റിമാൻഡ് തടവുകാരൻ ആശുപത്രിയിൽ മരിച്ചു; കസ്റ്റഡിയിൽ എടുക്കുന്പോൾ തന്നെ ശരീരത്തിൽ ക്ഷതമേറ്റിരുന്നതായി പോലീസ്

തി​രു​വ​ന​ന്ത​പു​രം: മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന റി​മാ​ൻ​ഡ് പ്ര​തി മ​രി​ച്ചു. പോ​ങ്ങും​മൂ​ട് മാ​വ​ർ​ത്ത​ല​കോ​ണം പ​ണ​യി​ൽ​പു​ത്ത​ൻ​വീ​ട്ടി​ൽ അ​ജി​കു​മാ​ർ (37) ആ​ണ് മ​രി​ച്ച​ത്.

ജി​ല്ലാ ജ​യി​ലി​ൽ നി​ന്നും ക​ഴി​ഞ്ഞ ദി​വ​സ​മാ​ണ് ഇ​യാ​ളെ മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. ജ​യി​ലി​ൽ വ​ച്ച് കു​ഴ​ഞ്ഞ് വീ​ണ ഇ​യാ​ളെ ജ​യി​ൽ അ​ധി​കൃ​ത​ർ ജ​ന​റ​ൽ ആ​ശു​പ​ത്രി​യി​ലും പി​ന്നീ​ട് മെ​ഡി​ക്ക​ൽ കോ​ള​ജാ​ശു​പ​ത്രി​യി​ലും പ്ര​വേ​ശി​പ്പി​ക്കു​ക​യാ​യി​രു​ന്നു.

ക​ല്ല​യം സ്വ​ദേ​ശി വി​ശാ​ഖി​നെ മ​ർ​ദ്ദി​ച്ച് വാ​രി​യെ​ല്ലു​ക​ൾ അ​ടി​ച്ച് ത​ക​ർ​ത്ത കേ​സി​ലെ പ്ര​തി​യാ​ണ് . ഈ ​കേ​സു​മാ​യി ബ​ന്ധ​പ്പെ​ട്ട് നാ​ല് പേ​രെ മ​ണ്ണ​ന്ത​ല പോ​ലീ​സ് അ​റ​സ്റ്റ് ചെ​യ്തി​രു​ന്നു.

വി​ശാ​ഖി​നെ കാ​റി​ൽ ത​ട്ടി​ക്കൊ​ണ്ട ് പോ​യി പോ​ത്ത​ൻ​കോ​ട് പു​തു​കു​ന്ന് പ​ള്ളി​ക്ക് സ​മീ​പ​ത്തെ ആ​ളൊ​ഴി​ഞ്ഞ പ​റ​ന്പി​ൽ വ​ച്ച് പ്ര​തി​ക​ൾ ഉ​ൾ​പ്പെ​ട്ട സം​ഘം അ​ഞ്ച് മ​ണി​ക്കൂ​റി​ലേ​റെ സ​മ​യം മ​ർ​ദ്ദി​ക്കു​ക​യും പ​ണം ത​ട്ടി​യെ​ടു​ക്കു​ക​യും ചെ​യ്തി​രു​ന്നു​വെ​ന്ന് പോ​ലീ​സ് പ​റ​ഞ്ഞു.

പ്ര​തി​ക​ളി​ലൊ​രാ​ളാ​യ ക​ണ്ണ​ന് വി​ശാ​ഖി​നോ​ടു​ള്ള വി​രോ​ധ​ത്തി​ലാ​യി​രു​ന്നു ആ​ക്ര​മ​ണം ന​ട​ത്തി​യ​ത്. സ​ഹാ​യി​ക​ളാ​യി അ​ജി​കു​മാ​റും ഒ​പ്പം കൂ​ടി​യി​രു​ന്നു.

മൂ​ന്നാം തീ​യ​തി പ്ര​തി​ക​ളെ പോ​ലീ​സ് അ​റ​സ്റ്റ് ചെ​യ്തി​രു​ന്നു. നാ​ലാം തീ​യ​തി അ​ജി​കു​മാ​ർ ഉ​ൾ​പ്പെ​ടെ​യു​ള്ള​വ​രെ റി​മാ​ന്‍റ് ചെ​യ്തു.

അ​തേ​സ​മ​യം ക​സ്റ്റ​ഡി​യി​ലെ​ടു​ക്കു​ന്പോ​ൾ ത​ന്നെ അ​ജി​കു​മാ​റി​ന് ക്ഷ​ത​മേ​റ്റി​രു​ന്ന​താ​യി പോ​ലീ​സ് പ​റ​യു​ന്നു. വൈ​ദ്യ പ​രി​ശോ​ധ​ന​യി​ൽ ഇ​യാ​ൾ​ക്ക് ഒ​രാ​ഴ്ച​ക്ക് മു​ൻ​പ് വീ​ണ് പ​രി​ക്കേ​റ്റ ക്ഷ​തം ഉ​ണ്ട ായി​രു​ന്ന​താ​യി രേ​ഖ​പ്പെ​ടു​ത്തി​യി​രു​ന്നു​വെ​ന്നും പോ​ലീ​സ് പ​റ​ഞ്ഞു. അ​ജി​കു​മാ​ർ അ​വി​വാ​ഹി​ത​നാ​ണ്.