കോവിഷീൽഡ് വാക്സിൻ മൂലമുണ്ടാകുന്ന ആരോഗ്യപ്രശ്നങ്ങളെ കുറിച്ചുള്ള വിവാദങ്ങൾ ഉയർന്നുവരുന്നതിനിടയിൽ കോവാക്സിനും പാർശ്വഫലങ്ങളുണ്ടെന്ന പുതിയ പഠനറിപ്പോർട്ട്.
കോവാക്സിൻ സ്വീകരിച്ച മൂന്നിലൊരാൾക്ക് ഒരു വർഷത്തിനുള്ളിൽ തന്നെ വിവിധ പാർശ്വഫലങ്ങളുണ്ടാകുന്നുവെന്ന് സ്പ്രിംഗർ ഇന്‍റർനാഷണൽ എന്ന അക്കാദമിക് ജേണൽ പുറത്തുവിട്ട പഠനത്തിൽ പറയുന്നു.
ശ്വാസകോശത്തിലുണ്ടാവുന്ന അണുബാധ, ചർമത്തിനും പേശികൾക്കുമുണ്ടാകുന്ന തകരാറുകൾ എന്നിവയാണ് പൊതുവേ കണ്ടുവരുന്ന പാർശ്വഫലങ്ങൾ. ഇതോടൊപ്പം കോവാക്സിൻ സ്വീകരിച്ച അഞ്ച് ശതമാനം സ്ത്രീകളിൽ ക്രമരഹിതമായ ആർത്തവവും കണ്ടുവരുന്നുണ്ട്.
കൗമാരക്കാരായ പെൺകുട്ടികളിലാണ് കൂടുതൽ രോഗങ്ങളും കണ്ടുവരുന്നത്. ഇന്ത്യയില്‍ കോവിഷീല്‍ഡ് കഴിഞ്ഞാല്‍ കൂടുതൽ ഉപയോഗിച്ച കോവിഡ് വാക്സിനായിരുന്നു കോവാക്സിന്‍.
