അ​ധ്യാ​പ​ക​രു​ടെ 12 മ​ണി​ക്കൂ​ർ കോവിഡ് ഡ്യൂ​ട്ടി; വിവാദങ്ങൾക്കടുവിൽ ഏഴ് മണിക്കൂറായി കുറച്ച് ഉത്തരവ്

സ്വ​ന്തം​ ലേ​ഖ​ക​ൻ
തൃ​ശൂ​ർ: ക്വാ​റ​ന്‍റൈ​ൻ കേ​ന്ദ്ര​ങ്ങ​ളി​ൽ അ​ധ്യാ​പ​ക​ർ​ക്കു നി​ശ്ച​യി​ച്ചി​രു​ന്ന 12 മ​ണി​ക്കൂ​ർ ഡ്യൂ​ട്ടി സ​മ​യം കു​റ​ച്ചു. ഡ്യൂ​ട്ടി സ​മ​യം ന​ൽ​കി​യ​ത് വി​വാ​ദ​മാ​യ​തി​നെ തു​ട​ർ​ന്നാ​ണ് ഏ​ഴ് മ​ണി​ക്കൂ​റാ​യി കു​റ​ച്ച​ത്.

12 മ​ണി​ക്കൂ​ർ ഡ്യൂ​ട്ടി സ​മ​യം നി​ശ്ച​യി​ച്ച​ത് സം​ബ​ന്ധി​ച്ച് ക​ഴി​ഞ്ഞ ദി​വ​സം രാ​ഷ്‌ട്രദീ​പി​ക വാ​ർ​ത്ത ന​ൽ​കി​യി​രു​ന്നു. രാ​വി​ലെ ഏ​ഴി​ന് എ​ത്തു​ന്ന​വ​ർ രാ​ത്രി ഏ​ഴി​നും രാ​ത്രി ഏ​ഴി​നെ​ത്തു​ന്ന​വ​ർ രാ​വി​ലെ ഏ​ഴി​നു​മാ​ണു പോ​കാ​ൻ ക​ഴി​ഞ്ഞി​രു​ന്ന​ത്.

അ​ധ്യാ​പി​ക​മാ​ർ ഇ​ത്ത​ര​ത്തി​ൽ ഡ്യൂ​ട്ടി സ​മ​യം ക​ഴി​ഞ്ഞു വീ​ട്ടി​ൽ പോ​കാ​ൻ പോ​ലും ക​ഴി​യാ​തെ ഏ​റെ ബു​ദ്ധി​മു​ട്ടി​യി​രു​ന്നു. സ​ർ​ക്കാ​രി​ന്‍റെ പ്ര​തി​കാ​ര ന​ട​പ​ടി​യാ​യാ​ണു പ​ന്ത്ര​ണ്ട് മ​ണി​ക്കൂ​ർ ഡ്യൂ​ട്ടി​യെ​ന്ന​ത് വി​വാ​ദ​മാ​യ​തോ​ടെ​യാ​ണു ഡ്യൂ​ട്ടി സ​മ​യം കു​റ​യ്ക്കാ​ൻ തീ​രു​മാ​നി​ച്ച​ത്.

ഉ​ത്ത​ർ​പ്ര​ദേ​ശ് സ​ർ​ക്കാ​ർ ഇ​ത്ത​ര​ത്തി​ൽ ജീ​വ​ന​ക്കാ​ർ​ക്കു 12 മ​ണി​ക്കൂ​ർ ഡ്യൂ​ട്ടി സ​മ​യം നി​ശ്ച​യി​ച്ച​ത് വ​ൻ പ്ര​തി​ഷേ​ധ​ത്തി​നു കാ​ര​ണ​മാ​യി​രു​ന്നു. പി​ന്നീ​ട് അ​വി​ടെ ഡ്യൂ​ട്ടി സ​മ​യം കു​റ​ച്ചു. ഈ ​വി​വാ​ദം ന​ട​ക്കു​ന്ന​തി​നി​ടെ​യാ​ണ് കേ​ര​ള​ത്തി​ലും അ​ധ്യാ​പ​ക​ർ​ക്കു 12 മ​ണി​ക്കൂ​ർ ഡ്യൂ​ട്ടി സ​മ​യം ന​ൽ​കി​യ​ത്.