ന​ഗ​ര​സ​ഭാ കൗ​ണ്‍​സി​ൽ യോ​ഗ​ത്തി​ൽ  മിനിറ്റ്സിൽ വ്യാജ ഒപ്പിട്ട സംഭവം; ന​ഗ​ര​സ​ഭാ കൗ​ണ്‍​സി​ല​ർ​ക്കെ​തി​രേ കേ​സെ​ടു​ത്തു

ഷൊ​ർ​ണൂ​ർ: ന​ഗ​ര​സ​ഭാ കൗ​ണ്‍​സി​ല​ർ​ക്കെ​തി​രേ പോ​ലീ​സ് കേ​സെ​ടു​ത്തു. ന​ഗ​ര​സ​ഭാ കൗ​ണ്‍​സി​ൽ യോ​ഗ​ത്തി​ൽ ഹാ​ജ​രാ​കാ​തി​രു​ന്ന ബി​ജെ​പി അം​ഗം എം.​കെ.​വി​പി​ൻ​നാ​ഥി​ന്‍റെ ഒ​പ്പ് വ്യാ​ജ​മാ​യി മി​നി​റ്റ്സി​ൽ രേ​ഖ​പ്പെ​ടു​ത്തി​യ​താ​ണ് ബി​ജെ​പി​യി​ലെ ത​ന്നെ മ​റ്റൊ​രു കൗ​ണ്‍​സി​ല​റാ​യ സി​നി മ​നോ​ജി​നെ​തി​രേ കേ​സെ​ടു​ക്കാ​ൻ കാ​ര​ണ​മാ​യ​ത്.

ന​ഗ​ര​സ​ഭാ ചെ​യ​ർ​പേ​ഴ്സ​ണ്‍ വി.​വി​മ​ല​യു​ടെ പ​രാ​തി​യെ തു​ട​ർ​ന്നാ​ണ് ഷൊ​ർ​ണൂ​ർ പോ​ലീ​സ് ആ​ൾ​മാ​റാ​ട്ടം, വ്യാ​ജ​രേ​ഖ ച​മ​യ്ക്ക​ൽ, വ​ഞ്ച​ന എ​ന്നീ വ​കു​പ്പു​ക​ൾ ചേ​ർ​ന്നാ​ണ് സി​നി മാ​നോ​ജി​നെ​തി​രേ കേ​സെ​ടു​ത്ത​ത്. കൈ​യ​ക്ഷ​ര വി​ദ​ഗ്ധ​ന്‍റെ പ​രി​ശോ​ധ​ന കൂ​ടി ന​ട​ത്തി​യി​ട്ടു​ണ്ട്.

ത​നി​ക്കു​വേ​ണ്ടി​യും കൗ​ണ്‍​സി​ൽ യോ​ഗ​ത്തി​ൽ ഹാ​ജ​രാ​കാ​ത്ത കൗ​ണ്‍​സി​ല​ർ​ക്കു​വേ​ണ്ടി മി​നി​റ്റ്സി​ൽ ഒ​പ്പു​വ​ച്ച​ത് താ​നാ​ണെ​ന്ന് കൗ​ണ്‍​സി​ൽ യോ​ഗ​ത്തി​ൽ സി​നി മ​നോ​ജ് തു​റ​ന്നു സ​മ്മ​തി​ച്ചെ​ങ്കി​ലും പി​ന്നീ​ട് തി​രു​ത്തി. സം​ഭ​വ​വു​മാ​യി ബ​ന്ധ​പ്പെ​ട്ട് ന​ഗ​ര​സ​ഭാ കൗ​ണ്‍​സി​ൽ ഉ​പ​സ​മി​തി നി​യോ​ഗി​ച്ചി​രു​ന്നു.

ഇ​വ​രു​ടെ കൂ​ടി തീ​രു​മാ​ന​പ്ര​കാ​ര​മാ​ണ് സി​നി​ക്കെ​തി​രേ നി​യ​മ​ന​ട​പ​ടി സ്വീ​ക​രി​ക്കാ​ൻ തീ​രു​മാ​നി​ച്ച​ത്.ക​ഴി​ഞ്ഞ​ദി​വ​സം ചേ​ർ​ന്ന ഷൊ​ർ​ണൂ​ർ ന​ഗ​ര​സ​ഭാ കൗ​ണ്‍​സി​ൽ യോ​ഗ​ത്തി​ലാ​ണ് വി​വാ​ദ​മാ​യ സം​ഭ​വ​മു​ണ്ടാ​യ​ത്. യോ​ഗം തു​ട​ങ്ങി​യ ഉ​ട​നേ സി​പി​എ​മ്മി​ലെ എ​ൻ.​ജ​യ​പാ​ല​നാ​ണ് ഹാ​ജ​ർ പു​സ്ത​കം പ​രി​ശോ​ധി​ക്ക​ണ​മെ​ന്ന് ആ​വ​ശ്യ​പ്പെ​ട്ട​ത്.

യോ​ഗ​ത്തി​ൽ ഇ​ല്ലാ​ത്ത കൗ​ണ്‍​സി​ല​റു​ടെ ഒ​പ്പു​പു​സ്ത​ക​ത്തി​ൽ ക​ണ്ടെ​ത്തു​ക​യും ചെ​യ്തു. തു​ട​ർ​ന്നാ​ണ് ഷൊ​ർ​ണൂ​ർ ന​ഗ​ര​സ​ഭാ ചെ​യ​ർ​പേ​ഴ്സ​ണ്‍ പോ​ലീ​സി​ൽ പ​രാ​തി ന​ല്കി​യ​ത്. ന​ഗ​ര​സ​ഭാ അ​ധ്യ​ക്ഷ, സ്ഥി​രം​സ​മി​തി അ​ധ്യ​ക്ഷന്മാർ, കൗ​ണ്‍​സി​ല​ർ​മാ​രാ​യ വി.​കെ.​ശ്രീ​ക​ണ്ഠ​ൻ, വി.​എം.​ഉ​ണ്ണി​കൃ​ഷ്ണ​ൻ എ​ന്നി​വ​ര​ട​ങ്ങി​യ ഉ​പ​സ​മി​തി​യാ​ണ് അ​ന്വേ​ഷ​ണം ന​ട​ത്തി​യ​ത്.
അ​ന്വേ​ഷ​ണ ക​മ്മി​റ്റി ന​ട​ത്തി​യ പ​രി​ശോ​ധ​ന​യി​ൽ നി​യ​മ​ന​ട​പ​ടി അ​നു​വ​ർ​ത്തി​ക്കാ​ൻ തീ​രു​മാ​നി​ച്ചു.