കോ​വി​ഡ് 19 പ​രി​ശോ​ധ​ന​യ്ക്കു​ള്ള സ്ര​വ​ശേ​ഖ​രത്തിൽ നിന്ന് ഡോ​ക്ട​ർ​മാ​ർ തന്ത്രപൂർവം പി​ന്മാ​റുന്നു; അ​തും ന​ഴ്സു​മാ​ർ​ക്ക്; പരാതിയുമായി കോട്ടയം ജില്ലാ ആശുപത്രിയിലെ നഴ്സുമാർ

കോ​ട്ട​യം: ജി​ല്ലാ ജ​ന​റ​ൽ ആ​ശു​പ​ത്രി​യി​ൽ കോ​വി​ഡ് 19 പ​രി​ശോ​ധ​ന​യ്ക്കു​ള്ള സ്ര​വം ശേ​ഖ​രി​ക്കു​ന്ന​തി​ൽ​നി​ന്നു ഡോ​ക്ട​ർ​മാ​ർ പി​ന്മാ​റി, ന​ഴ്സു​മാ​ർ സ്ര​വ​ശേ​ഖ​ര​ണം ന​ട​ത്തു​ന്ന​തു ശ​രി​യാ​കു​ന്നി​ല്ലെ​ന്ന് പ​രി​ശോ​ധ​നാ ലാ​ബു​ക​ൾ. കോ​ട്ട​യം ജി​ല്ലാ ജ​ന​റ​ൽ ആ​ശു​പ​ത്രി​യി​ൽ​നി​ന്നു ശേ​ഖ​രി​ക്കു​ന്ന സ്ര​വ​ങ്ങ​ളു​ടെ പ​രി​ശോ​ധ​നാ ഫ​ലം പ​ല​പ്പോ​ഴും തെ​റ്റു​ന്നു.

കോ​വി​ഡ് 19 പ​രി​ശോ​ധ​ന​യ്ക്കു​ള്ള സ്ര​വം ഡോ​ക്ട​ർ​മാ​ർ ശേ​ഖ​രി​ക്ക​ണ​മെ​ന്നാ​ണ് നി​ർ​ദേ​ശം. ജി​ല്ലാ ആ​ശു​പ​ത്രി​യി​ലെ ഡോ​ക്ട​ർ​മാ​ർ പി​ന്മാ​റി​യ​തോ​ടെ സ്ര​വം ശേ​ഖ​രി​ക്കേ​ണ്ട ചു​മ​ത​ല രോ​ഗി​ക​ളു​ടെ ര​ക്ത​സാ​ന്പി​ൾ എ​ടു​ക്കാ​ൻ ചു​മ​ത​ല​പ്പെ​ട്ട ന​ഴ്സു​മാ​ർ​ക്കാ​യി.

കോ​വി​ഡ് 19 പ​രി​ശോ​ധ​ന​ക​ൾ​ക്കു നി​യോ​ഗി​ക്ക​പ്പെ​ട്ടി​രി​ക്കു​ന്ന ഡോ​ക്ട​ർ​മാ​രു​ടെ ഭാ​ഗ​ത്തു​നി​ന്നു​മു​ണ്ടാ​കു​ന്ന കൃ​ത്യ​വി​ലോ​പ​ത്തി​നെ​തി​രെ പ്ര​തി​ഷേ​ധം ശ​ക്ത​മാ‌​ണ്. കോ​ട്ട​യം ജ​ന​റ​ൽ ആ​ശു​പ​ത്രി​യി​ൽ എ​ത്തു​ന്ന രോ​ഗി​ക​ളു​ടെ സ്ര​വം ശേ​ഖ​രി​ക്കു​ന്ന​തി​നാ​യി മൂ​ന്നു ഡോ​ക്ട​ർ​മാ​രെ ചു​മ​ത​ല​പ്പെ​ടു​ത്തി ആ​ശു​പ​ത്രി സൂ​പ്ര​ണ്ട് ഉ​ത്ത​ര​വി​റ​ക്കി​യി​ട്ടു​ണ്ടെ​ങ്കി​ലും ഉ​ത്ത​ര​വ് പാ​ലി​ക്കാ​ൻ ഡോ​ക്ട​ർ​മാ​ർ ത​യാ​റാ​കു​ന്നി​ല്ലെ​ന്നും ആ​രോ​പ​ണ​മു​ണ്ട്.

സ്ര​വ പ​രി​ശോ​ധ​ന​യ്ക്കാ​യി രോ​ഗി​ക​ൾ എ​ത്തു​ന്പോ​ൾ ഡോ​ക്ട​ർ​മാ​ർ നി​സാ​ര കാ​ര​ണ​ങ്ങ​ൾ പ​റ​ഞ്ഞ് ഒ​ഴി​വാ​കു​ക​യാ​ണ്. പ​ല​പ്പോ​ഴാ​യി ഇ​ത് ആ​വ​ർ​ത്തി​ക്ക​പ്പെ​ട്ട​തോ​ടെ ന​ഴ്സു​മാ​ർ പ​രാ​തി​യു​മാ​യി രം​ഗ​ത്തെ​ത്തി. തു​ട​ർ​ന്ന് ന​ഴ്സിം​ഗ് സൂ​പ്ര​ണ്ട് നേ​രി​ട്ട് ആ​ശു​പ​ത്രി മെ​ഡി​ക്ക​ൽ സൂ​പ്ര​ണ്ടി​നോ​ട് പ​രാ​തി പ​റ​ഞ്ഞെ​ങ്കി​ലും ന​ട​പ​ടി ഉ​ണ്ടാ​യി​ല്ല.

കോ​ട്ട​യം ജി​ല്ല​യി​ൽ​നി​ന്നു കോ​വി​ഡ് പ​രി​ശോ​ധ​ന​ക​ൾ​ക്ക് അ​യ​യ്ക്കു​ന്ന എ​ല്ലാ സാ​ന്പി​ളു​ക​ളും നെ​ഗ​റ്റീ​വാ​കു​ന്ന​തോ​ടെ​യാ​ണ് സാ​ന്പി​ൾ ശേ​ഖ​രി​ക്കാ​ൻ നി​യോ​ഗി​ച്ചി​രി​ക്കു​ന്ന ഡോ​ക്ട​ർ​മാ​ർ നി​ല​വി​ൽ ആ​രു​ടെ​യും സാ​ന്പി​ളു​ക​ൾ ശേ​ഖ​രി​ച്ചി​ട്ടി​ല്ലെ​ന്ന കാ​ര്യം ഗൗ​ര​വ​ത്തോ​ടെ കാ​ണേ​ണ്ട​ത്.

ഇ​തോ​ടെ സാ​ന്പി​ൾ ശേ​ഖ​രി​ക്കു​ന്ന വി​ധം ശ​രി​യ​ല്ലെ​ന്നു​ള്ള ആ​രോ​പ​ണ​ങ്ങ​ളും ഉ​യ​ർ​ന്നി​ട്ടു​ണ്ട്. സാ​ന്പി​ൾ പ​രി​ശോ​ധ​ന​യ്ക്കു ശേ​ഖ​രി​ക്കു​ന്ന​തു ശ​രി​യാ​യ വി​ധ​ത്തി​ൽ അ​ല്ലെ​ങ്കി​ൽ രോ​ഗി​യാ​ണെ​ങ്കി​ലും റി​സ​ർ​ട്ട് നെ​ഗ​റ്റീ​വാ​യി​രി​ക്കു​മെ​ന്നും പ​റ​യ​പ്പെ​ടു​ന്നു.

എ​ന്നാ​ൽ സ്ര​വ പ​രി​ശോ​ധ​ന​യ്ക്കു നി​ല​വി​ൽ കു​ഴ​പ്പ​ങ്ങ​ളി​ല്ലെ​ന്നും ഡോ​ക്ട​ർ​മാ​ർ​ക്കും ന​ഴ്സു​മാ​ർ​ക്കും കൃ​ത്യ​മാ​യി ഡ്യൂ​ട്ടി ലി​സ്റ്റ് ന​ല്കു​ന്നു​ണ്ടെ​ന്നും മെ​ഡി​ക്ക​ൽ സൂ​പ്ര​ണ്ട് ഡോ. ​ബി​ന്ദു​കു​മാ​രി പ​റ​ഞ്ഞു. നി​ല​വി​ല​ത്തെ സാ​ഹ​ച​ര്യ​ത്തി​ൽ എ​ല്ലാ​വ​രും ബു​ദ്ധി​മു​ട്ടി​യാ​ണ് ജോ​ലി​ക്ക് എ​ത്തു​ന്ന​ത്.

ഡോ​ക്ട​ർ​മാ​ർ​ത​ന്നെ സ്ര​വം പ​രി​ശോ​ധ​ന​യ്ക്ക് എ​ടു​ക്ക​ണ​മെ​ന്ന് ന​ഴ്സു​മാ​ർ വാ​ശി​പി​ടി​ക്കു​ക​യാ​ണെ​ന്നും മെ​ഡി​ക്ക​ൽ സൂ​പ്ര​ണ്ട് ദീ​പി​ക​യോ​ട് പ​റ​ഞ്ഞു.