിപ്പിടിച്ചുകൊണ്ട് ലോബോ ഡ്രൈവ് ചെയ്യുന്നു. ഭാഗ്യവശാൽ ഉദ്യോഗസ്ഥൻ സ്വയം രക്ഷപ്പെട്ടു.തുടർന്ന് ലോബോയെ പിടികൂടാൻ കാറിലേക്ക് മടങ്ങാനും കഴിഞ്ഞു.
ലോബോയെ അടുത്ത ദിവസം തന്നെ യൂണിയൻ സ്ട്രീറ്റിലെ വീട്ടിൽ വെച്ച് അറസ്റ്റ് ചെയ്തു. ഒരു പോലീസ് ഉദ്യോഗസ്ഥനെ ആക്രമിച്ചതും, അപകടകരമായ ആയുധം ഉപയോഗിച്ച് ആക്രമണം നടത്തിയതും ഉൾപ്പെടെ 11 കുറ്റങ്ങളാണ് ഇയാൾക്കെതിരെ ഉള്ളത്.
ബ്രോക്ക്ടൺ ഡിസ്ട്രിക്റ്റ് കോടതിയിൽ വെള്ളിയാഴ്ച വാദം കേൾക്കുന്നതിന് മുന്നോടിയായി 5,000 ഡോളർ ജാമ്യത്തിൽ ഇയാളെ തടഞ്ഞുവച്ചു.
