പ്ര​ണ​യ​വി​വാ​ഹ​ത്തി​ന് എ​തി​ർ​പ്പു​മാ​യി വീ​ട്ടു​കാ​ർ: ഉ​ത്ത​ർ​പ്ര​ദേ​ശി​ൽ പോ​ലീ​സ് സ്‌​റ്റേ​ഷ​ൻ വളപ്പിലെ ക്ഷേ​ത്ര​ത്തി​ൽ വെ​ച്ച് വി​വാ​ഹി​ത​രാ​യി ദ​മ്പ​തി​ക​ൾ

പ്ര​ണ​യ​വി​വാ​ഹ​ങ്ങ​ൾ ഇ​പ്പോ​ഴും ചി​ല കു​ടും​ബ​ങ്ങ​ളി​ൽ അം​ഗീ​ക​രി​ക്കാ​റി​ല്ല. എ​ന്നാ​ൽ  ആ​ളു​ക​ൾ ഇ​പ്പോ​ൾ നി​യ​മ​ങ്ങ​ളെ​ക്കു​റി​ച്ചും അ​വ​രു​ടെ അ​വ​കാ​ശ​ങ്ങ​ളെ​ക്കു​റി​ച്ചും മു​മ്പ​ത്തേ​ക്കാ​ൾ കൂ​ടു​ത​ൽ ബോ​ധ​വാ​ന്മാ​രാ​യ​തി​നാ​ൽ ഈ ​എ​തി​ർ​പ്പി​നെ വ​ക​വ‌​യ്ക്കാ​റു​മി​ല്ലെ​ന്ന​താ​ണ് സ​ത്യം.

എ​ന്നാ​ൽ പ്ര​ണ​യ​വി​വാ​ഹ​ത്തി​ന് കു​ടും​ബാം​ഗ​ങ്ങ​ൾ എ​ന്തെ​ങ്കി​ലും ത​ട​സം സൃ​ഷ്ടി​ച്ചാ​ൽ പോ​ലീ​സി​ന്‍റെ സ​ഹാ​യം തേ​ടാ​ൻ പ​ല ദ​മ്പ​തി​ക​ളും മ​ടി​ക്കാ​റി​ല്ല. ഇ​തു​കൊ​ണ്ടാ​ണ് ഇ​പ്പോ​ൾ പോ​ലീ​സ് സ്റ്റേ​ഷ​നു​ക​ളി​ലും വി​വാ​ഹ​ങ്ങ​ൾ ന​ട​ക്കു​ന്ന​താ​യി റി​പ്പോ​ർ​ട്ടു​ക​ൾ വ​രു​ന്ന​ത്. ഉ​ത്ത​ർ​പ്ര​ദേ​ശി​ലെ ബ​ന്ദ ജി​ല്ല​യി​ലാ​ണ് ഇ​ത്ത​ര​മൊ​രു സം​ഭ​വം അ​ടു​ത്തി​ടെ ന​ട​ന്ന​ത്.

കാ​മു​ക​നു​മാ​യു​ള്ള വി​വാ​ഹ​ത്തി​ന് വീ​ട്ടു​കാ​ർ വി​സ​മ്മ​തി​ച്ച​തി​നെ തു‌‌​ട​ർ​ന്ന് ‌യു​വ​തി പോ​ലീ​സ് സ്റ്റേ​ഷ​നി​ലെ​ത്തി അ​വ​രോ​ട് മു​ഴു​വ​ൻ ക​ഥ​യും പ​റ​ഞ്ഞു. ഇ​തി​നു​ശേ​ഷം പോ​ലീ​സ് യു​വ​തി​യു​ടെ വീ​ട്ടു​കാ​രെ വി​ളി​ച്ച് കാ​ര്യ​ങ്ങ​ൾ മ​ന​സ്സി​ലാ​ക്കി കൊ​ടു​ത്തു. ഒ​ടു​വി​ൽ, വീ​ട്ടു​കാ​ർ ഇ​വ​രു​ടെ വി​വാ​ഹ​ത്തി​ന് സ​മ്മ​തി​ക്കു​ക​യും ചെ​യ്തു. അ​ങ്ങ​നെ അ​വ​ർ പോ​ലീ​സ് സ്റ്റേ​ഷ​നി​ൽ വ​ച്ച് വി​വാ​ഹി​ത​രാ​യി.

അ​ടാ​ര പോ​ലീ​സ് സ്റ്റേ​ഷ​ൻ പ​രി​ധി​യി​ലാ​ണ് സം​ഭ​വം. ഇ​വി​ടെ താ​മ​സി​ക്കു​ന്ന യു​വ​തി ക​ഴി​ഞ്ഞ 5 വ​ർ​ഷ​മാ​യി മ​ധ്യ​പ്ര​ദേ​ശി​ലെ ചി​ത്ര​കൂ​ട് സ്വ​ദേ​ശി​യാ​യ ‌യു​വാ​വു​മാ​യി പ്ര​ണ​യ​ത്തി​ലാ​യി​രു​ന്നു. പ​ക്ഷേ അ​വ​ളു​ടെ വീ​ട്ടു​കാ​ർ​ക്ക് ഈ ​ബ​ന്ധ​ത്തി​ൽ താ​ൽ​പ​ര്യ​മി​ല്ലാ​യി​രു​ന്നു. തു​ട​ർ​ന്ന് പോ​ലീ​സ് സ്‌​റ്റേ​ഷ​നി​ലെ​ത്തി ത​ങ്ങ​ളെ വി​വാ​ഹം ക​ഴി​പ്പി​ക്കാ​ൻ യു​വ​തി പോ​ലീ​സി​നോ​ട് ആ​വ​ശ്യ​പ്പെ​ട്ടു.

റി​പ്പോ​ർ​ട്ടു​ക​ൾ പ്ര​കാ​രം വി​വാ​ഹ​ത്തി​ന് മു​മ്പ്, പോ​ലീ​സ് ഉ​ദ്യോ​ഗ​സ്ഥ​ർ പെ​ൺ​കു​ട്ടി​യു​ടെ വീ​ട്ടു​കാ​രെ വി​ളി​ച്ച് വി​വാ​ഹ​ത്തി​ന് സ​മ്മ​തി​ക്കാ​ത്ത​തി​ന്‍റെ കാ​ര​ണം തി​ര​ക്കി​യി​രു​ന്നു. 

‌‌‌യു​വാ​വി​ന് സാ​മ്പ​ത്തി​കം കു​റ​വാ​ണെ​ന്നും, ഇ​യാ​ൾ പി​ന്നീ​ട് അ​വ​ളെ ഉ​പേ​ക്ഷി​ച്ചാ​ൽ പെ​ൺ​കു​ട്ടി​യു​ടെ അ​വ​സ്ഥ എ​ന്താ​കു​മെ​ന്നു​മാ​ണ് കു​ടും​ബ​ത്തി​ന്‍റെ ആ​ശ​ങ്ക. ഇ​തി​നെ കു​റി​ച്ച് പോ​ലീ​സ് ഇ​വ​രെ ബോ​ധ്യ​പ്പെ​ടു​ത്തി​യ​തോ​ടെ ഇ​രു​കൂ​ട്ട​രും വി​വാ​ഹ​ത്തി​ന് സ​മ്മ​തി​ച്ചു.

പി​ന്നീ​ട് പോ​ലീ​സ് സ്‌​റ്റേ​ഷ​ൻ വ​ള​പ്പി​ൽ പ​ണി​ത ക്ഷേ​ത്ര​ത്തി​ൽ വി​വാ​ഹം ന​ട​ത്തി. വീ​ട്ടു​കാ​രു​ടെ​യും പോ​ലീ​സി​ന്‍റെ​യും സാ​ന്നി​ധ്യ​ത്തി​ൽ ക​മി​താ​ക്ക​ൾ പ​ര​സ്പ​രം ഹാ​രം കൈ​മാ​റി. തു​ട​ർ​ന്ന് രേ​ഖ​ക​ൾ ത‌​യാ​റാ​ക്കി ഒ​ടു​വി​ൽ വി​വാ​ഹം പൂ​ർ​ത്തി​യാ​ക്കി.