കോഴിക്കോട്: ടെലിവിഷന്‍ വാര്‍ത്തയുടെ ലോകത്ത് നിന്ന് ബിഗ്‌സ്‌ക്രീനിലേക്ക് ചുവട്‌വച്ച് മാധ്യമപ്രവര്‍ത്തകന്‍ . വാര്‍ത്ത രംഗത്ത് സ്റ്റേറ്റ് ടെലിവിഷന്‍ അവാർഡ് ഉള്‍പ്പടെ നിരവധി പുരസ്‌കാരങ്ങള്‍ക്ക് അര്‍ഹനാനായ ദീപക് ധര്‍മ്മടമാണ് സിനിമയില്‍ സജീവമാകുന്നത്.
25നു റിലീസ് ചെയ്യുന്ന മുന്തിരി മൊഞ്ചനില്‍ എസ്‌ഐ ബലരാമനായി ശ്രദ്ധേയ വേഷത്തിലാണ് ദീപക് എത്തുന്നത്. നവാഗത സംവിധായകന്‍ വിജിത്ത് നമ്പ്യാര്‍ സംവിധാനം ചെയ്ത ചിത്രമാണ് മുന്തിരി മൊഞ്ചൻ.ബലരാമനെ മനോഹരമായി അവതരിപ്പിച്ച് ദീപക് പോലീസ് ഉദ്യോഗസ്ഥരുടെ പ്രശ്‌നങ്ങളിലേക്കാണു പ്രേക്ഷക ശ്രദ്ധ തിരിക്കുന്നത് .
മലയാളത്തിലെ ബ്രഹ്മാണ്ഡ ചിത്രം മമ്മൂട്ടി നായകനായ മാമാങ്കത്തിലും ദീപക് അഭിനയിക്കുന്നുണ്ട്. പത്മകുമാറിന്‍റെ അടുത്ത ആസിഫലി ചിത്രത്തില്‍ ഒരു മികച്ച കഥാപാത്രം ദീപക് അവതരിപ്പിക്കും എന്നാണ് വിവരം. ശ്യാമപ്രസാദ് , സലാം ബാപ്പു തുടങ്ങിയ മുന്‍ നിര സംവിധായകരുടെ അടുത്ത ചിത്രത്തില്‍ ശ്രദ്ധേയ വേഷങ്ങൾ ദീപക് ധര്‍മത്തിന് ഉണ്ടാകുമെന്നാണ് അറിയുന്നത് .
മോഹന്‍ലാല്‍ ചിത്രമായാ ലൂസിഫറില്‍ ഒരു ജേര്‍ണലിസ്റ്റായിട്ടാണ് ദീപക് വേഷമിട്ടത്. നാദിര്‍ഷ സംവിധാനം ചെയ്ത മേരാനാം ഷാജിയിലും ദീപക് അഭിനയിച്ചിരുന്നു. കൊള്ള പലിശക്കാരനായ രാരിച്ചന്‍ കോണ്‍ട്രാക്ടറായാണ് അദ്ദേഹമെത്തിയത്. സ്‌കൂള്‍ – കോളജ് സ്റ്റേജുകളില്‍ നാടക ,മോണോആക്ട് വേദിയില്‍ ദീപിക് സജീവമായിരുന്നു. കണ്ണൂര്‍ ധർമ്മടം സ്വദേശിയായ ദീപക് അമൃത ടിവിയിൽ നേരത്തെ ജോലിചെയ്തിട്ടുണ്ട്.
