വീ​ട്ട​മ്മ വാ​ട​കവീ​ട്ടി​ൽ മ​രി​ച്ച നി​ല​യി​ൽ;  വീട്ടമ്മയ്ക്ക് സുഖമില്ലെന്ന് വിളിച്ചു പറഞ്ഞ സുഹൃത്ത് ട്രെയിൻ തട്ടി മരിച്ച നിലയിൽ ; ക​ഴു​ത്തു​ഞെ​രി​ച്ച് ശ്വാ​സം മു​ട്ടി​ച്ചു കൊ​ല​പ്പെ​ടു​ത്തി​യതാണെന്ന് ഡോക്ടർമാർ

കൊ​ട്ടാ​ര​ക്ക​ര: വീ​ട്ട​മ്മ​യെ വാ​ട​ക​യ്ക്കു താ​മ​സി​ക്കു​ന്ന വീ​ട്ടി​ൽ ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി. കോ​ട്ടാ​ത്ത​ല ഏ​റ​ത്തു​മു​ക്കി​ൽ പ്ലാ​ക്കു​ഴി വീ​ട്ടി​ൽ രാ​ജ​ൻ -ശാ​ന്താ ദ​മ്പ​തി​ക​ളു​ടെ മ​ക​ൾ സ്മി​ത (33)യെ​യാ​ണ് ഇ​ന്നു പു​ല​ർ​ച്ചെ മ​രി​ച്ച നി​ല​യി​ൽ കാ​ണ​പ്പെ​ട്ട​ത്. വെ​ണ്ടാ​റി​ൽ വാ​ട​ക​യ്ക്ക് താ​മ​സി​ച്ചു വ​രി​ക​യാ​യി​രു​ന്നു. ഭ​ർ​ത്താ​വ് ദീ​പേ​ഷ് വി​ദേ​ശ​ത്താ​ണ്.

മൂ​ന്നു മാ​സം മു​മ്പാ​ണ് ഇ​വ​ർ ഇ​വി​ടെ ര​ണ്ടു മ​ക്ക​ളു​മാ​യി വാ​ട​ക​യ്ക്ക് താ​മ​സി​ക്കാ​നെ​ത്തി​യ​ത്. ഭ​ർ​ത്താ​വി​ന്‍റെ ബ​ന്ധു​വെ​ന്ന് പ​രി​ച​യ​പ്പെ​ടു​ത്തി​യി​ട്ടു​ള്ള സനീഷ് എന്നയാളാണ് പു​ല​ർ​ച്ചെ സ്മി​ത​യു​ടെ കൂ​ട്ടു​കാ​രി​യെ വി​ളി​ച്ച് സ്മി​ത​യ്ക്ക് സു​ഖ​മി​ല്ലെ​ന്ന​റി​യി​ച്ച​ത്. രാ​വി​ലെ ആ​റോ​ടെ ഇ​വി​ടെ​യെ​ത്തി​യ കൂ​ട്ടി​കാ​രി​യും ഭ​ർ​ത്താ​വും കാ​ണു​ന്ന​ത് സ്മി​ത​യു​ടെ മൃ​ത​ശ​രീ​ര​മാ​ണ്. തു​ട​ർ​ന്ന് കൊ​ട്ടാ​ര​ക്ക​ര താ​ലൂ​ക്കാ​ശു​പ​ത്രി​യി​ലെ​ത്തി​ച്ച് മ​ര​ണം സ്ഥി​രീ​ക​രി​ച്ചു.

ക​ഴു​ത്തു​ഞെ​രി​ച്ച് ശ്വാ​സം മു​ട്ടി​ച്ചു കൊ​ല​പ്പെ​ടു​ത്തി​യെ​ന്നാ​ണ് ഡോ​ക്ട​ർ​മാ​രു​ടെ പ്രാ​ഥ​മി​ക നി​ഗ​മ​നം. ക​ഴു​ത്തി​ൽ പാ​ടു​ക​ളും ക​ണ്ടെ​ത്തി. മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നാ​യി തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജി​ലേ​ക്കു മാ​റ്റി. പു​ത്തൂ​ർ പോ​ലീ​സ് അ​ന്വേ​ഷ​ണം ആ​രം​ഭി​ച്ചു.

അ​തേ​സ​മ​യം സ്മി​ത​യ്ക്കു സു​ഖ​മി​ല്ലെ​ന്ന വി​വ​രം കൂ​ട്ടു​കാ​രി​യെ അ​റി​യി​ച്ച സനീഷിനെ കൊല്ലം റെയിൽവേ സ്റ്റേഷന് സമീപം ട്രെയിൻ തട്ടി മരിച്ച നിലയിൽ കണ്ടെത്തി. ഇന്ന് രാവിലെ എട്ടോടെ ഫാത്തിമമാതാ കോളജിന് സമീപത്തെ റെയിൽവേ ട്രാക്കിലായിരുന്നു സംഭവം. കോന്നിയിലെ ക്രഷർ യൂണിറ്റിൽ ജോലിയായിരുന്നു. ഈസ്റ്റ് പോലീസ് കേസെടുത്തു.