പിന്നില്‍ അടുത്ത ബന്ധു! പ്രായപൂര്‍ത്തിയാകാത്ത സഹോദരിമാര്‍ തൂങ്ങി മരിച്ച സംഭവത്തില്‍ ദുരൂഹതയേറുന്നു; മൂത്തകുട്ടി പല തവണ പീഡനത്തിനിരയായി

പാ​ല​ക്കാ​ട്: വാ​ള​യാ​റി​ൽ പ്രാ​യ​പൂ​ർ​ത്തി​യാ​കാ​ത്ത സ​ഹോ​ദ​രി​മാ​ർ ര​ണ്ടു​മാ​സ​ത്തി​നി​ടെ തൂ​ങ്ങി​മ​രി​ച്ച സം​ഭ​വ​ത്തി​ൽ ദു​രൂ​ഹ​ത​യേ​റു​ന്നു. ജനുവരിയിൽ മരിച്ച മൂത്തകുട്ടി പല തവണ പീഡനത്തിനിരയായിട്ടുണ്ടെന്ന് മാതാവ് പോലീസിന് മൊഴി നൽകി. അടുത്ത ബന്ധുവാണ് കുട്ടിയെ പീഡിപ്പിച്ചത്. ഇക്കാര്യം ബോധ്യപ്പെട്ടപ്പോൾ ഇയാളെ താക്കീത് ചെയ്തിരുന്നുവെന്നും അമ്മ മൊഴി നൽകിയിട്ടുണ്ട്.

മരിച്ച രണ്ടു കുട്ടികളും ലൈം​ഗീ​ക​പീ​ഡ​ന​ത്തി​ന് ഇ​ര​യാ​യി​ട്ടു​ണ്ടെ​ന്ന് പോ​സ്റ്റു​മോ​ർ​ട്ടം റി​പ്പോ​ർ​ട്ടി​ലു​ള്ള​താ​യി സൂ​ച​ന​യു​ണ്ട്. മ​ര​ണ​ത്തി​ന് മു​ന്പു​ള്ള മ​ണി​ക്കൂ​റു​ക​ളി​ൽ പീ​ഡ​നം ന​ട​ന്നി​ട്ടി​ല്ലെ​ങ്കി​ലും മു​ന്പ് പ​ല​ത​വ​ണ പീ​ഡ​നം ന​ട​ന്നി​ട്ടു​ള്ള​താ​യാ​ണ് വിവരം. സം​ഭ​വ​ത്തെ​ക്കു​റി​ച്ച് അ​ന്വേ​ഷി​ക്കാ​ൻ എ​എ​സ്പി ജി. ​പൂ​ങ്കു​ഴ​ലി​യു​ടെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പീ​ക​രി​ച്ചു.

പാ​ല​ക്കാ​ട് ക​ഞ്ചി​ക്കോ​ട് അ​ട്ട​പ്പ​ള്ളം ഭാ​ഗ്യ​വ​തി​യു​ടെ മ​ക​ൾ ശ​ര​ണ്യ (9) യെ​യാ​ണ് ക​ഴി​ഞ്ഞ​ദി​വ​സം വൈ​കീ​ട്ട് ഏ​ഴ​ര​യോ​ടെ വീ​ടി​ന​ക​ത്ത് തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്.
പിതാവ് ഷാ​ജി​യാ​ണ് തൂ​ങ്ങി​മ​രി​ച്ച നി​ല​യി​ൽ ശ​ര​ണ്യ​യെ ആ​ദ്യം ക​ണ്ട​ത്. ജ​നു​വ​രി 12ന് ​ശ​ര​ണ്യ​യു​ടെ ചേ​ച്ചി കൃ​തി​ക (14) യെ ​ഇ​തേ സ്ഥ​ല​ത്ത് തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി​യി​രു​ന്നു.

സം​ഭ​വ​ത്തി​ൽ സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​ൻ സ്വ​മേ​ധ​യ കേ​സെ​ടു​ത്ത് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. കൊ​ല​പാ​ത​ക​മാ​ണെ​ന്ന് സം​ശ​യി​ക്കു​ന്ന കൃ​തി​ക​യു​ടെ മ​ര​ണ​ത്തി​ലെ ഏ​ക ദൃ​ക്സാ​ക്ഷി​യാ​യി​രു​ന്നു ശ​ര​ണ്യ. ആ​വ​ർ​ത്തി​ച്ചു​ണ്ടാ​യ ശി​ശു​മ​ര​ണ​ങ്ങ​ളി​ൽ ശി​ശു​ക്ഷേ​മ സമിതിക്കും പോ​ലീ​സി​നും ത​ദ്ദേ​ശ​സ്ഥാ​പ​ന​ങ്ങ​ൾ​ക്കും വീ​ഴ്ച​വ​ന്ന​താ​യി ആ​രോ​പ​ണ​മു​ണ്ടെ​ന്ന് ക​മ്മീ​ഷ​ൻ അം​ഗം കെ.​മോ​ഹ​ൻ​കു​മാ​ർ ഉ​ത്ത​ര​വി​ൽ ചൂ​ണ്ടി​ക്കാ​ണി​ച്ചി​ട്ടു​ണ്ട്. പാ​ല​ക്കാ​ട് ജി​ല്ലാ​ക​ള​ക്ട​റും പോ​ലീ​സ് സൂ​പ്ര​ണ്ടും ജി​ല്ലാ ശി​ശു​ക്ഷേ​മ സ​മി​തി​സെ​ക്ര​ട്ട​റി​യും ഒ​രു​മാ​സ​ത്തി​ന​കം അ​ന്വേ​ഷ​ണ റി​പ്പോ​ർ​ട്ടു​ക​ൾ ഹാ​ജ​രാ​ക്ക​ണമെന്നാണ് ഉത്തരവ്.

വീട്ടമ്മയുടെ ആ​ദ്യ ​ഭ​ർ​ത്താ​വി​ലു​ള്ള കു​ട്ടി​യാ​ണ് കൃ​തി​ക. സ​ഹോ​ദ​രി​യു​ടെ മ​ര​ണ​സ​മ​യ​ത്ത് മു​ഖം​മൂ​ടി ധ​രി​ച്ച ര​ണ്ട്പേ​ർ വീ​ട്ടി​ൽ നി​ന്നും ഇ​റ​ങ്ങി​പ്പോ​യ​താ​യി കഴിഞ്ഞ ദിവസം മരിച്ച ശ​ര​ണ്യ മൊ​ഴി ന​ൽ​കി​യി​രു​ന്നു. സം​ഭ​വ ദി​വ​സം വൈ​കു​ന്നേ​രം വ​രെ കു​ട്ടി വീ​ടി​നു പു​റ​ത്തു ക​ളി​ക്കു​ന്ന​ത് ക​ണ്ട​വ​രു​ണ്ട്. കൃ​തി​ക​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് ഒ​രു യു​വാ​വി​നെ ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്തി​രു​ന്നു. ക​ഞ്ചാ​വി​ന്‍റെ​യും മ​യ​ക്കു​മ​രു​ന്നി​ന്‍റെ​യും കേ​ന്ദ്ര​മാ​ണ് ഈ ​പ്ര​ദേ​ശ​മെ​ന്ന് ആ​ക്ഷേ​പ​മു​ണ്ട്. ഒ​രു​വ​ർ​ഷം മു​ന്പ് ഇ​തേ സ്ഥ​ല​ത്ത് ഒ​രു പെ​ണ്‍​കു​ട്ടി​ക്ക് മ​യ​ക്കു​മ​രു​ന്ന് ന​ൽ​കി പീ​ഡി​പ്പി​ച്ച കേ​സി​ൽ യു​വാ​വ് അ​റ​സ്റ്റി​ലാ​യി​രു​ന്നു.

മൂ​ത്ത​മ​ക​ൾ ജ​നു​വ​രി 13നും ​ഒ​ന്പ​തു​കാ​രി​യാ​യ ഇ​ള​യ​മ​ക​ൾ മാ​ർ​ച്ച് നാ​ലി​നു​മാ​ണ് ഒ​റ്റ​മു​റി വീ​ട്ടി​ൽ തൂ​ങ്ങി​ മ​രി​ച്ച​ത്. ഇ​രു​വ​രും ഒ​രേ സ്ഥാ​ന​ത്താ​ണ് തൂ​ങ്ങി​യ നി​ല​യി​ൽ കാ​ണ​പ്പെ​ട്ട​ത്. വാ​ർ​പ്പു പ​ണി​ക്കാ​രാ​യ ദ​ന്പ​തി​ക​ൾ ജോ​ലി​ക​ഴി​ഞ്ഞു മ​ട​ങ്ങി​വ​രു​ന്ന​തി​നു ഏ​താ​നും മി​നി​റ്റു​ക​ൾ​ക്കു മു​ന്പാ​ണ് ര​ണ്ടു കു​ട്ടി​ക​ളു​ടെ​യും മ​ര​ണം ന​ട​ന്നി​രി​ക്കു​ന്ന​ത്.

സംഭവത്തിൽ പോലീസിനും ഗുരുതര വീഴ്ച സംഭവിച്ചുവെന്നാണ് ആരോപണം. കു​ട്ടി​ക​ൾ ക​ട്ടി​ലി​ൽ ക​യ​റി​നി​ന്നാ​ലും ഉ​ത്ത​ര​ത്തി​ൽ കൈ എത്താനുള്ള സാ​ധ്യ​ത വി​ര​ള​മാ​ണ്. ഇ​വ​യൊ​ന്നും പ​രി​ഗ​ണി​ക്കാ​തെ ആ​ത്മ​ഹ​ത്യ​യെ​ന്ന നി​ഗ​മ​ന​ത്തി​ൽ പോ​ലീ​സ് കേ​സ് അ​വ​സാ​നി​പ്പി​ക്കാ​നാ​ണ് ശ്ര​മം ന​ട​ത്തി​യ​തെ​ന്നും ആ​ക്ഷേ​പ​മു​ണ്ട്. ശ​ര​ണ്യ​യു​ടെ പോ​സ്റ്റ്മോർട്ടം റിപ്പോർട്ട് ബുധനാഴ്ച അന്വേഷണ സംഘത്തിന് ലഭിക്കും.