ദുബായ്: യുവന്‍റസ് താരം ക്രിസ്റ്റ്യാനോ റൊണാൾഡോയ്ക്ക് ഈ വർഷത്തെ മികച്ച താരത്തിനുള്ള ഗ്ലോബ് സോക്കർ പുരസ്കാരം. ദുബായിയിൽ നടന്ന ചടങ്ങിൽ റൊണാൾഡോ പുരസ്കാരം ഏറ്റുവാങ്ങി. ഗ്ലോബ് സോക്കർ പുരസ്കാരത്തിന് ഇത് ആറാം തവണയാണ് ക്രിസ്റ്റ്യാനോ തിരഞ്ഞെടുക്കപ്പെടുന്നത്.
കഴിഞ്ഞവർഷം യുവന്‍റസിൽ എത്തിയ റൊണാൾഡോ മികച്ച പ്രകടനമാണ് നടത്തിയത്. യുവന്‍റസിന് വേണ്ടി 40 ഗോളുകളാണ് താരം നേടിയത്. യുവന്‍റസിനെ ഇറ്റാലിയൻ കിരീടത്തിലേക്കു നയിച്ചതാണ് റൊണാൾഡോയ്ക്ക് തുണയായത്. പോർച്ചുഗൽ ദേശീയ ടീമിനെ യുവേഫ നേഷൻസ് ലീഗ് ചാമ്പ്യന്മാരുമാക്കി.
