ടെ​സ്റ്റ് പോ​സി​റ്റി​വി​റ്റി നി​ര​ക്ക് കൂ​ടു​ത​ല്‍! ഇനി മാ​സ്‌​ക് ധ​രി​ക്കാ​ത്ത​വ​ര്‍​ക്ക് നി​ര്‍​ബ​ന്ധി​ത കോ​വി​ഡ് ടെ​സ്റ്റ്; നി​യ​ന്ത്ര​ണം ക​ടു​പ്പി​ക്കും

കോ​ഴി​ക്കോ​ട്: ജി​ല്ല​യി​ലെ കോ​വി​ഡ് ടെ​സ്റ്റ് പോ​സി​റ്റി​വി​റ്റി നി​ര​ക്ക് സം​സ്ഥാ​ന ശ​രാ​ശ​രി​യേ​ക്കാ​ള്‍ വ​ള​രെ കൂ​ടു​ത​ലാ​യ സാ​ഹ​ച​ര്യ​ത്തി​ല്‍ ക​ടു​ത്ത നി​യ​ന്ത്ര​ണ​ങ്ങ​ളേ​ര്‍​പ്പെ​ടു​ത്താ​ന്‍ ക​ള​ക്ട​റു​ടെ നി​ര്‍​ദേ​ശം.

കോ​വി​ഡ് ടെ​സ്റ്റ് ന​ട​ത്താ​നും വാ​ക്സി​ന്‍ സ്വീ​ക​രി​ക്കാ​നു​മു​ള്ള പൊ​തു​ജ​ന​ങ്ങ​ളു​ടെ വി​മു​ഖ​ത ടെ​സ്റ്റ് പോ​സി​റ്റി​വി​റ്റ് നി​ര​ക്ക് കൂ​ടാ​ന്‍ കാ​ര​ണ​മാ​യ​താ​യി ക​ള​ക്ട​റു​ടെ അ​ധ്യ​ക്ഷ​ത​യി​ല്‍ ചേ​ര്‍​ന്ന ജി​ല്ലാ​ദു​ര​ന്ത​നി​വാ​ര​ണ അഥോ​റി​റ്റി യോ​ഗം വി​ല​യി​രു​ത്തി.​

തെ​ര​ഞ്ഞെ​ടു​പ്പി​ന്‍റെ സാ​ഹ​ച​ര്യം ക​ണ​ക്കി​ലെ​ടു​ത്ത് പൊ​തു​ജ​ന​ങ്ങ​ള്‍ കൂ​ട്ടം​കൂ​ടി​യു​ള്ള റാ​ലി​ക​ളി​ലും യോ​ഗ​ങ്ങ​ളി​ലും കോ​വി​ഡ് പ്രോ​ട്ടോ​കോ​ള്‍ പാ​ലി​ക്കാ​തി​രി​ക്കു​ന്ന​ത് രോ​ഗം പ​ട​രു​ന്ന​തി​ന് കാ​ര​ണ​മാ​വും.

കോ​വി​ഡ് ര​ണ്ടാം​ത​രം​ഗ സാ​ധ്യ​ത നി​ല​നി​ല്‍​ക്കു​ന്ന​തി​നാ​ല്‍ രാ​ജ്യ​ത്തി​ന്‍റെ മ​റ്റ് ഭാ​ഗ​ങ്ങ​ളി​ലു​ള്ള പോ​ലെ ജി​ല്ല​യി​ല്‍ രോ​ഗം പ​ട​ര്‍​ന്നു​പി​ടി​ക്കാ​നി​ട​യു​ണ്ട്.

മാ​സ്‌​ക് ധ​രി​ക്കാ​തെ പൊ​തു​സ്ഥ​ല​ങ്ങ​ളി​ല്‍ എ​ത്തു​ന്ന​വ​രി​ല്‍​നി​ന്ന് പി​ഴ ഈ​ടാ​ക്കു​ന്ന​തോ​ടൊ​പ്പം അ​വ​രെ കോ​വി​ഡ് ടെ​സ്റ്റി​നും വി​ധേ​യ​മാ​ക്കും.

വാ​ര്‍​ഡ് ആ​ര്‍​ആ​ര്‍​ടിക​ളെ പു​ര്‍​വാ​ധി​കം കാ​ര്യ​ക്ഷ​മ​ത​യോ​ടെ പു​ന​ര​ജ്ജീ​വി​പ്പി​ക്കും.45 വ​യ​സി​ന് മു​ക​ളി​ല്‍ പ്രാ​യ​മു​ള്ള​വ​ര്‍ നി​ര്‍​ബ​ന്ധ​മാ​യും വാ​ക്സി​ന്‍ സ്വീ​ക​രി​ക്കേ​ണ്ട​തും അ​വ​ര​വ​രു​ടെ സു​ര​ക്ഷി​ത​ത്വം ഉ​റ​പ്പു​വ​രു​ത്തേ​ണ്ട​തു​മാ​ണ്.

​പൊ​തു​തെര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ടു​ള്ള യോ​ഗ​ങ്ങ​ളി​ലും റാ​ലി​ക​ളി​ലും കോ​വി​ഡ് പ്രോ​ട്ടോ​കോ​ള്‍ കൃ​ത്യ​മാ​യി പാ​ലി​ക്ക​പ്പെ​ടു​ന്നു​വെ​ന്ന് ജി​ല്ലാ​പോ​ലി​സ് മേ​ധാ​വി​ക​ള്‍ ഉ​റ​പ്പു​വ​രു​ത്തും.

കോ​വി​ഡ് പ്രോ​ട്ടോ​കോ​ള്‍ പാ​ലി​ക്കാ​തെ ന​ട​ക്കു​ന്ന പൊ​തു​യോ​ഗ​ങ്ങ​ള്‍​ക്ക് സം​ഘാ​ട​ക​രു​ടെ പേ​രി​ല്‍ പി​ഴ ഈ​ടാ​ക്കാ​നും പോ​ലി​സി​ന് ക​ര്‍​ശ​ന നി​ര്‍​ദ്ദേ​ശം ന​ല്‍​കി.