സ​ഹോ​ദ​രി മ​റ്റൊ​രു ജാ​തി​യി​ൽ പെ​ട്ട മ​ല​യാ​ളി യു​വാ​വി​നെ വി​വാ​ഹം കഴിച്ചതിനാല്‍…! മലയാളി യുവാവിന്‍റെ ദുരഭിമാനക്കൊല; പ്രതിയുടെ ജാമ്യം റദ്ദാക്കി

ന്യൂ​ഡ​ൽ​ഹി: ജാ​തി​വെ​റി​യു​ടെ പേ​രി​ൽ രാ​ജ​സ്ഥാ​നി​ൽ മ​ല​യാ​ളി യു​വാ​വി​നെ വെ​ടി​വ​ച്ചു കൊ​ന്ന​യാ​ളു​ടെ ജാ​മ്യം സു​പ്രീം​കോ​ട​തി റ​ദ്ദാ​ക്കി.

സ​ഹോ​ദ​രി മ​റ്റൊ​രു ജാ​തി​യി​ൽ പെ​ട്ട മ​ല​യാ​ളി യു​വാ​വി​നെ വി​വാ​ഹം ക​ഴി​ച്ച​തി​നെ​ത്തു​ട​ർ​ന്നുണ്ടാ​യ ദു​ര​ഭി​മാ​ന കൊ​ല​പാ​ത​ക കേ​സി​ലെ പ്ര​തി മു​കേ​ഷ് ചൗ​ധ​രി​ക്ക് ഹൈ​ക്കോ​ട​തി ന​ൽ​കി​യ ജാ​മ്യ​മാ​ണ് ചീ​ഫ് ജ​സ്റ്റീ​സ് എ​ൻ.​വി. ര​മ​ണ​യു​ടെ അ​ധ്യ​ക്ഷ​ത​യി​ലു​ള്ള സു​പ്രീം​കോ​ട​തി ബെ​ഞ്ച് റ​ദ്ദാ​ക്കി​യ​ത്.

ഗ​ർ​ഭി​ണി​യാ​യ സ്വ​ന്തം സ​ഹോ​ദ​രി​യു​ടെ മു​ന്നി​ലി​ട്ടാ​ണു മു​കേ​ഷ് ചൗ​ധ​രി​യു​ടെ ഗൂ​ഢാ​ലോ​ച​ന​യി​ൽ സ​ഹോ​ദ​രീഭ​ർ​ത്താ​വാ​യ അ​മി​തി​നെ വ​ക​വ​രു​ത്തി​യ​ത്.

ജ​യ്പൂ​രി​ൽ സ്ഥി​ര​താ​മ​സ​ക്കാ​ര​നാ​യ മ​ല​യാ​ളി യു​വാ​വ് അ​മി​ത് നാ​യ​ർ ആ​ണ് രാ​ജ​സ്ഥാ​ൻ കു​ടും​ബ​ത്തി​ന്‍റെ ദു​ര​ഭി​മാ​ന കൊ​ല​യ്ക്കി​ര​യാ​യ​ത്.

ഭ​ർ​ത്താ​വി​ന്‍റെ കൊ​ല​പാ​ത​ക​ത്തി​ന് ഉ​ത്ത​ര​വാ​ദി​യാ​യ സ​ഹോ​ദ​ര​ന് ജാ​മ്യം ല​ഭി​ച്ച​തി​നെ​തി​രേ മം​മ്ത ത​ന്നെ​യാ​ണ് സു​പ്രീം​കോ​ട​തി​യി​ൽ ഹ​ർ​ജി ന​ൽ​കി​യ​ത്.

പ​ത്ത​നം​തി​ട്ട അ​ടൂ​ർ മ​ണ്ണ​ടി സ്വ​ദേ​ശി​ക​ളാ​യ അ​മി​ത് നാ​യ​രും കു​ടും​ബ​വും വ​ർ​ഷ​ങ്ങ​ളാ​യി ജ​യ്പു രി​ലാ​യി​രു​ന്നു സ്ഥി​ര​താ​മ​സം. സി​വി​ൽ എ​ൻ​ജി​നിയ​റാ​യി​രു​ന്ന അ​മി​ത്തും അ​ഭി​ഭാ​ഷ​ക​യാ​യ മം​മ​്ത ചൗ​ധ​രി​യും പ്ര​ണ​യി​ച്ചു വി​വാ​ഹം ക​ഴി​ച്ച​വ​രാ​യി​രു​ന്നു.

മം​മ്ത​യു​ടെ കു​ടും​ബം അ​ന്നേ ക​ടു​ത്ത എ​തി​ർ​പ്പ് ഉ​യ​ർ​ത്ത​ിയ​തി​നാ​ൽ കേ​ര​ള​ത്തി​ൽവ​ച്ചാ​യി​രു​ന്നു വി​വാ​ഹ ച​ട​ങ്ങു​ക​ൾ. പി​ന്നീ​ട് മം​മ്​ത ഗ​ർ​ഭി​ണി​യാ​യ​പ്പോ​ഴാ​ണ് ഇ​വ​രു​ടെ കു​ടും​ബം അ​ടു​പ്പം കാ​ണി​ച്ചു തു​ട​ങ്ങി​യ​ത്.

പി​ന്നീ​ട് 2017 മേ​യ് 17ന് ​ഇ​വ​രു​ടെ വീ​ട്ടി​ൽ സ​ന്ദ​ർ​ശ​ന​ത്തി​നെ​ത്തി​യ​താ​ണ് മം​മ്​ത​യു​ടെ മാ​താ​പി​താ​ക്ക​ളും സ​ഹോ​ദ​ര​നും സു​ഹൃ​ത്തും അ​ട​ങ്ങു​ന്ന സം​ഘം.

അ​തി​നി​ടെ ഉ​ണ്ടാ​യ വാ​ക്കു​ത​ർ​ക്ക​ത്തി​നി​ട​യി​ൽ മു​കേ​ഷ് ചൗ​ധ​രി​ക്കൊ​പ്പം എ​ത്തി​യ ആ​ൾ നാ​ട​ൻ തോ​ക്കു​പ​യോ​ഗി​ച്ച് അ​മി​ത്തി​നെ വെ​ടി​വച്ചു വീ​ഴ്ത്തു​ക​യാ​യി​രു​ന്നു.

നാ​ലു ത​വ​ണ വെ​ടി​യേ​റ്റ അ​മി​ത് ആ​ശു​പ​ത്രി​യി​ൽ എ​ത്തി​ക്കു​ന്പോ​ഴേ​ക്കും മ​രി​ച്ചി​രു​ന്നു. ജ​യ്പുർ സ്വ​ദേ​ശി​യാ​യ ര​മാ​ദേ​വി​യും പ​രേ​ത​നാ​യ സോ​മ​ൻ പി​ള്ള​യു​മാ​ണ് അ​മി​ത്തിന്‍റെ മാ​താ​പി​താ​ക്ക​ൾ.

സം​ഭ​വ​ത്തി​ൽ മം​മ്ത​യു​ടെ മാ​താ​പി​താ​ക്ക​ളാ​യ ജീ​വ​ൻ റാം ​ചൗ​ധ​രി​യും ഭാ​ഗ്വാ​നി ദേ​വി​യും അ​ജ്ഞാ​ത​രാ​യ ചി​ല​ർ​ക്കൊ​പ്പം എ​ത്തി കൊ​ല​പാ​ത​കം ന​ട​ത്തു​ക​യാ​യി​രു​ന്നു​വെ​ന്നാ​ണ് പോലീ​സ് കേ​സ്.

വീ​ട്ടി​ൽ അ​തി​ക്ര​മി​ച്ചു ക​യ​റ​ൽ, കൊ​ല​പാ​ത​കം, ക്രി​മി​ന​ൽ ഗൂ​ഢാ​ലോ​ച​ന എ​ന്നീ വ​കു​പ്പു​ക​ളാ​യി​രു​ന്നു മു​കേ​ഷ് ഉ​ൾ​പ്പെടെ​യു​ള്ള പ്ര​തി​ക​ൾ​ക്കെ​തിരേ ചു​മ​ത്തി​യി​രു​ന്ന​ത്. കൊ​ല​പാ​ത​കം ന​ട​ത്താ​നു​പ​യോ​ഗി​ച്ച തോ​ക്ക് മു​കേ​ഷ് വാ​ട​ക​യ്ക്ക് എ​ടു​ത്ത​താ​ണെ​ന്ന് പോ​ലീ​സ് പി​ന്നീ​ട് ക​ണ്ടെ​ത്തി​യി​രു​ന്നു.