ഇങ്ങനെയൊക്കെ ചെയ്യാമോ? കോ​വി​ഡി​ന്‍റെ പേ​രി​ൽ വ്യാ​ജ പ്ര​ചാ​ര​ണം; ഒ​രു കു​ടും​ബം പ​ട്ടി​ണി​യി​ലാ​യി; കൂ​ലി​പ്പ​ണി​ചെ​യ്ത് കു​ടും​ബം പോ​റ്റു​ന്ന ഇ​യാ​ൾ മൂ​ന്നാ​ഴ്ച​യാ​യി വീടിനുള്ളില്‍തന്നെ…

നെ​ടു​ങ്ക​ണ്ടം: പ​ത്ത​നം​തി​ട്ട​യി​ൽ ബ​ന്ധു​വി​ന്‍റെ സം​സ്കാ​ര ച​ട​ങ്ങി​നു​പോ​യ ഗൃ​ഹ​നാ​ഥ​ന് കോ​വി​ഡ് 19 രോ​ഗം ബാ​ധി​ച്ചെ​ന്ന് വ്യാ​ജ​പ്ര​ചാ​ര​ണം ന​ട​ത്തി ഒ​റ്റ​പ്പെ​ടു​ത്തു​ന്ന​താ​യി പ​രാ​തി.

നെ​ടു​ങ്ക​ണ്ടം പ​ഞ്ചാ​യ​ത്തി​ലെ ക​ല്ലു​മേ​ൽ​ക​ല്ല് സ്വ​ദേ​ശി​യാ​യ ഗൃ​ഹ​നാ​ഥ​നാ​ണ് ത​നി​ക്കെ​തി​രേ വ്യാ​ജ​പ്ര​ചാ​ര​ണം ന​ട​ത്തു​ന്ന​താ​യി ക​ള​ക്ട​റേ​റ്റി​ലെ ഹെ​ൽ​പ് ലൈ​ൻ ന​ന്പ​രി​ൽ വി​ളി​ച്ച് പ​രാ​തി​പ്പെ​ട്ട​ത്.

സം​ഭ​വ​ത്തി​ൽ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​ൻ നെ​ടു​ങ്ക​ണ്ടം പ​ഞ്ചാ​യ​ത്ത് സെ​ക്ര​ട്ട​റി​ക്ക് ജി​ല്ലാ ക​ള​ക്ട​ർ നി​ർ​ദേ​ശം​ന​ൽ​കി.

ക​ഴി​ഞ്ഞ മൂ​ന്നി​നാ​ണ് പ​ത്ത​നം​തി​ട്ട കോ​ന്നി അ​രു​വാ​പു​ല​ത്ത് ബ​ന്ധു മ​രി​ച്ച​തി​നേ​തു​ട​ർ​ന്ന് മ​റ്റു ബ​ന്ധു​ക്ക​ളോ​ടൊ​പ്പം ഗൃ​ഹ​നാ​ഥ​നും പോ​യ​ത്. ച​ട​ങ്ങു​ക​ളി​ൽ പ​ങ്കെ​ടു​ത്ത​തി​നു​ശേ​ഷം നാ​ലി​നു​ത​ന്നെ തി​രി​കെ​യെ​ത്തു​ക​യും ചെ​യ്തു.

തു​ട​ർ​ന്ന് അ​ഞ്ചി​ന് ജ​ല​ദോ​ഷം ബാ​ധി​ച്ച​തോ​ടെ മു​ണ്ടി​യെ​രു​മ പ​ട്ടം​കോ​ള​നി പി​എ​ച്ച്സി​യി​ൽ ചി​കി​ത്സ​തേ​ടി. പ​രി​ശോ​ധ​ന​യി​ൽ മ​റ്റു രോ​ഗ​ല​ക്ഷ​ണ​ങ്ങ​ൾ ഒ​ന്നും ക​ണ്ടെ​ത്തി​യി​ല്ലെ​ങ്കി​ലും ഡോ​ക്ട​റു​ടെ നി​ർ​ദേ​ശ​പ്ര​കാ​രം ഒ​രാ​ഴ്ച മ​രു​ന്നും ക​ഴി​ച്ചു.

ഈ​സ​മ​യം ഭാ​ര്യ​ക്ക് ജ​ല​ദോ​ഷ​വും വ​യ​റി​ള​ക്ക​വു​മു​ണ്ടാ​യി. അ​പ്പോ​ഴും ഇ​തേ ആ​ശു​പ​ത്രി​യി​ൽ ചി​കി​ത്സ തേ​ടി. ഇ​തു​ക​ഴി​ഞ്ഞു ജോ​ലി​ക്കു​പോ​യ സ്ഥ​ല​ത്ത് ത​നി​ക്ക് കൊ​റോ​ണ വൈ​റ​സ് ബാ​ധി​ച്ചു​വെ​ന്ന് ചി​ല​ർ പ​റ​ഞ്ഞ​ത​നു​സ​രി​ച്ച് ഇ​വി​ടെ​നി​ന്നും പ​റ​ഞ്ഞു​വി​ട്ട​താ​യും ഗൃ​ഹ​നാ​ഥ​ൻ പ​രാ​തി​പ്പെ​ടു​ന്നു.

കൂ​ലി​പ്പ​ണി​ചെ​യ്ത് കു​ടും​ബം പോ​റ്റു​ന്ന ഇ​യാ​ൾ മൂ​ന്നാ​ഴ്ച​യാ​യി വീ​ടി​നു​ള്ളി​ൽ​ത​ന്നെ ക​ഴി​യു​ക​യാ​ണ്. ഇ​തോ​ടെ ഭാ​ര്യ​യും നാ​ലു കു​ട്ടി​ക​ളും അ​ട​ങ്ങു​ന്ന കു​ടും​ബം പ​ട്ടി​ണി​യി​ലാ​യി.

രോ​ഗ​ല​ക്ഷ​ണ​ങ്ങ​ളൊ​ന്നും ഇ​ല്ലാ​ത്ത ത​ന്നെ ആ​ളു​ക​ൾ ഒ​റ്റ​പ്പെ​ടു​ത്തു​ക​യാ​ണ്. ഒ​രു വാ​ഹ​നം വി​ളി​ച്ചാ​ൽ പോ​ലും വ​രാ​ൻ കൂ​ട്ടാ​ക്കു​ന്നി​ല്ല. സം​ഭ​വ​ത്തി​ൽ പോ​ലീ​സി​ൽ പ​രാ​തി ന​ൽ​കാ​ൻ പ​ഞ്ചാ​യ​ത്ത് സെ​ക്ര​ട്ട​റി നി​ർ​ദേ​ശി​ച്ചെ​ങ്കി​ലും നെ​ടു​ങ്ക​ണ്ടം​വ​രെ പോ​കാ​ൻ വ​ണ്ടി​ക്കൂ​ലി​പോ​ലും കൈ​യി​ലി​ല്ലെ​ന്ന് ഗൃ​ഹ​നാ​ഥ​ൻ പ​റ​ഞ്ഞു.

സം​ഭ​വ​ത്തി​ൽ കെ.​പി. കോ​ള​നി പി​എ​ച്ച്സി​യി​ലെ മെ​ഡി​ക്ക​ൽ ഓ​ഫീ​സ​റോ​ട് കു​ടും​ബ​ത്തെ പ​രി​ശോ​ധി​ക്കാ​ൻ നി​ർ​ദേ​ശം ന​ൽ​കി​യ​താ​യി നെ​ടു​ങ്ക​ണ്ടം പ​ഞ്ചാ​യ​ത്ത് സെ​ക്ര​ട്ട​റി എ.​വി. അ​ജി​കു​മാ​ർ പ​റ​ഞ്ഞു.

ഗൃ​ഹ​നാ​ഥ​ന് പോ​ലീ​സി​ൽ പ​രാ​തി​ന​ൽ​കാ​ൻ സാ​ഹ​ച​ര്യ​മി​ല്ലെ​ങ്കി​ൽ സം​ഭ​വം പ​ഞ്ചാ​യ​ത്ത് പോ​ലീ​സി​ൽ റി​പ്പോ​ർ​ട്ടു​ചെ​യ്യും. സ്ഥി​തി​ഗ​തി​ക​ൾ പ​രി​ശോ​ധി​ച്ച് ജി​ല്ലാ ക​ള​ക്ട​ർ​ക്ക് റി​പ്പോ​ർ​ട്ടു​ന​ൽ​കു​മെ​ന്നും പ​ഞ്ചാ​യ​ത്ത് സെ​ക്ര​ട്ട​റി അ​റി​യി​ച്ചു.