പോ​ലീ​സ് സ്റ്റേ​ഷ​നു​ക​ളി​ൽ ആ​ൾ​ക്കൂ​ട്ടം വേ​ണ്ട; പോ​ലീ​സു​കാ​ർ​ക്ക് ജാ​ഗ്ര​താനി​ർ​ദേ​ശം;”സാ​മൂ​ഹ്യ അ​ക​ലം പാ​ലി​ച്ച് പ​രാ​തി സ്വീ​ക​രി​ക്കു​ക’

റെ​നീ​ഷ് മാ​ത്യു
ക​ണ്ണൂ​ർ: വ​യ​നാ​ട് മാ​ന​ന്ത​വാ​ടി​യി​ൽ ര​ണ്ട് പോ​ലീ​സു​കാ​ർ​ക്ക് കോ​വി​ഡ് സ്ഥി​രീ​ക​രി​ച്ച​തോ​ടെ ഡ്യൂ​ട്ടി സ​മ​യ​ത്ത് പോ​ലീ​സു​കാ​ർ ജാ​ഗ്ര​ത പാ​ലി​ക്ക​ണ​മെ​ന്ന് നി​ർ​ദേ​ശം. മ​ല​പ്പു​റം, ക​ണ്ണൂ​ർ ജി​ല്ല​ക്കാ​രാ​യ പോ​ലീ​സു​കാ​ർ​ക്കാ​ണ് കോ​വി​ഡ് സ്ഥി​രീ​ക​രി​ച്ച​ത്.

പോ​ലീ​സു​കാ​ർ പു​റ​ത്തു​ള്ള ഡ്യൂ​ട്ടി സ​മ​യ​ത്തും സ്റ്റേ​ഷ​ന​ക​ത്തും മാ​സ്ക് ധ​രി​ക്ക​ണം. കൂ​ടാ​തെ പ​രാ​തി​യു​മാ​യോ പ്ര​ശ്ന പ​രി​ഹാ​ര​ത്തി​നാ​യോ സ്റ്റേ​ഷ​നി​ൽ എ​ത്തു​ന്ന​വ​രു​മാ​യി കൃ​ത്യ​മാ​യ സാ​മൂ​ഹ്യ അ​ക​ലം പാ​ലി​ക്ക​ണം. പോ​ലീ​സ് സ്റ്റേ​ഷ​നു​ക​ളി​ൽ ആ​ൾ​ക്കൂ​ട്ടം ഉ​ണ്ടാ​കാ​തെ നോ​ക്ക​ണ​മെ​ന്നും നി​ർ​ദേ​ശം ഉ​ണ്ട്.

അ​ന്ത​ർ​ജി​ല്ലാ പാ​സു​ക​ൾ​ക്കാ​യും പി​ടി​ച്ചെ​ടു​ത്ത വാ​ഹ​ന​ങ്ങ​ൾ തി​രി​കെ വാ​ങ്ങു​ന്ന​തി​നാ​യും നി​ര​വ​ധി പേ​രാ​ണ് പോ​ലീ​സ് സ്റ്റേ​ഷ​നു​ക​ളി​ൽ എ​ത്തു​ന്ന​ത്. ഇ​ത് വ​ലി​യ ആ​ൾ​ക്കൂ​ട്ട​മാ​ണ് സ്റ്റേ​ഷ​ൻ പ​രി​സ​ര​ത്ത് സൃ​ഷ്‌​ടി​ക്കു​ന്ന​ത്. പാ​സി​നു​ള്ള അ​പേ​ക്ഷ ഓ​ൺ​ലൈ​ൻ വ​ഴി ആ​ക്ക​ണ​മെ​ന്ന് പോ​ലീ​സു​കാ​രി​ൽ ഒ​രു വി​ഭാ​ഗം ആ​വ​ശ്യ​പ്പെ​ട്ടി​ട്ടു​ണ്ട്.

പ്ര​തി​ക​ളെ ക​സ്റ്റ​ഡി​യി​ൽ എ​ടു​ക്കു​ന്ന​തി​ന് പ്ര​ത്യേ​ക​മാ​യ മാ​ർ​ഗ​നി​ർ​ദേ​ശ​ങ്ങ​ൾ ത​യാ​റാ​ക്ക​ണം. പ​രാ​തി പ​റ​യാ​ൻ പ​രാ​തി​ക്കാ​ര​നെ മാ​ത്രം സ്റ്റേ​ഷ​നു​ള്ളി​ൽ പ്ര​വേ​ശി​പ്പി​ച്ചാ​ൽ മ​തി​യെ​ന്നാ​ണ് പോ​ലീ​സ് നി​ല​പാ​ട്.