തിരുവനന്തപുരം: കോവിഡ്-19 ജില്ലയിൽ ഇന്നലെ 212 പേർ രോഗനിരീക്ഷണത്തിലായി. 392 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ 2,203 പേർ വീടുകളിൽ കരുതൽ നിരീക്ഷണത്തിലുണ്ട്. 16 പേരെ ഡിസ്ചാർജ് ചെയ്തു.
തിരുവനന്തപുരം മെഡിക്കൽ കോളേജിൽ 67 പേരും ജനറൽ ആശുപത്രിയിൽ ഏഴു പേരും നെടുമങ്ങാട് ജില്ലാ ആശുപത്രിയിൽ നാലു പേരും പേരൂർക്കട ജില്ലാ മാതൃകാ ആശുപത്രിയിൽ മൂന്നു പേരുംഎസ്എടി ആശുപത്രിയിൽ മൂന്നു പേരും ചേരൂർക്കട മാനസികാരോഗ്യ കേന്ദ്രത്തിൽ എട്ടു പേരും വിവിധ സ്വകാര്യ ആശുപത്രികളിൽ 24 പേരും ഉൾപ്പെടെ 116 പേർ ജില്ലയിൽ ആശുപത്രികളിൽ ചികിത്സയിലുണ്ട്.ജില്ലയിൽ പോസിറ്റീവായ രണ്ട് പേരാണ് ഇപ്പോൾ ചികിത്സയിലുള്ളത്.ഇന്നലെ 92 സാമ്പിളുകൾ പരിശോധനയ്ക്കായി അയച്ചു.
ഇന്നലെ ലഭിച്ച 61 പരിശോധനാഫലവും നെഗറ്റീവാണ്. കരുതൽ നിരീക്ഷണത്തിനായി മാർ ഇൗവാനിയോസ് ഹോസ്റ്റലിൽ 40 പേരെ താമസിപ്പിച്ചിട്ടുണ്ട്. അമരവിള, കോഴിവിള,ഇഞ്ചിവിള,ആറുകാണി,വെള്ളറട,നെട്ട,കാരക്കോണംകന്നുമാമൂട്, ആറ്റുപുറം, തട്ടത്തുമല, കാപ്പിൽ, മടത്തറഎന്നിവിടങ്ങളിലായി 5958 വാഹനങ്ങളിലെ 10110 യാത്രക്കാരെ സ്ക്രീനിംഗ് നടത്തി.
ഫീൽഡ് തല സർവൈലൻസിന്‍റെ ഭാഗമായി 2057പേരുടെ വീടുകളിൽ ആരോഗ്യ പ്രവർത്തകരും വോളണ്ടിയർമാരും എത്തി ആരോഗ്യ വിവരങ്ങൾ അന്വേഷിക്കുകയും ആവശ്യമായ ബോധവത്കരണം നടത്തുകയും ചെയ്തു.വിദേശത്ത് നിന്നെത്തിയവരും അവരുമായി നേരിട്ട് ഇടപഴകിയിട്ടുള്ളവരും നിർബന്ധമായും വീടുകളിൽ ക്വാറന്‍റൈനിൽ കഴിയണം.
ഇവർക്ക് പനി,ചുമ,തുമ്മൽ,ശ്വാസതടസം തുടങ്ങിയ രോഗലക്ഷണങ്ങൾ കണ്ടാൽ എത്രയും പെട്ടെന്ന് കളക്ടറേറ്റ് കൺട്രോൾ റൂമിലെ ടോൾ ഫ്രീ നമ്പരായ 1077 ലേക്കോ ദിശ 1056 ലേക്ക് അറിയിക്കുകയും അവരുടെ നിർദ്ദേശപ്രകാരം മാത്രം ആശുപത്രിയിലേക്ക് പോകുകയും വേണം.കോവിഡ് 19 മായി ബന്ധപ്പെട്ട് എന്തെങ്കിലും തരത്തിൽ മാനസിക പ്രയാസങ്ങൾ നേരിട്ടാൽ 9846854844എന്ന നമ്പരിലേക്ക് വിളിക്കാവുന്നതാണ്.
കൗൺസലിംഗ് സേവനത്തിനായി രാവിലെ ഒന്പതു മുതൽ വൈകുന്നേരം നാലു വരെ വിളിക്കാം. വിദേശത്ത് നിന്ന് എത്തിയവരോ അവരോട് സമ്പർക്കമുണ്ടായിട്ടുള്ളവരോ പൊതുസ്ഥലങ്ങളിൽ എത്തിയാൽ 9188610100 എന്ന വാട്സ് ആപ് നമ്പരിലേക്ക് വിളിക്കുകയോ ഫോട്ടോ എടുത്ത് അയയ്ക്കുകയോ ചെയ്യാം.
