കണ്ണീർ മഴയിൽ മുങ്ങിയ സംസ്ഥാനത്തെ ജനങ്ങളുടെ ജീവൻ രക്ഷിക്കാൻ വിശ്രമമില്ലാതെ കഷ്ടപ്പെട്ട സൈന്യത്തിനും മത്സ്യത്തൊഴിലാളികൾക്കും നന്ദി അറിയിച്ച് പ്രശസ്ത കലാകാരൻ കൊടുങ്ങല്ലൂർ സ്വദേശിയായ ഡാവിഞ്ചി സുരേഷ്.
ഒരു കലാസൃഷ്ടിയിലൂടെയാണ് അദ്ദേഹം ഒരു ജനതയുടെ മുഴുവൻ നന്ദിയും കടപ്പാടും ഉറക്കെ വിളിച്ചു പറഞ്ഞത്. പ്രളയത്തിൽ കേരളത്തെ താങ്ങിനിർത്തുന്ന മത്സ്യത്തൊഴിലാളികളും ആകാശത്തുനിന്ന് താങ്ങിയെടുക്കുന്ന ഹെലികോപ്ടറുമാണ് ഈ ശിൽപത്തിലുള്ളത്.
“ഒരു ദുരന്തത്തിന്‍റെ ഓർമയ്ക്ക്.. ഒട്ടേറെ പേരെ ദുരിതകയത്തിലാക്കിയ പ്രളയ ദുരന്തം…ജീവൻ രക്ഷാപ്രവർത്തനത്തിൽ മുഖ്യപങ്ക് വഹിച്ചവരെ എങ്ങനെ മറക്കാനാകും…ഇന്ത്യൻ സൈന്യത്തിനും കടലിന്‍റെ മക്കൾക്കും ഈ ശിൽപം സമർപ്പിക്കുന്നു..’ എന്ന കുറിപ്പെഴുതിയാണ് അദ്ദേഹം ഈ കലാരൂപത്തിന്‍റെ ചിത്രം ഫേസ്ബുക്കിലൂടെ പങ്കുവച്ചത്.
