എസ്ഐയുടെ വീട്ടിൽ സുഹൃത്ത് മരിച്ച നിലയിൽ; വി​റ​കു​കൊ​ള്ളികൊ​ണ്ട് കാലിൽ ത​ല്ലി​തേയുള്ളൂവെന്ന് എ​സ്ഐ; മയ്യിൽ യഥാർഥത്തിൽ സംഭവിച്ചത്

മ​യ്യി​ൽ: പോ​ലീ​സ് ഉ​ദ്യോ​ഗ​സ്ഥ​ന്‍റെ വീ​ട്ടി​ൽ സു​ഹൃ​ത്താ​യ ചു​മ​ട്ടുതൊ​ഴി​ലാ​ളി​യെ മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ പ്ര​തി​യാ​യ എ​സ്ഐ കു​റ്റം സ​മ്മ​തി​ച്ച​താ​യി പോ​ലീ​സ്.

പ്ര​തി​യെ വി​ശ​ദ​മാ​യി ചോ​ദ്യം ചെ​യ്തു​വ​രി​ക​യാ​ണ്. കൊ​ള​ച്ചേ​രി​പ്പ​റ​മ്പി​ലെ കൊ​മ്പ​ൻ ഹൗ​സി​ൽ സ​ജീ​വ​നെ (55) യാ​ണ് സു​ഹൃ​ത്തും മ​യ്യി​ൽ പോ​ലീ​സ് സ്റ്റേ​ഷ​നി​ലെ ഗ്രേ​ഡ് എ​സ്ഐ​യു​മാ​യ എ. ​ദി​നേ​ശ​ന്‍റെ വീ​ടി​ന​ക​ത്ത് ഇ​ന്ന​ലെ രാ​ത്രി ഏ​ഴ​ര​യോ​ടെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.

പ​ക്ഷാ​ഘാ​തം കാ​ര​ണം കു​റ​ച്ചുകാ​ല​മാ​യി ദി​നേ​ശ​ൻ ജോ​ലി​ക്ക് പോ​കാ​റി​ല്ലാ​യി​രു​ന്നു. പ​തി​വാ​യി മ​ദ്യ​പി​ക്കു​ന്ന ഇ​രു​വ​രും ഇ​ന്ന​ലെ വൈ​കു​ന്നേ​രം അ​ടു​ക്ക​ള​ഭാ​ഗ​ത്തെ വ​ർ​ക്ക് ഏ​രി​യ​യി​ൽ മ​ദ്യ​പി​ക്കു​ന്ന​തി​നി​ട​യി​ൽ വാ​ക്കു​ത​ർ​ക്ക​മു​ണ്ടാ​യെ​ന്നും വി​റ​കു​കൊ​ള​ളി​യെ​ടു​ത്ത് കാ​ലി​ന് അ​ടി​ച്ചെന്നുമാ​ണ് എ​സി​പി ടി.​കെ.​ര​ത്ന​കു​മാ​റി​നോ​ട് പ്ര​തി ചോ​ദ്യം ചെ​യ്യ​ലി​ൽ സ​മ്മ​തി​ച്ച​ത്.

സ​ജീ​വ​ന്‍റെ ത​ല​യ്ക്ക് മു​ൻ​ഭാ​ഗ​ത്തും കാ​ലി​നും ആ​ഴ​ത്തി​ൽ മു​റി​വേ​റ്റിട്ടു​ണ്ട്. അ​ടി​യേ​റ്റ് വീ​ണ​പ്പോ​ഴാ​ണോ ഈ ​മു​റി​വ് സം​ഭ​വി​ച്ച​തെ​ന്നും സം​ശ​യ​മു​ണ്ട്.

സം​ഭ​വം ന​ട​ന്ന് സ​ജീ​വ​ന്‍റെ മൃ​ത​ദേ​ഹം ര​ണ്ട് മ​ണി​ക്കൂ​റോ​ളം അ​ടു​ക്ക​ള മു​റ്റ​ത്ത് കി​ട​ക്കു​ക​യാ​യി​രു​ന്നു. പു​റ​ത്തു​പോ​യി വ​ന്ന ഭാ​ര്യ​യാ​ണ് വി​വ​രം നാ​ട്ടു​കാ​രെ അ​റി​യി​ച്ച​ത്.

മ​യ്യി​ൽ പോ​ലീ​സ് ഇ​ൻ​ക്വ​സ്റ്റ് ന​ട​ത്തി​യ മൃ​ത​ദേ​ഹം ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്റ്റു​മോ​ർ​ട്ടം നടത്തും. കൊ​ല​പാ​ത​ക​മാ​ണെ​ന്നാ​ണ് പോലീസിന്‍റെ പ്രാ​ഥ​മി​ക നി​ഗ​മ​നം. ഉ​ച്ച​യോ​ടെ പ്ര​തി​യു​ടെ അ​റ​സ്റ്റ് രേ​ഖ​പ്പെ​ടു​ത്തി​യേ​ക്കും.

പ​രേ​ത​നാ​യ കു​ഞ്ഞ​പ്പ​യു​ടെ​യും ലീ​ല​യു​ടെ​യും മ​ക​നാ​ണ് സ​ജീ​വ​ൻ. അ​ങ്ക​ണ​വാ​ടി വ​ർ​ക്ക​റാ​യ ഗീ​ത​യാ​ണ് ഭാ​ര്യ. മ​ക്ക​ൾ: ​സ്വേ​ത (ന​ഴ്സിം​ഗ് സ്റ്റു​ഡ​ന്‍റ്, ബം​ഗ​ളൂ​രു), ശ്രേ​യ (വി​ദ്യാ​ർ​ഥി). സ​ഹോ​ദ​ര​ങ്ങ​ൾ: പു​ഷ്പ​ജ​ൻ, മാ​ലതി,​ ശോ​ഭ, അ​നി​ത, അ​ജി​ത.