പാറശാല: യുവാവിന്‍റെ മൃതദേഹം ചാക്കിൽ കെട്ടിയ നിലയിൽ കണ്ടെത്തിയ സംഭവത്തിൽ ഉൾപ്പെട്ട പ്രതികളെ തിരിച്ചറിഞ്ഞതായി പോലീസ്. ഇവർ ഉടൻ പിടിയിലാകുമെന്നും പാറശാല പോലീസ് പറഞ്ഞു. ആറയ്യൂരിന് സമീപം സ്വകാര്യ വ്യക്തിയുടെ പുരയിടത്തിൽ നിന്നാണ് നാലു ദിവസത്തോളം പഴക്കമുള്ള ആറയൂർ ആർ കെ.വി. ഭവനിൽ ബിനു (41)ന്‍റെ മൃതദേഹം കണ്ടെത്തിയത്.
ഈസ്റ്റർ ദിനത്തിൽ രാവിലെ ബിനുവും കൂട്ടുകാരുമായി മദ്യപിച്ചിരുന്നതായും മദ്യപാനത്തിനിടെ തർക്കമുണ്ടാ യതായും നാട്ടുകാർ പറയുന്നു. ഈസ്റ്റർ ദിനത്തിൽ സമീപത്തെ യുവാവിന്‍റെ വീട്ടിലിരുന്നു ബിനു മദ്യപിച്ചതായും തുടർന്ന് ബിനുവിനെ കാണാനില്ലെന്ന് ബന്ധുക്കൾ പോലീസിൽ പരാതി നൽകിയിരുന്നു.
അലത്തറ വിളാകം സ്വദേശിയായ ഒരാൾ യുവാവിന്‍റെ വീട്ടിൽ സെപ്റ്റിക് ടാങ്ക്ശുചീകരിക്കാൻ എത്തിയപ്പോൾ വീട്ടിൽരക്ത‌ക്കറ കണ്ടിരുന്നു.നാട്ടുകാരോട് വിവരം പറഞ്ഞതിനെ തുടർന്ന് നടത്തിയ അന്വേഷണത്തിലാണ് മൃതദേഹംകണ്ടെത്തിയത്.
പാറശാല പോലീസ് സ്ഥലത്ത് എത്തി ഇക്വസ്റ്റ് നടത്തി മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. ഫോറൻസിക് വിദഗ്ധർ തെളിവുകൾ ശേഖരിച്ചു. ഡ്രൈവർ ആയ ബിനു അവിവാഹിതനാണ്.
