കൊച്ചി: ഫ്‌ളാറ്റിന്‍റെ 10-ാം നിലയില്‍ നിന്നും വീണ് വീട്ടമ്മ മരിച്ച നിലയിൽ. കതൃക്കടവ് ജെയിന്‍ ഫ്‌ളാറ്റിലെ 10 ബിയിൽ താമസിക്കുന്ന തിരുവല്ല സ്വദേശി എൽസാ ലീനയൊണ് (38) മരിച്ച നിലയില്‍ കണ്ടെത്തിയത്. ഇന്ന് രാവിലെ 6.20 ഓടെയാണ് സംഭവം.
10-ാം നിലയില്‍ നിന്നും ചാടിയ എല്‍സ രണ്ടാം നിലയിലെ ഒഴിഞ്ഞ ഭാഗത്താണ് വീണത്. ഇവിടെയാണ് ആദ്യം മൃതദേഹം കണ്ടത്. ചാടിയതാണെന്നാണ് പ്രാഥമിക നിഗമനമെന്ന് പോലീസ് പറഞ്ഞു.
തിരുവല്ല സ്വദേശിയായ എല്‍സ ഒമ്പതുവയസുകാരിയായ മകള്‍ക്കും ഇവരുടെ അമ്മയ്ക്കും ഒപ്പമാണ് ഫ്‌ളാറ്റില്‍ താമസിച്ചിരുന്നത്. വിവാഹം കഴിഞ്ഞിട്ട് 10 വര്‍ഷമായി.
ജോലിയുമായി ബന്ധപ്പെട്ട് ഭര്‍ത്താവ് ചെന്നൈയിലാണ്. എറണാകുളം നോര്‍ത്ത് പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.
