കൊച്ചി: ഇറ്റാലിയന്‍ ആഡംബര കപ്പലായ കോസ്റ്റ വിക്ടോറിയ കൊച്ചി തുറമുഖത്തെത്തി. ഇന്നലെ രാവിലെ കൊച്ചിയിലെത്തിയ കപ്പല്‍ 305 ഇന്ത്യക്കാരുള്‍പ്പെടെ 459 യാത്രക്കാരെ ഇവിടെയിറക്കി. യാത്രക്കാരെ ഇറക്കിയ ശേഷം കപ്പല്‍ തിരികെപ്പോയി.
എല്ലാ യാത്രക്കാരെയും പരിശോധനക്ക് വിധേയമാക്കിയതായും അടുത്തകാലത്ത് കപ്പല്‍ ഇറ്റലിയില്‍ സന്ദര്‍ശിച്ചിട്ടില്ലെന്നും അധികൃതര്‍ പറഞ്ഞു. ഡല്‍ഹിയിലുള്ള 15 ഇറ്റാലിയന്‍ വിനോദസഞ്ചാരികള്‍ക്ക് കോവിഡ് 19 സ്ഥിരീകരിച്ചിട്ടുണ്ട്.
ഈ സാഹചര്യത്തില്‍ കപ്പലിലുള്ള എല്ലാവരെയും കര്‍ശന പരിശോധനക്ക് വിധേയമാക്കിയിട്ടുണ്ട്.
