കോവിഡ് വ്യാപനം നിയന്ത്രിച്ചേ പറ്റൂ, പോലീസ് രംഗത്തിറങ്ങി; തെറ്റ് ആവർത്തിച്ചാൽ പോലീസ് നടപടി ഇങ്ങനെ…

കോ​ട്ട​യം: ജി​ല്ല​യി​ലെ കോ​വി​ഡ് വ്യാ​പ​നം നി​യ​ന്ത്രി​ക്കു​ന്ന​തി​നു പോ​ലീ​സ് ക​ർ​ശ​ന ന​ട​പ​ടി സ്വീ​ക​രി​ച്ചു തു​ട​ങ്ങി. കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ക്കാ​തി​രി​ക്കു​ക, മാ​സ്ക് കൃ​ത്യ​മാ​യി ധ​രി​ക്കാ​തി​രി​ക്കു​ക, വ്യാ​പാ​ര സ്ഥാ​പ​ന​ങ്ങ​ളി​ലെ ആ​ൾ​ക്കൂ​ട്ടം ഒ​ഴി​വാ​ക്കു​ക, ക്വാറ​ന്‍റൈ​ൻ ലം​ഘ​നം തു​ട​ങ്ങി​യ കാ​ര്യ​ങ്ങ​ൾ കൃ​ത്യ​മാ​യി പാ​ലി​ക്കാ​ത്ത​വ​ർ​ക്കെ​തി​രെ കേ​സെ​ടു​ക്കു​ക​യും ചെ​യ്യു​ന്നു​ണ്ട്.

നി​ർ​ദേ​ശ​ങ്ങ​ൾ ലം​ഘി​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കാ​നാ​ണ് പോ​ലീ​സി​നു ല​ഭി​ച്ചി​രി​ക്കു​ന്ന നി​ർ​ദേ​ശം. നി​ല​വി​ൽ മാ​സ്ക് കൃ​ത്യ​മാ​യി ധ​രി​ക്കാ​ത്ത​തി​നു പി​ഴ​യീടാ​ക്കി​യ​വ​രു​ടെ​യും ക്വാ​റ​ന്‍റൈ​ൻ ലം​ഘി​ച്ച​വ​രു​ടെ​യും ലി​സ്റ്റ് പോ​ലീ​സ് ശേ​ഖ​രി​ച്ചു​വ​രി​ക​യാ​ണ്.

തു​ട​ർ​ന്നും ലി​സ്റ്റി​ലു​ള്ള​വ​ർ മാ​സ്ക് കൃ​ത്യ​മാ​യ ധ​രി​ക്കാ​ത്ത​തി​നു പി​ടി​ക്ക​പ്പെ​ട്ടാ​ൽ 2000രൂ​പ പി​ഴ​യീടാ​ക്കു​മെ​ന്ന് പോ​ലീ​സ് പ​റ​ഞ്ഞു. ക്വാ​റ​ന്‍റൈ​ൻ ലം​ഘി​ച്ച​വ​രു​ടെ പേ​രി​ൽ വീ​ണ്ടും പ​രാ​തി ല​ഭി​ച്ചാ​ലും ന​ട​പ​ടി ക​ർ​ശ​ന​മാ​യി​രി​ക്കും.

ക​ണ്ടെയ്ൻ​മെ​ന്‍റ് സോ​ണു​ക​ളി​ലും പോ​ലീ​സ് ക​ർ​ശ​ന നി​രീ​ക്ഷ​ണ​മാ​ണ് ന​ട​ത്തു​ന്ന​ത്. ഒ​രു കാ​ര​ണ​വ​ശാ​ലും ക​ണ്ടെ​യ​ന്‍റ്മെ​ന്‍റ് സോ​ണു​ക​ളി​ൽ നി​ന്ന് ആ​രെ​യും പു​റ​ത്തേ​ക്കോ അ​ക​ത്തേ​ക്കോ ക​ട​ത്തി​വി​ടി​ല്ല. കോ​ട്ട​യം ന​ഗ​ര​ത്തി​ലും മാ​ർ​ക്ക​റ്റി​ലും ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ പോ​ലീ​സ് ഇ​ന്ന​ലെ പ​രി​ശോ​ധ​ക​ളും ബോ​ധ​വ​ത്ക്ക​ര​ണ പ്ര​വ​ർ​ത്ത​ന​ങ്ങ​ളും ന​ട​ത്തി​യി​ട്ടുണ്ട്.

ക​ട​ക​ളി​ൽ ഒ​രു കാ​ര​ണ​വ​ശാ​ലും ആ​ൾ​ക്കൂ​ട്ടം അ​നു​വ​ദി​ക്കി​ല്ലെ​ന്നും ഇ​ത്ത​രം സാ​ഹ​ച​ര്യ​ങ്ങ​ളു​ണ്ടാ​യാ​ൽ വ്യാ​പാ​രി​ക​ൾ ത​ന്നെ ഉ​പ​യോ​ക്താ​ക്ക​ളെ കാ​ര്യ​ങ്ങ​ൾ ബോ​ധ്യ​പ്പെ​ടു​ത്ത​ണ​മെ​ന്നും പോ​ലീ​സ് പ​റ​യു​ന്നു. സ്വ​കാ​ര്യ ബ​സു​ക​ളി​ൽ അ​നു​വ​ദ​നീ​യ​മാ​യ പ​രി​ധി​യി​ൽ മാ​ത്ര​മേ യാ​ത്ര​ക്കാ​രെ ക​യ​റ്റാ​വൂവെ​ന്നും പോ​ലീ​സ് നി​ർ​ദേ​ശം ന​ല്കി​യി​ട്ടു​ണ്ട്.

ഇ​ന്ന​ലെ രാ​വി​ലെ മു​ത​ൽ കോ​ട്ട​യം വെ​സ്റ്റ് എ​സ്എ​ച്ച്ഒ എം.​ജെ. അ​രു​ണ്‍, എ​സ്ഐ ടി. ​ശ്രീ​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ൽ സ്വ​കാ​ര്യ ബ​സു​കാ​ർ​ക്ക് ആ​വ​ശ്യ​മാ​യ നി​ർ​ദേ​ശം ന​ല്കു​ക​യും വ്യാ​പാ​രി​ക​ളു​മാ​യി ചേ​ർ​ന്ന് പ്ര​തി​ജ്ഞ​യെ​ടു​ക്കു​ക​യും ചെ​യ്തി​രു​ന്നു.