ക്ഷേ​ത്ര​ത്തി​ൽ 12 പേ​ർ​ക്ക് കോ​വി​ഡ്! ശ്രീ​പ​ത്മ​നാ​ഭ​സ്വാ​മി ക്ഷേ​ത്ര​ത്തി​ലെ അ​ല്പ​ശി ഉ​ത്സ​വം മാ​റ്റി​വ​ച്ചു

തി​രു​വ​ന​ന്ത​പു​രം: ശ്രീ​പ​ത്മ​നാ​ഭ​സ്വാ​മി ക്ഷേ​ത്ര​ത്തി​ൽ 12 പേ​ർ​ക്ക് കോ​വി​ഡ് സ്ഥി​രീ​ക​രി​ച്ച​തി​നാ​ൽ15 ന് ​ആ​രം​ഭി​ക്കേ​ണ്ട അ​ല്പ​ശി ഉ​ത്സ​വം മാ​റ്റി​വ​ച്ചു. പെ​രി​യ​ന​ന്പി, പ​ഞ്ച​ഗ​വ്യ​ത്ത് ന​ന്പി എ​ന്നി​വ​രും ജീ​വ​ന​ക്കാ​രും ഉ​ൾ​പ്പെ​ടെ 12 പേ​ർ​ക്കാ​ണ് കോ​വി​ഡ് ബാ​ധി​ച്ച​ത്.

ക്ഷേ​ത്ര​ത്തി​ൽ വ​ർ​ഷ​ത്തി​ൽ ആ​റു​മാ​സ​ത്തി​ലൊ​രി​ക്ക​ൽ മീ​ന​ത്തി​ലും തു​ലാ​ത്തി​ലും ര​ണ്ട് ഉ​ത്സ​വം പ​തി​വു​ള്ള​താ​ണ്. ശ്രീ​പ​ത്മ​നാ​ഭ​സ്വാ​മി ക്ഷേ​ത്ര​ത്തി​ൽ മീ​ന​മാ​സ​ത്തി​ൽ ന​ട​ക്കേ​ണ്ട പൈ​ങ്കു​നി ഉ​ത്സ​വം ലോ​ക്ക് ഡൗ​ണ്‍ മൂ​ലം ത​ട​സ​പ്പെ​ട്ടി​രു​ന്നു.

ഈ ​ഉ​ത്സ​വം ക​ഴി​ഞ്ഞ മാ​സം ആ​ഘോ​ഷ​ര​ഹി​ത​മാ​യി ന​ട​ത്തി​യി​രു​ന്നു. ശം​ഖു​മു​ഖ​ത്ത് പ​തി​വു​ള്ള ആ​റാ​ട്ടി​ന് പ​ക​രം ക്ഷേ​ത്ര​ത്തി​ന് മു​ൻ​ഭാ​ഗ​ത്തു​ള്ള പ​ത്മ​തീ​ർ​ഥ​ത്തി​ൽ ആ​റാ​ട്ട് ന​ട​ത്തി ച​ട​ങ്ങ് നി​ർ​വ​ഹി​ച്ചു.

തു​ലാ​മാ​സ​ത്തി​ൽ ന​ട​ത്തു​ന്ന അ​ല്പ​ശി ഉ​ത്സ​വം മു​റ​തെ​റ്റാ​തെ ന​ട​ത്താ​നാ​ണ് ആ​ദ്യ​ത്തെ ഉ​ത്സ​വം ച​ട​ങ്ങു​ക​ളോ​ടെ ന​ട​ത്തി​യ​ത്.

ന​വ​രാ​ത്രി ഉ​ത്സ​വ​കാ​ല​ത്തെ അ​ല്പ​ശി ഉ​ത്സ​വ​ത്തി​നു​ള്ള ത​യാ​റെ​ടു​പ്പു​ക​ൾ പൂ​ർ​ത്തി​യാ​ക്കു​ന്ന​തി​നി​ടെ​യാ​ണ് ക്ഷേ​ത്ര​ത്തി​ലെ കോ​വി​ഡ് വ്യാ​പ​നം കാ​ര​ണം ഉ​ത്സ​വം മാ​റ്റി​വ​ച്ച​ത്.

കോ​വി​ഡ് വ്യാ​പ​നം വ​ന്ന​തോ​ടെ ക്ഷേ​ത്ര​ത്തി​ൽ ദ​ർ​ശ​നം നി​ർ​ത്തി​വ​ച്ചി​രു​ന്നു. അ​ടു​ത്തി​ടെ മു​ത​ൽനി​ശ്ചി​ത എ​ണ്ണം ഭ​ക്ത​ർ​ക്ക് ഓ​ണ്‍​ലൈ​ൻ ര​ജി​സ്ട്രേ​ഷ​നി​ലൂ​ടെ ദ​ർ​ശ​നം അ​നു​വ​ദി​ച്ചു തു​ട​ങ്ങി​യെ​ങ്കി​ലും തി​ര​ക്കി​ല്ലാ​യി​രു​ന്നു.

ഒ​റ്റ​ക്ക​ൽ മ​ണ്ഡ​പ​ത്തി​ന് താ​ഴെ ഡ്യൂ​ട്ടി​യി​ലു​ണ്ടാ​യി​രു​ന്ന​വ​ർ​ക്കാ​ണ് ആ​ദ്യം രോ​ഗം സ്ഥി​രീ​ക​രി​ച്ച​ത്.

മ​റ്റ് ശാ​ന്തി​ക്കാ​രു​ടെ അ​ഭാ​വ​ത്തി​ൽ ഉ​ത്സ​വ​ന​ട​ത്തി​പ്പ് പ്ര​യാ​സ​ക​ര​മാ​ണ്.തു​ട​ർ​ന്നാ​ണ് അ​ല്പ​ശി ഉ​ത്സ​വം മാ​റ്റി​വ​യ്ക്കാ​ൻ ത​ന്ത്രി നി​ർ​ദേ​ശി​ച്ച​ത്.

ഉ​ത്സ​വ​ത്തി​നു​ള്ള അ​ടു​ത്ത തീ​യ​തി ത​ന്ത്രി​യു​മാ​യി ആ​ലോ​ചി​ച്ച് ക്ഷേ​ത്ര ഭ​ര​ണ​സ​മി​തി തീ​രു​മാ​നി​ക്കും. ശ്രീ​പ​ത്മ​നാ​ഭ സ്വാ​മി ക്ഷേ​ത്ര​ത്തി​ലെ ഉ​ത്സ​വ​ത്തി​നൊ​പ്പം സ​മീ​പ​ത്തെ നാ​ലു ക്ഷേ​ത്ര​ങ്ങ​ളി​ലും ഉ​ത്സ​വം ന​ട​ക്കാ​റു​ണ്ട്.

തി​രു​വ​ല്ലം പ​ര​ശു​രാ​മ​സ്വാ​മി ക്ഷേ​ത്രം, വ​ടു​വൊ​ത്ത് മ​ഹാ​വി​ഷ്ണു​ക്ഷേ​ത്രം, ചെ​റി​യ ഉ​ദേ​ശ്വ​രം ക്ഷേ​ത്രം, അ​ര​ക​ത്ത് ദേ​വീ​ക്ഷേ​ത്രം എ​ന്നി​വി​ട​ങ്ങ​ളി​ലാ​ണ് ഉ​ത്സ​വം ന​ട​ക്കാ​റു​ള്ള​ത്.

ശം​ഖു​മു​ഖ​ത്ത് ഇ​വ​യു​ടെ കൂ​ടി​യാ​റാ​ട്ടും പ​തി​വു​ള്ള​താ​ണ്. ശ്രീ​പ​ത്മ​നാ​ഭ​സ്വാ​മി ക്ഷേ​ത്ര​ത്തി​ലെ ഉ​ത്സ​വം മാ​റ്റി​യ പ​ശ്ചാ​ത്ത​ല​ത്തി​ൽ ഈ ​ക്ഷേ​ത്ര​ങ്ങ​ളി​ലെ ഉ​ത്സ​വ​ങ്ങ​ളും മാ​റ്റി​യേ​ക്കും.