ആലപ്പുഴയിലെ ഹൗസ് ബോട്ടുകള്‍ കേന്ദ്രീകരിച്ച് പെണ്‍വാണിഭ റാക്കറ്റുകള്‍ സജീവമാണെന്ന വാര്‍ത്തകള്‍ പുറത്തുവന്നിട്ട് അധികകാലമായിട്ടില്ല. മാംസവില്പന നടത്തുന്നവര്‍ക്കെതിരേ പോലീസ് നടപടികള്‍ വല്ലപ്പോഴും മാത്രം ഉണ്ടാകാറുള്ളു താനും. ഇപ്പോള്‍ സോഷ്യല്‍മീഡിയയില്‍ കൂടി പ്രചരിക്കുന്ന ചിത്രങ്ങള്‍ ഹൗസ് ബോട്ട് പെണ്‍വാണിഭ സംഘങ്ങളുടെ വ്യാപ്തി തെളിയിക്കുന്നു. ആലപ്പുഴയിലെ ഹൗസ് ബോട്ടില്‍ സഞ്ചരിക്കുന്ന ദമ്പതികളുടെ നഗ്‌ന ചിത്രങ്ങളും സോഷ്യല്‍ മീഡിയയില്‍ വ്യാപകമായി പ്രചരിക്കുകയാണ്.
ഹൗസ് ബോട്ടില്‍ സ്ഥാപിച്ച രഹസ്യ ക്യാമറയിലൂടെ പകര്‍ത്തിയതാണ് ഈ ദൃശ്യങ്ങളെന്നാണ് സൂചന. ഹൗസ് ബോട്ട് ആറ്റ് ആലപ്പുഴ എന്ന പേരിലാണ് ചിത്രങ്ങള്‍ പ്രചരിക്കുന്നത്. സംസ്ഥാനത്തിനു പുറത്തുനിന്നെത്തിയ വിനോദ സഞ്ചാരികളായ യുവാവിന്റെയും യുവതിയുടെയും ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. ഇവരുടെയും അര്‍ധനഗ്‌നമായ ചിത്രങ്ങള്‍ പല പോസിലുള്ളതാണ് ഇപ്പോള്‍ പുറത്തിറങ്ങിയിരിക്കുന്നത്.
ഇരുവരും ആലപ്പുഴ പുന്നമടക്കായലിലൂടെ ഹൗസ് ബോട്ടില്‍ സഞ്ചരിക്കുന്നതിന്റെയും ഭക്ഷണം കഴിക്കുന്നതിന്റെയും സ്വകാര്യ വേളകള്‍ പങ്കിടുന്നതിന്റെയും അശ്ലീല ദൃശ്യങ്ങളാണ് ഇപ്പോള്‍ പുറത്തു വന്നിരിക്കുന്നത്. ഹൗസ് ബോട്ടിലെ ജീവനക്കാര്‍ പകര്‍ത്തിയ ചിത്രങ്ങളാണ് പുറത്തായിരിക്കുന്നതെന്നാണ് സൂചന. പരാതിയുമായി ആരും രംഗത്തെത്തിയിട്ടില്ലാത്തതിനാല്‍ പോലീസ് കേസെടുത്തിട്ടില്ല.
