കരാമ: ദുബായില്‍ ഗ്യാസ് സിലിണ്ടര്‍ പൊട്ടിത്തെറിച്ചുണ്ടായ അപകടത്തില്‍ ഒരാള്‍ക്കൂടി മരിച്ചു. ചികിത്സയിലായിരുന്ന തലശേരി ടെമ്പിള്‍ ഗേറ്റ് സ്വദേശി നിധിന്‍ ദാസാണ് മരിച്ചത്.
വിസിറ്റിംഗ് വിസയില്‍ ദുബായില്‍ ജോലി അന്വേഷിച്ചെത്തിയതാണ് ഇയാള്‍. അപകടത്തില്‍ മലപ്പുറം സ്വദേശി യാക്കൂബ് അബ്ദുല്ല ബുധനാഴ്ച മരിച്ചിരുന്നു.
ചൊവ്വാഴ്ച അര്‍ധരാത്രി 12.20ന് കരാമ ഡേ ടു ഡേ ഷോപ്പിംഗ് സെന്‍ററിന് സമീപമുള്ള ബിന്‍ഹൈദര്‍ ഫ്ലാറ്റിലാണ് അപകടമുണ്ടായത്.
ഗ്യാസ് സിലിണ്ടറില്‍ ചോര്‍ച്ചയുണ്ടാകുകയും പിന്നാലെ പൊട്ടിത്തെറിക്കുകയുമായിരുന്നു.അപകടത്തില്‍ മലയാളികളടക്കം ഒമ്പത് പേര്‍ക്ക് പരിക്കേറ്റിരുന്നു.
