ചേ​റ്റു​പു​ഴ​യി​ൽ ടി​പ്പ​ർ ഡ്രൈ​വ​റെ ത​ല​യ്ക്ക​ടി​ച്ചു കൊ​ന്നു; പ്രതി ദീപുവിനെ നാട്ടുകാർ പിടികൂടി പോലീസിൽ ഏൽപ്പിച്ചു

സ്വ​ന്തം ലേ​ഖ​ക​ൻ

തൃ​ശൂ​ർ: ചേ​റ്റു​പു​ഴ​യി​ൽ ടി​പ്പ​ർ ലോ​റി ഡ്രൈ​വ​റെ ത​ല​യ്ക്ക​ടി​ച്ച് കൊ​ല​പ്പെ​ടു​ത്തി. ചേ​റ്റു​പു​ഴ സ്വ​ദേ​ശി തെ​റ്റാ​രി വീ​ട്ടി​ൽ വേ​ല​പ്പ​ൻ മ​ക​ൻ ശ​ശി​ധ​ര​നാ​ണ്(49) കൊ​ല്ല​പ്പെ​ട്ട​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ചേ​റ്റു​പു​ഴ സ്വ​ദേ​ശി ദീ​പു​വി​നെ പോ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​യാ​ൾ മാ​ന​സി​ക​വി​ഭ്രാ​ന്തി​യു​ള്ള ആ​ളാ​ണെ​ന്ന് പ​റ​യു​ന്നു.

ഇ​ന്നു പു​ല​ർ​ച്ചെ മൂ​ന്ന​ര​യോ​ട​യാ​ണ് സം​ഭ​വ​മു​ണ്ടാ​യ​ത്. പു​ല​ർ​ച്ചെ ജോ​ലി​ക്കാ​യി വീ​ട്ടി​ൽ നി​ന്നി​റ​ങ്ങി ന​ട​ന്നു​വ​രു​ന്പോ​ൾ ചേ​റ്റു​പു​ഴ ആ​ന്പ​ക്കാ​ട്ട് മൂ​ല​യി​ൽ​വ​ച്ച് ശ​ശി​ധ​ര​നെ ദീ​പു മു​ള​വ​ടി​കൊ​ണ്ട് ത​ല​യ്ക്ക​ടി​ക്കു​ക​യാ​യി​രു​ന്നു. ചാ​യ​കു​ടി​ക്കാ​നാ​യി അ​തു​വ​ഴി വ​ന്നി​രു​ന്ന പ്ര​ശാ​ന്ത് എ​ന്ന​യാ​ൾ ഇ​തു​ക​ണ്ട് ദീ​പു​വി​നെ ത​ട​യാ​ൻ ശ്ര​മി​ച്ചെ​ങ്കി​ലും ദീ​പു വ​ടി​കൊ​ണ്ട് പ്ര​ശാ​ന്തി​നെ ആ​ക്ര​മി​ക്കാ​ൻ ശ്ര​മി​ച്ച് ആ​ട്ടി​യോ​ടി​ച്ചു.

പ്ര​ശാ​ന്ത് ഒ​ച്ച​വെ​ച്ച് കൂ​ടു​ത​ൽ ആ​ളു​ക​ളെ കൂ​ട്ടി​ ദീ​പു​വി​നെ ഓ​ടി​ച്ചു വി​ട്ട ശേ​ഷ​മാ​ണ് അ​ടി​യേ​റ്റു​വീ​ണ ശ​ശി​ധ​ര​നെ ഒ​ള​രി​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച​ത്. ഗു​രു​ത​ര​മാ​യി പ​രി​ക്കേ​റ്റ ശ​ശി​ധ​ര​നെ പ്രാ​ഥ​മി​ക ചി​കി​ത്സ​ക്കു ശേ​ഷം തൃ​ശൂ​ർ ജ​ന​റ​ൽ ആ​ശു​പ​ത്രി​യി​ലേ​ക്ക് എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

സം​ഭ​വ​ത്തി​നു ശേ​ഷം ഓ​ടി​ര​ക്ഷ​പ്പെ​ടാ​ൻ ശ്ര​മി​ച്ച ദീ​പു​വി​നെ നാ​ട്ടു​കാ​രു​ടെ സ​ഹാ​യ​ത്തോ​ടെ പോ​ലീ​സ് പി​ടി​കൂ​ടി ക​സ്റ്റ​ഡി​യി​ലെ​ടു​ത്തു. ശ​ശി​ധ​ര​നെ ആ​ക്ര​മി​ക്കാ​ൻ ഉ​പ​യോ​ഗി​ച്ച മു​ള​വ​ടി സ​മീ​പ​ത്തെ വെ​റ്റ​റി​ന​റി ആ​ശു​പ​ത്രി​യി​ൽ​നി​ന്ന് പോ​ലീ​സ് ക​ണ്ടെ​ടു​ത്തു.

വാ​ർ​ക്ക​പ്പ​ണി​ക്കാ​യി കൊ​ണ്ടു​വ​ന്ന മു​ള​വ​ടി​യാ​ണി​ത്. ഇ​യാ​ൾ മു​ള​വ​ടി​യു​മാ​യി പ​ടി​ഞ്ഞാ​റേ കോ​ട്ട​യി​ൽ ക​റ​ങ്ങി ന​ട​ക്കു​ന്ന​ത് ക​ണ്ട​വ​രു​ണ്ട്.വെ​സ്റ്റ് പോ​ലീ​സും ഡോ​ഗ് സ്ക്വാ​ഡും ഫോ​റ​ൻ​സി​ക് വി​ഭാ​ഗ​വും സം​ഭ​വ​സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.ഉ​ഷ​യാ​ണ് ശ​ശി​ധ​ര​ന്‍റെ ഭാ​ര്യ. മ​ക്ക​ൾ: നി​ഹി​ൽ, മി​ഥു​ൻ, തീ​ർ​ത്ഥ