നദിക്കരയില്‍ നില്‍ക്കുന്ന സ്ത്രീയുടെ ദേഹത്തേക്കു മുതല ചാടിവീഴുന്നു. സമീപത്തുണ്ടായിരുന്നവര്‍ രക്ഷിക്കാന്‍ ഓടിയെത്തുന്നതിനിടെ മുതല സ്ത്രീയെ വിഴുങ്ങുന്നു. ദൃക്‌സാക്ഷികള്‍ പകര്‍ത്തിയ ഇതിന്‍റെ ദൃശ്യങ്ങളില്‍ സ്ത്രീയെ മുതല കടിച്ചുകീറി നദിയിലേക്ക് എറിയുന്നതും വിഴുങ്ങുന്നതും കാണാം.
സമൂഹ മാധ്യമങ്ങളില്‍ പങ്കു വെച്ച ഇതിന്‍റെ വീഡിയോ ഭയാനകമാണ്. 48 സെക്കന്‍ഡാണ് വീഡിയോയുടെ ദൈര്‍ഘ്യം.പാലത്പുര്‍ ഗ്രാമത്തില്‍ ബിരൂപ നദിയില്‍ കുളിക്കാനിറങ്ങിയ ജ്യോത്സ്ന റാണിയെയാണ് മുതല ആക്രമിച്ചു കൊന്നു ഭക്ഷിച്ചതെന്നു മാധ്യമ റിപ്പോര്‍ട്ടുകളില്‍ പറയുന്നു.
പോലീസും അഗ്നിരക്ഷാസേനയും നടത്തിയ തെരച്ചിലില്‍ നദിയില്‍ നിന്നു മൃതദേഹാവശിഷ്ടങ്ങള്‍ കണ്ടെത്തി. കഴിഞ്ഞ മാസം ഒഡീഷയിലെ കേന്ദ്രപാര ജില്ലയില്‍ സമാനമായ സംഭവം അരങ്ങേറിയിരുന്നു.
ഭിതാര്‍കനിക ദേശീയ ഉദ്യാനത്തില്‍ പ്രാന്തപ്രദേശത്തുള്ള നിമാപുര്‍ ഗ്രാമത്തില്‍ ബ്രാഹ്മണി നദിയില്‍ അമ്മയോടൊപ്പം കുളിക്കുന്നതിനിടെ പത്തുവയസുള്ള ആണ്‍കുട്ടിയെ മുതല വിഴുങ്ങുകയായിരുന്നു.
പ്രജനന സമയത്ത് മുതലകളുടെ ആവാസവ്യവസ്ഥയില്‍ ബാഹ്യഇടപെടല്‍ ഉണ്ടായാല്‍ അവ അക്രമാസക്തരാകുമെന്നു വന്യജീവി വിദഗ്ദര്‍ പറയുന്നു.
