‘കോ​ട്ട​യ​ത്തെ പ​ച്ച മ​നു​ഷ്യൻ’ ;പരിസ്ഥിതി ദിനത്തിൽ സി.പി. റോയിയുടെ സേവനം കണ്ടില്ലെന്നു നടിക്കരുത്

ജി​ബി​ൻ കു​ര്യ​ൻ
കോ​ട്ട​യം: കോ​ട്ട​യ​ത്തെ പ​ച്ച മ​നു​ഷ്യ​നാ​ണ് സി.​പി. റോ​യി എ​ന്ന പ​രി​സ്ഥ​ിതി പ്ര​വ​ർ​ത്ത​ക​ൻ. ന​ഗ​ര​ത്തി​ൽ ഇ​ന്ന് ത​ല​യു​യ​ർ​ത്തി പ​ച്ച​വി​രി​ച്ചു ത​ണ​ലേ​കി നി​ൽ​ക്കു​ന്ന മ​ര​ങ്ങ​ളെ​ല്ലാം റോ​യി ന​ട്ട​താ​ണ്. കയ്യിൽ തൂ​ന്പ​യും വാ​ക്ക​ത്തി​യും കു​ട്ട​യു​മാ​യി ന​ഗ​ര​ത്തി​ലൂ​ടെ മ​ര​ത്തൈ​ക​ളു​മാ​യി ന​ട​ന്നു നീ​ങ്ങു​ന്ന റോ​യി എ​ന്ന വൃ​ക്ഷ​സ്നേ​ഹി കോ​ട്ട​യം​കാ​രു​ടെ പ​തി​വു കാ​ഴ്ച​യാ​ണ്.

കോ​ടി​മ​ത നാ​ലു​വ​രി പാ​ത​യ്ക്കു ത​ണ​ലേ​കാ​നു​ള്ള പരിശ്രമത്തിലാ ണ് ഈ ​പ​ച്ച മ​നു​ഷ്യ​ൻ ഇപ്പോൾ. റോ​ഡി​നി​രു​വ​ശ​വു​മു​ള്ള ഫു​ട്പാ​ത്തി​ന്‍റെ വ​ശ​ങ്ങ​ളി​ലാ​ണ് ഫ​ല​വൃ​ക്ഷ​മാ​യ ഞാ​വ​ൽ ന​ട്ടു കോ​ടി​മ​ത നാ​ലു​വ​രി​ പാ​ത​യെ ഞാ​വ​ൽ വ​ഴി​യാ​ക്കാ​ൻ ഒ​രു​ങ്ങു​ന്ന​ത്.

ക​ഴി​ഞ്ഞ പ​രി​സ്ഥി​തി​ ദി​ന​ത്തി​ൽ ന​ട്ടു വ​ള​ർ​ത്തി തു​ട​ങ്ങി​യ മ​ര​ങ്ങ​ൾ ഇ​ന്ന് ഏ​ക​ദേ​ശം ര​ണ്ട​ടി വ​ള​ർ​ന്നു ക​ഴി​ഞ്ഞി​രി​ക്കു​ന്നു. ഫു​ട്പാ​ത്തി​നി​രു​വ​ശ​വും കൂ​ടി ഒ​രു കി​ലോ​മീ​റ്റ​ർ നീ​ള​മു​ണ്ട്. ത​ണ​ലി​നാ​യി അ​ഞ്ഞൂ​റോ​ളം ഞാ​വ​ൽ മ​ര​ങ്ങ​ളാ​ണ് ന​ട്ടി​രി​ക്കു​ന്ന​ത്.

കോ​വി​ഡാ​ന​ന്ത​ര കാ​ല​ത്ത് സാ​ധാ​ര​ണ​ക്കാ​ര​ന്‍റെ ഏ​റ്റ​വും വ​ലി​യ പ്ര​ശ്നം ഒ​രു നേ​ര​ത്തെ ഭ​ക്ഷ​ണ​മാ​യി​രി​ക്കു​മെ​ന്നും മ​നു​ഷ്യ​ർ​ക്കും കി​ളി​ക​ൾ​ക്കും ഒ​രു പോ​ലെ പ്രി​യ​പ്പെ​ട്ട​താ​ണ് ഞാ​വ​ൽ പ​ഴ​മെ​ന്നും റോ​യി പ​റ​യു​ന്നു.

ഒൗ​ദ്യോ​ഗി​ക ജീ​വി​ത​ത്തി​നു ശേ​ഷം 2010ലാ​ണ് സി.​പി. റോ​യി കോ​ട്ട​യ​ത്തി​നു ത​ണ​ലേ​കാ​ൻ എ​ന്ന മു​ദ്രാ​വാ​ക്യ​വു​മാ​യി ഗ്രീ​ൻ കോ​ട്ട​യം പ്രോ​ജ​ക്്ട് ആ​രം​ഭി​ക്കു​ന്ന​ത്. തി​രു​ന​ക്ക​ര മൈ​താ​ന​ത്തി​നു ചു​റ്റും വു​ങ്ങ് എ​ന്ന എ​വ​ർ ഗ്രീ​ൻ ​പ്ലാ​ന്‍റ് ന​ട്ടു​കൊ​ണ്ടാ​യി​രു​ന്നു തു​ട​ക്കം.

ആ ​വ​ർ​ഷം ത​ന്നെ പോ​ലീ​സ് പ​രേ​ഡ് ഗ്രൗ​ണ്ടി​ന്‍റെ സൈ​ഡി​ലും വു​ങ്ങ് മ​രം ന​ട്ടു. പി​ന്നീ​ട് കോ​ട്ട​യം ടി​ബി, പൊ​തു​മ​രാ​മ​ത്ത് റ​സ്റ്റ് ഹൗ​സ്, പ​ച്ച​ക്ക​റി മാ​ർ​ക്ക​റ്റ്, ജി​ല്ലാ ആ​ശു​പ​ത്രി​ക്കു മു​ൻ​വ​ശം, ന​ല്ലി​ട​യ​ൻ പ​ള്ളി റോ​ഡ്, ഈ​ര​യി​ൽ ക​ട​വ് ബൈ​പാ​സ്, പ​ടി​ഞ്ഞാ​റ​ൻ ബൈ​പാ​സ് തു​ട​ങ്ങി കോ​ട്ട​യ​ത്തി​ന്‍റെ മു​ക്കി​ലും മൂ​ല​യി​ലും ത​ല​യു​യ​ർ​ത്തി നി​ൽ​ക്കു​ന്ന മ​ര​ങ്ങ​ൾ റോ​യി​യു​ടെ സ്വ​ന്ത​മാ​ണ്.

മ​ണി​പ്പു​ഴ ജം​ഗ്ഷ​നി​ൽ കാ​യ്ച്ചു തു​ട​ങ്ങി​യ നൂ​റോ​ളം നാ​ട്ടു മാ​വു​ക​ളും ഈ ​കൂ​ട്ട​ത്തി​ൽ പെ​ടും. കോ​ട്ട​യം ഗി​രി​ദീ​പം കോ​ള​ജി​ൽ അ​ധ്യാ​പ​ക​നാ​യി ജോ​ലി ചെ​യ്യു​ന്ന റോ​യി ത​ന്‍റെ കാ​ന്പസിൽ പ​തി​നാ​യി​ര​ത്തി​ലേ​റെ വൃ​ക്ഷ തൈ​ക​ൾ ന​ട്ടു വ​ള​ർ​ത്തി പ​രി​പാ​ലി​ക്കു​ന്നു.

വൃ​ക്ഷ​നി​ബി​ഡ​മാ​യ ഗി​രി​ദീ​പം കാ​ന്പ​സിൽ ഒ​രു ഒൗ​ഷ​ധ​ തോ​ട്ട​വും റോ​യി നി​ർ​മി​ച്ചി​ട്ടു​ണ്ട്. ഈ ​വ​ർ​ഷം പ്ര​കൃ​തി​ കൃ​ഷി കൂ​ടി കാ​ന്പ​സി​ൽ തു​ട​ങ്ങാ​നാ​ണ് റോ​യി​യു​ടെ ല​ക്ഷ്യം.

ഫു​ക്കു​വോ​ക്ക ക്ല​ബ് ഓ​ഫ് നാ​ച്ച്വ​റ​ൽ ഫാ​മിം​ഗ് ആ​ൻ​ഡ് നേ​ച്ച​ർ കെ​യ​ർ എ​ന്നു പേ​രി​ട്ടി​രി​ക്കു​ന്ന ക്ല​ബി​ന്‍റെ ആ​ഭി​മു​ഖ്യ​ത്തി​ലാ​ണ് കൃ​ഷി. കോ​ള​ജി​ലെ മു​ഴു​വ​ൻ അ​ധ്യാ​പ​ക​രെ​യും പ​ങ്കാ​ളി​ക​ളാ​ക്കാ​നാ​ണ് ശ്ര​മം.
കോ​ട്ട​യ​ത്തു മാ​ത്ര​മ​ല്ല ഇ​ടു​ക്കി ജി​ല്ല​യി​ലും റോ​യി പ​രി​സ്ഥി​തി പ്ര​വ​ർ​ത്ത​നം ന​ട​ത്തു​ന്നു​ണ്ട്.