കൊച്ചി: കൊച്ചി കസ്റ്റംസ് പ്രിവന്‍റീവ് ഓഫീസിലെ കേന്ദ്ര സേനാ സുരക്ഷ പിന്‍വലിച്ചു. സ്വര്‍ണക്കടത്ത് റാക്കറ്റിന്‍റെ ഭീഷണിയെത്തുടര്‍ന്നാണ് സിആര്‍പിഎഫിനെ നിയോഗിച്ചിരുന്നത്.
ഇനി പോലീസ് സുരക്ഷ മതിയെന്നാണ് കേന്ദ്ര നിര്‍ദേശം. കസ്റ്റംസ് ഉദ്യോഗസ്ഥര്ക്കും പ്രതികള്‍ക്കും വധഭീഷണി ഉണ്ടെന്ന് ഐബി റിപ്പോര്‍ട്ട് ചെയ്തിരുന്നു.
ഇനി സംസ്ഥാന പോലീസിന്‍റെ സഹായം തേടിയാല്‍ മതിയെന്നാണ് കേന്ദ്ര ആഭ്യന്തര മന്ത്രാലയം ഇപ്പോള്‍ അറിയിച്ചിരിക്കുന്നത്. അതല്ലെങ്കില്‍ പണം നല്‍കി സിഐഎസ്എഫിനെ നിയോഗിക്കാമെന്നും കേന്ദ്ര സര്‍ക്കാരിന്‍റെ കത്തില്‍ പറയുന്നു.
സംഭവത്തില്‍ കസ്റ്റംസ് ഉദ്യോഗസ്ഥര്ക്കിടയില് വന്‍ പ്രതിഷേധമാണ് ഉയരുന്നത്. സുരക്ഷ ആവശ്യപ്പെട്ട് കമീഷണര്‍ വീണ്ടും കേന്ദ്രത്തിന് കത്തയച്ചു.
