തന്‍റെ ഹോളിവുഡ് ചിത്രത്തിന്‍റെ പ്രൊമോഷൻ തിരക്കുകളിൽ നിന്ന് ഇടവേളയെടുത്താണ് ബോളിവുഡ് സുന്ദരി ദീപിക പദുക്കോണ് ഇന്ത്യയിലെത്തിയത്. ഇവിടെ പറഞ്ഞുറപ്പിച്ചിരുന്ന പരിപാടികളിൽ പങ്കെടുത്ത് മടങ്ങുന്നതിനു മുന്പ് ദീപിക ഒരു കാര്യം വെളിപ്പെടുത്തി.
‘എന്നെ പ്രിയങ്കയുമായി താരതമ്യം ചെയ്യരുത്. എനിക്ക് അവരെ വ്യക്തിപരമായും ഒൗദ്യോഗികമായും അറിയാവുന്നതാണ്. അഭിനയത്തിൽ ഞങ്ങൾ രണ്ടുപേരും മികച്ച പ്രകടനങ്ങളാണ് കാഴ്ചവയ്ക്കുന്നത്. പക്ഷേ ഞങ്ങളുടെ ലോകം തീർത്തും വ്യത്യസ്തമാണ്. ഒട്ടും ചേർച്ചയില്ലാത്തതും ഭീകരവുമായ ഒരു താരതമ്യമാണ് ഇപ്പോൾ നടന്നുകൊണ്ടിരിക്കുന്നത്.’ താരം പറഞ്ഞു.
തന്നെ അനുഷ്കയോടോ സൊനാക്ഷിയോടോ താരതമ്യം ചെയ്താൽ തെറ്റില്ല എന്നും ദീപിക കൂട്ടിച്ചേർത്തു. ഉടൻ തന്നെ പദ്മാവതിയുടെ ചിത്രീകരണത്തിനായി ദീപിക മടങ്ങിയെത്തുമെന്നാണ് അറിയാൻ സാധിക്കുന്നത്.
