കോട്ടയം: ഭാര്യയെ വെട്ടിപ്പരിക്കേല്‍പ്പിച്ച് ഭര്‍ത്താവ് ജീവനൊടുക്കി. തലയോലപ്പറമ്പ് വെള്ളൂര്‍ സ്വദേശി പത്മകുമാര്‍ ആണ് മരിച്ചത്. ഭാര്യ തുളസിയെ കഴിഞ്ഞദിവസം രാത്രി പത്മകുമാര്‍ വെട്ടിപ്പരിക്കേല്‍പ്പിച്ചിരുന്നു.
തുളസിയെ ആക്രമിച്ചതിന് പത്മകുമാറിനെതിരേ തയോലപ്പറമ്പ് പോലീസ് കേസെടുത്തിരുന്നു. സംഭവത്തില്‍ പോലീസ് തിരയുന്നതിനിടെ ഇയാളെ മരിച്ചനിലയില്‍ കണ്ടെത്തുകയായിരുന്നു.
മുളന്തുരുത്തി ഒലിപ്പുറം റെയില്‍വെ ട്രാക്കിന് സമീപമാണ് പത്മകുമാറിന്‍റെ മൃതദേഹം കണ്ടെത്തിയത്.
പോലീസ് അന്വേഷണം ആരംഭിച്ചു. വെട്ടേറ്റ തുളസി എറണാകുളത്തെ ആശുപത്രിയില്‍ ചികിത്സയിലാണ്.
