ഹൈദരാബാദ്: ഭാരത് ബയോടെക് ഇന്‍റർനാഷണല്‍ ലിമിറ്റഡ് വികസിപ്പിച്ച കോവിഡ് വാക്സിന്റെ ആദ്യ ഘട്ട പരീക്ഷണം വിജയമെന്ന് റപ്പോർട്ട്. മഹാരാഷ്ട്രയിലെ പരിശോധനാ കേന്ദ്രമായ നാഗ്പൂരിലാണ്‍ ഒന്നാംഘട്ട പരീക്ഷണങ്ങള്‍ വിജയകരമായി പൂര്‍ത്തിയാക്കിത്. ആദ്യഘട്ടത്തില്‍ 55 പേരിലാണ് വാക്‌സിന്‍ പരീക്ഷിച്ചത്.
ആദ്യത്തെ കുത്തിവെപ്പിന് ശേഷം രണ്ട് രോഗികള്‍ക്ക് പനി സംബന്ധമായ ചില ലക്ഷണങ്ങള്‍ റിപ്പോര്‍ട്ട് ചെയ്തിരുന്നുവെന്നും എന്നാല്‍ മരുന്ന് നല്‍കാതെ തന്നെ ഏതാനും മണിക്കൂര്‍ നിരീക്ഷണത്തിന് ശേഷം അവരുടെ നില മെച്ചപ്പെട്ടുവെന്നുമാണ് റിപ്പോർട്ട്.
മനുഷ്യരിലെ രണ്ടം ഘട്ട പരീക്ഷണം സെപ്റ്റംബറില്‍ നടക്കും. വാക്സിന്റെ ഒന്നാം ഘട്ട പരീക്ഷണം ഡല്‍ഹി എയിംസ് ഒഴികെയുള്ള 11 കേന്ദ്രങ്ങളില്‍ പൂര്‍ത്തിയായിട്ടുണ്ട്.
ഒന്നാംഘട്ട പരീക്ഷണത്തിനായി 16 പേരെ മാത്രമേ ഡല്‍ഹി എയിംസ് ഇതുവരെ റിക്രൂട്ട് ചെയ്തിട്ടുള്ളൂ. ഒന്നാം ഘട്ടത്തില്‍ വാക്‌സിന്‍ പരീക്ഷണത്തിനായി ഡല്‍ഹി എയിംസ് 100 പേരെയാണ് റിക്രൂട്ട് ചെയ്യേണ്ടിയിരുന്നത്.
ഇതനുസരിച്ച് പരീക്ഷണത്തിന്‍റെ ആദ്യഘട്ടത്തില്‍ 375 പേരെയും രണ്ടാം ഘട്ടത്തില്‍ 750 പേരെയും ഉള്‍പ്പെടുത്താനാണ് ഭാരത് ബയോടെക് ഇന്‍റര്‍നാഷണല്‍ ലിമിറ്റഡ് പദ്ധതിയിട്ടിരുന്നത്.
