ബംഗളൂരു: കർണാടകയിൽ അവിഹിതബന്ധം ആരോപിച്ച് ഭാര്യയെ കഴുത്തുഞെരിച്ച്‌ കൊല്ലുകയും പ്രായശ്ചിത്തമായി തല മൊട്ടയടിക്കുകയും ചെയ്ത യുവാവിനെ പോലീസ് പിടികൂടി.
ബംഗളൂരു ഗംഗോഡനഹള്ളിയിലെ ശാന്തിനഗർ സ്വദേശിയായ സിദ്ധരാമണ്ണയാണ് ഭാര്യ കോകിലയെ കൊലപ്പെടുത്തിയതിന് അറസ്റ്റിലായത്. ഗാർമെന്‍റ് സ്ഥാപനത്തിലെ ജോലിക്കാരിയായിരുന്നു കോകില.
ഭാര്യയ്ക്ക് അവിഹിത ബന്ധമുണ്ടെന്ന് ആരോപിച്ച് സിദ്ധരാമണ്ണ ദിവസവും വഴക്കിടാറുണ്ടായിരുന്നു. സംഭവദിവസം രാത്രി സിദ്ധരാമണ്ണ ഭാര്യയുമായി വഴക്കിടുകയും കഴുത്തുഞെരിച്ചു കൊലപ്പെടുത്തുകയായിരുന്നു.
തുടർന്നു സംഭവസ്ഥലത്തുനിന്നു രക്ഷപ്പെട്ട് ധർമസ്ഥല സന്ദർശിക്കുകയും പാപത്തിനു പ്രായശ്ചിത്തമായി തല മൊട്ടയടിക്കുകയും ചെയ്തു. കോകിലയുടെ മാതാപിതാക്കള്‍ നല്‍കിയ പരാതിയില്‍ മദനായകനഹള്ളി പോലീസാണ് സിദ്ധരാമണ്ണയെ അറസ്റ്റ് ചെയ്തത്.
