കോ​ടി​യേ​രി​യെ ത​ള്ളി..! ചാണ്ടിയുടെ രാജിയിൽ ക്രെ​ഡി​റ്റ് വേ​ണ്ട; രാ​ജിവയ്ക്കുന്ന കാര്യം ആരുടെയെങ്കിലും മനസിലുണ്ടായിരുന്നാൽ അത് തങ്ങൾക്കറിയില്ലായിരുന്നുവെന്ന് സി​പി​ഐ

തി​രു​വ​ന​ന്ത​പു​രം: തോ​മ​സ് ചാ​ണ്ടി​യു​ടെ രാ​ജി വി​ഷ​യ​ത്തി​ൽ ക്രെ​ഡി​റ്റു​വേ​ണ്ടെ​ന്നും ആ​രു​വേ​ണ​മെ​ങ്കി​ലും എ​ടു​ത്തോ​ട്ടെ​യെ​ന്നും സി​പി​ഐ. മ​ന്ത്രി രാ​ജി​വ​യ്ക്കു​മെ​ന്ന് ആ​രു​ടെ​യെ​ങ്കി​ലും മ​ന​സി​ലു​ണ്ടാ​യി​രു​ന്നെ​ങ്കി​ൽ അ​ത് സി​പി​ഐ​ക്ക് അ​റി​യി​ല്ലാ​യി​രു​ന്നെ​ന്നും സി​പി​ഐ അ​സി​സ്റ്റ​ന്‍റ് സെ​ക്ര​ട്ട​റി പ്ര​കാ​ശ് ബാ​ബു പ​റ​ഞ്ഞു. സി​പി​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ന്‍റെ വി​മ​ർ​ശ​ന​ത്തി​നു മ​റു​പ​ടി ന​ൽ​കു​ക​യാ​യി​രു​ന്നു അ​ദ്ദേ​ഹം.

ആ​ല​പ്പു​ഴ ജി​ല്ലാ ക​ള​ക്ട​റു​ടെ റി​പ്പോ​ർ​ട്ടി​ൽ ല​ഭി​ച്ച നി​യ​മോ​പ​ദേ​ശം റ​വ​ന്യു​മ​ന്ത്രി​യെ ഇ​തു​വ​രെ അ​റി​യി​ച്ചി​ട്ടി​ല്ലെ​ന്നും പ്ര​കാ​ശ് ബാ​ബു പ​റ​ഞ്ഞു. ക​ള​ക്ട​റു​ടെ റി​പ്പോ​ർ​ട്ട് റ​വ​ന്യൂ​മ​ന്ത്രി​യാ​ണ് മു​ഖ്യ​മ​ന്ത്രി​ക്ക് സ​മ​ർ​പ്പി​ച്ച​ത്. ഈ ​റി​പ്പോ​ർ​ട്ടി​ൽ ല​ഭി​ച്ച നി​യോ​മ​പ​ദേ​ശം ആ​ദ്യം അ​റി​യി​ക്കേ​ണ്ടി​യി​രു​ന്ന​ത് റ​വ​ന്യു​മ​ന്ത്രി​യെ ആ​യി​രു​ന്നു. എ​ന്നാ​ൽ ഈ ​നി​മി​ഷം​വ​രെ അ​തു​ണ്ടാ​യി​ട്ടി​ല്ല.

ഭ​ര​ണ​ഘ​ട​നാ ലം​ഘ​നം ന​ട​ത്തു​ക​യും സ​ർ​ക്കാ​രി​നെ​തി​രെ കോ​ട​തി​യി​ൽ കേ​സ് കൊ​ടു​ക്കു​ക​യും ചെ​യ്ത ഒ​രു വ്യ​ക്തി അ​ഗം​മാ​യി​ട്ടി​രി​ക്കു​ന്ന മ​ന്ത്രി​സ​ഭ​യി​ൽ സി​പി​ഐ മ​ന്ത്രി​മാ​രു​ണ്ടാ​കി​ല്ലെ​ന്ന് നേ​ര​ത്തെ സൂ​ച​ന ന​ൽ​കി​യി​രു​ന്ന​താ​ണ്. 14 ാം തീ​യ​തി രാ​ത്രി​യോ പി​റ്റേ​ന്ന് രാ​വി​ലെ​യോ മ​ന്ത്രി​യു​ടെ രാ​ജി സം​ബ​ന്ധി​ച്ച് സി​പി​ഐ​ക്ക് ഒ​രു​റ​പ്പും ആ​രും ന​ൽ​കി​യി​ല്ല. ഇ​തു​ണ്ടാ​വേ​ണ്ടി​യി​രു​ന്നു. ഈ ​ക​മ്യൂ​ണി​ക്കേ​ഷ​ൻ ഗ്യാ​പ്പാ​ണ് പ്ര​ശ്നം വ​ഷ​ളാ​ക്കി​യ​ത്.

സോ​ളാ​ർ കേ​സി​ൽ പ്ര​തി​രോ​ധ​ത്തി​ലാ​യ പ്ര​തി​പ​ക്ഷ​ത്തി​ന് പി​ടി​വ​ള്ളി‍​യാ​യ​ത് ചാ​ണ്ടി മ​ന്ത്രി​സ​ഭ​യി​ൽ തു​ട​ർ​ന്ന​താ​ണ്. ചാ​ണ്ടി വി​ഷ‍​യ​ത്തി​ൽ അ​ഭി​പ്രാ​യം വ്യ​ത്യാ​സം ഉ​ണ്ടാ​യി​രു​ന്നു. അ​ത് രാ​ജി​യോ​ടെ അ​വ​സാ​നി​ച്ച​താ​യും സി​പി​ഐ അ​സി​സ്റ്റ​ന്‍റ് സെ​ക്ര​ട്ട​റി പ​റ​ഞ്ഞു.