പ്രായമായ ദമ്പതികൾ ഡിസ്നിയുടെ ‘സൂട്ടോപ്പിയ’ സിനിമയിലെ ഒരു രംഗം പുനർനിർമ്മിക്കുന്ന ഒരു മനോഹരമായ വീഡിയോ സോഷ്യൽ മീഡിയയിൽ വൈറലാകുന്നത്. “ഞങ്ങളുടെ പതിപ്പ്” എന്ന അടിക്കുറിപ്പോടെ അചമാസ് എന്ന ഇൻസ്റ്റാഗ്രാം പേജിലാണ് ഹൃദയസ്പർശിയായ വീഡിയോ പങ്കുവെച്ചിരിക്കുന്നത്.
വീഡിയോയിൽ ദമ്പതികൾ ആനിമേറ്റഡ് സിനിമയിൽ നിന്ന് വിവിധ പോസുകൾ പുനർനിർമ്മിക്കുന്നത് കാണാം. ഒരാൾ ക്യാമറയും പിടിച്ച് ഭാര്യയോടൊപ്പം സിനിമയിലെ രംഗങ്ങൾ പുനഃസൃഷ്ടിക്കുന്നതാണ് ഹ്രസ്വ വീഡിയോ. ‘സൂട്ടോപ്പിയ’ എന്ന സിനിമയിലെ നിക്ക്, ജൂഡി എന്നീ കഥാപാത്രങ്ങൾക്ക് ഈ ദമ്പതികൾ ജീവൻ നൽകി. അവർ തങ്ങളുടെ സെൽഫി പോസുകളിൽ ആനിമേറ്റഡ് കഥാപാത്രങ്ങളെ അനുകരിക്കുകയും ദശലക്ഷക്കണക്കിന് ആളുകളുടെ ഹൃദയം കവർന്നെടുക്കുകയും ചെയ്തു.
കുറച്ച് ദിവസങ്ങൾക്ക് മുമ്പാണ് ഇൻസ്റ്റാഗ്രാമിൽ വീഡിയോ പങ്കിട്ടത്. അതിനുശേഷം ഏകദേശം 50 ദശലക്ഷം വ്യൂസ് വീഡിയോയ്ക്ക് നേടി, 5.5 ദശലക്ഷത്തിലധികം ലൈക്കുകളും നിരവധി പ്രതികരണങ്ങളും ലഭിച്ചു.
സൂട്ടോപ്പിയ സെൽഫി ട്രെൻഡ് എന്ന സോഷ്യൽ മീഡിയ ട്രെൻഡിന്‍റെ ഭാഗമാണ് വീഡിയോ. ഇതിൽ, ഉപയോക്താക്കൾ സിനിമയുടെ പ്രിയ കഥാപാത്രങ്ങളായ നിക്ക് വൈൽഡിന്‍റെയും ജൂഡി ഹോപ്പിന്‍റെയും പോസുകളും മുഖഭാവങ്ങളും പുനഃസൃഷ്ടിക്കുന്നു. ഈ ട്രെൻഡ് കഴിഞ്ഞ വർഷം ഡിസംബറിൽ ടിക് ടോക്കിനെ വലിയ തരംഗമായിരുന്നു. ഇപ്പോൾ വീണ്ടും എത്തിയിരിക്കുകയാണ്.
വീഡിയോ കാണാൻ ഇവിടെ ക്ലിക്ക് ചെയ്യുക
