വഡോദര: ലോകത്ത് കോവിഡ് വൈറസ് കണ്ടെത്തുന്നതിന് മുന്‍പ് മരിച്ചുപോയ ഒരാള്‍ക്ക് കോവിഡ് വാക്സിന് സർട്ടിഫിക്കറ്റ് നൽകി ആരോഗ്യവകുപ്പ്. ഗുജറാത്തിൽ നിന്നാണ് ഈ വിചിത്ര സംഭവം റിപ്പോർട്ട് ചെയ്തിരിക്കുന്നത്.
മൂന്ന് വര്‍ഷം മുന്‍പ് മരിച്ച ഗുജറാത്തിലെ ഉപ്ലേത ഗ്രാമത്തിലെ ഹര്‍ദാസ്ഭായിയുടെ പേരിലാണ് കോവിഡ് വാക്സിന് നല്‍കിയതിന്‍റെ സര്‍ട്ടിഫിക്കറ്റ് കുടുംബത്തിന് ആരോഗ്യവകുപ്പ് അയച്ചു നൽകിയത്.
ഹർദാസ്ഭായ് 2018ലാണ് മരിച്ചത്. തുടർന്ന് ഇദ്ദേഹത്തിന്‍റെ മരണ സർട്ടിഫിക്കറ്റും സർക്കാരിൽ നിന്ന് വാങ്ങിയിരുന്നു.
ഇപ്പോള്‍ കോവിഡ് വാക്സിന് സര്‍ട്ടിഫിക്കറ്റ് ലഭിച്ചതിന്‍റെ അമ്പരപ്പിലാണ് കുടുംബം.
രാജ്യമെമ്പാടും കോവിഡ് വാക്സിന് ക്ഷാമം അനുഭവപ്പെടുന്ന സാഹചര്യത്തിലാണ് ഇത്തരം പിഴവുകൾ റിപ്പോർട്ട് ചെയ്യപ്പെടുന്നത്.
