പെരിന്തൽമണ്ണ: മകന്‍റെ വെട്ടേറ്റ് മാതാവ് മരിച്ചു. പെരിന്തൽമണ്ണയ്ക്കടുത്ത് മണലായ പൂക്കാട്ടുതൊടി ഹംസയുടെ ഭാര്യ ലത്തീഫയാ(55)ണ് മരിച്ചത്. ഇന്ന് രാവിലെ 10.30 ഓടെയാണ് സംഭവം. വീട്ടിൽവച്ച് മകൻ മുഹമ്മദ് നൗഷാദ് മടവാൾകൊണ്ട് കഴുത്തിനാണ് വെട്ടിയത്.
ഗുരുതരാവസ്ഥയിൽ ലത്തീഫയെ പെരിന്തൽമണ്ണയിലെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല. മുഹമ്മദ് നൗഷാദിനെ പെരിന്തൽമണ്ണ പോലീസ് കസ്റ്റഡിയിലെടുത്തു. ഇയാൾ മാനസികാസ്വാസ്ഥ്യമുള്ള ആളാണെന്ന് പോലീസ് പറഞ്ഞു.
